ಲಾಹೋರ್: ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಎಲ್ಲಾ ಮಾದರಿಯ ಕ್ರಿಕೆಟ್ನಲ್ಲಿ ಅತ್ಯುತ್ತಮ ಬ್ಯಾಟ್ಸ್ಮನ್ ಎಂದು ಪಾಕಿಸ್ತಾನದ ಎಡಗೈ ವೇಗಿ ಜುನೈದ್ ಖಾನ್ ಅಭಿಪ್ರಾಯಪಟ್ಟಿದ್ದಾರೆ.
ಕೊಹ್ಲಿ ಸ್ಥಿರತೆ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿರುವ ಜುನೈದ್, ಪ್ರಸ್ತುತ ಕೊಹ್ಲಿ ಪ್ರತಿಸ್ಪರ್ಧಿಗಳಾದ ಇಂಗ್ಲೆಂಡ್ ತಂಡದ ನಾಯಕ ಜೋ ರೂಟ್, ಆಸ್ಟ್ರೇಲಿಯಾದ ಸ್ಟಿವ್ ಸ್ಮಿತ್ , ನ್ಯೂಜಿಲ್ಯಾಂಡ್ನ ಕೇನ್ ವಿಲಿಯಮ್ಸನ್ ಹಾಗೂ ಪಾಕಿಸ್ತಾನದ ಸೀಮಿತ ಓವರ್ಗಳ ನಾಯಕ ಬಾಬರ್ ಅಜಾಮ್ ಅವರಿಗಿಂತ ಕೊಹ್ಲಿ ಮುಂದಿದ್ದಾರೆ ಎಂದು ತಿಳಿಸಿದ್ದಾರೆ.
ಎಲ್ಲಾ ಮಾದರಿಯ ಕ್ರಿಕೆಟ್ನಲ್ಲಿ ಕೊಹ್ಲಿ ಉತ್ತಮ ಎನ್ನುವುದರಲ್ಲಿ ಯಾವುದೇ ರೀತಿಯ ಅನುಮಾನಗಳಿಲ್ಲ. ನೀವು ಯಾರಿಗೆ ಈ ಪ್ರಶ್ನೆ ಕೇಳಿದರೂ, ಬಾಬರ್ ಅಜಾಮ್, ಜೋ ರೂಟ್, ಕೇನ್ ವಿಲಿಯಮ್ಸನ್ ಸ್ಟಿವ್ ಸ್ಮಿತ್ ಹಾಗೂ ಕೊಹ್ಲಿಯನ್ನು ವಿಶ್ವದ ಟಾಪ್ಬ್ಯಾಟ್ಸ್ಮನ್ಗಳೆಂತಲೂ, ಆ ಲಿಸ್ಟ್ನಲ್ಲಿ ಕೊಹ್ಲಿ ಪ್ರಥಮ ಸ್ಥಾನದಲ್ಲಿ ನಿಲ್ಲುತ್ತಾರೆ. ಅವರು ಮೂರು ಮಾದರಿಯ ಕ್ರಿಕೆಟ್ನಲ್ಲಿ ಅದ್ಭುತ ಸಾಧನೆ ಮಾಡಿದ್ದಾರೆ ಎಂದು ಯೂಟ್ಯೂಬ್ ಚಾನಲ್ ವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.
ಪಾಕಿಸ್ತಾನ ತಂಡ 2012ರಲ್ಲಿ ಭಾರತ ಪ್ರವಾಸ ಕೈಗೊಂಡಿದ್ದನ್ನು ನೆನಪಿಸಿಕೊಂಡ ಜುನೈದ್, ನಾನು ಅಂದು ಕೊಹ್ಲಿಗೆ ಹಾಕಿದ ಮೊದಲ ಎಸೆತ ವೈಡ್ ಆಗಿತ್ತು. ನಂತರದ ಎಸೆತದಲ್ಲಿ ಆತ ರನ್‌ ಗಳಿಸಿರಲಿಲ್ಲ. ಆಗ ನಾನು ಈತ ಮಾನ್ಯ ಬ್ಯಾಟ್ಸ್ಮನ್ ಎಂದುಕೊಂಡಿದ್ದೆ ಎಂದು ಹೇಳಿದ್ದಾರೆ.
ಆ ಪ್ರವಾಸದಲ್ಲಿ ಎರಡೂ ಮಾದರಿಯಲ್ಲಿ ವೈಫಲ್ಯ ಕಂಡಿದ್ದ ಕೊಹ್ಲಿ ಐದು ಇನಿಂಗ್ಸ್‌ಗಳಿಂದ ಕೇವಲ 49 (9, 27, 0, 6, 7) ರನ್‌ ಗಳಿಸಲಷ್ಟೇ ಶಕ್ತರಾಗಿದ್ದರು. ಏಕದಿನ ಸರಣಿಯಲ್ಲಿ ಮೂರೂ ಪಂದ್ಯಗಳಲ್ಲಿ ಕೊಹ್ಲಿ ಜುನೈದ್ ಖಾನ್ಗೆ ವಿಕೆಟ್ ಒಪ್ಪಿಸಿದ್ದರು. ಪಾಕ್ ವೇಗಿ ಹಾಕಿದ 24 ಎಸೆತಗಳನ್ನು ಎದುರಿಸಿದ್ದ ಕೊಹ್ಲಿ ಕೇವಲ 3 ರನ್‌ ಗಳಿಸಿದ್ದರು.
'ಅದೇ ಸಂದರ್ಭದಲ್ಲಿ ಕೊಹ್ಲಿ, ಇವು ಭಾರತದ ಪಿಚ್‌ಗಳು, ಇಲ್ಲಿ ಚೆಂಡು ಹೆಚ್ಚು ವೇಗ ಮತ್ತು ಸ್ವಿಂಗ್ ಆಗುವುದಿಲ್ಲ ಎಂದು ತಮಾಷೆಯಾಗಿ ಹೇಳಿದ್ದರು. ಅದಕ್ಕೆ ನಾನು, ನೋಡೋಣ. ಏಕೆಂದರೆ ನನ್ನಲ್ಲಿ ಸಾಕಷ್ಟು ಆವೇಗವಿದೆ ಎಂದಿದ್ದೆ' ಎಂಬುದನ್ನು ಜುನೈದ್ ನೆನಪಿಸಿಕೊಂಡಿದ್ದಾರೆ.
2012ರಲ್ಲಿ ಪಾಕಿಸ್ತಾನ ಭಾರತ ಪ್ರವಾಸ ಕೈಗೊಂಡಿದ್ದ ವೇಳೆ ಟಿ20 ಸರಣಿಯಲ್ಲಿ 1-1ರಲ್ಲೂ ಸಮಬಲ ಸಾಧಿಸಿದರೆ ಏದಕಿನ ಸರಣಿಯನ್ನು 2-1ರಲ್ಲಿ ಗೆದ್ದುಕೊಂಡಿತ್ತು. ಬ್ಯಾಟಿಂಗ್ನಲ್ಲಿ ನಾಸಿರ್ ಜೆಮ್ಶೆಡ್ ಹಾಗೂ ಬೌಲಿಂಗ್ನಲ್ಲಿ ಜುನೈದ್ ಖಾನ್ ಅದ್ಭುತ ಪ್ರದರ್ಶನ ತೋರಿದ್ದರು.
