ಕ್ರೈಸ್ಟ್ಚರ್ಚ್: ಟೆಸ್ಟ್ ಕ್ರಿಕೆಟ್ನಲ್ಲಿ ನಂಬರ್ 1ಸ್ಥಾನದಲ್ಲಿರುವ ಟೀಂ ಇಂಡಿಯಾ ಇದೀಗ ನ್ಯೂಜಿಲ್ಯಾಂಡ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ವೈಟ್ವಾಶ್ ಮುಖಭಂಗಕ್ಕೊಳಗಾಗಿದ್ದು, ಬರೋಬ್ಬರಿ 8 ವರ್ಷಗಳ ಬಳಿಕ ಟೆಸ್ಟ್ ಸರಣಿಯಲ್ಲಿ ಸೋಲು ಕಂಡಿದೆ.
ಮೊದಲ ಟೆಸ್ಟ್ನಲ್ಲಿ 10 ವಿಕೆಟ್ಗಳ ಸೋಲು ಕಂಡಿದ್ದ ಟೀಂ ಇಂಡಿಯಾ ಎರಡನೇ ಟೆಸ್ಟ್ನಲ್ಲಿ 7 ವಿಕೆಟ್ ಅಂತರದಿಂದ ಟೆಸ್ಟ್ ಪಂದ್ಯ ಸೋಲುವ ಮೂಲಕ ಕ್ಲಿನ್ ಸ್ವೀಪ್ ಮುಖಭಂಗಕ್ಕೊಳಗಾಗಿದೆ. ಸರಣಿಯಲ್ಲಿ ಭರ್ಜರಿ ಗೆಲುವು ದಾಖಲು ಮಾಡಿದ ಬಳಿಕ ಕಿವೀಸ್ ತಂಡದ ಕ್ಯಾಪ್ಟನ್ ಸುದ್ದಿಗೋಷ್ಠಿಯಲ್ಲಿ ಭಾಗಿಯಾಗಿ ಮಾತನಾಡಿದರು.
ಟೆಸ್ಟ್ನಲ್ಲಿ ನಂಬರ್ 1ಸ್ಥಾನದಲ್ಲಿರುವ ತಂಡವನ್ನ ಸೋಲಿಸಿರುವುದು ನಿಜಕ್ಕೂ ತೃಪ್ತಿ ನೀಡಿದೆ ಎಂದಿದ್ದಾರೆ. ಎರಡು ಟೆಸ್ಟ್ ಪಂದ್ಯಗಳಲ್ಲಿ ಟಾಸ್ ಗೆದ್ದಿದ್ದ ಕೇನ್, ಗೆಲುವು ಸಾಧಿಸಬೇಕಾದರೆ ಟಾಸ್ ಮುಖ್ಯವಾಗಲ್ಲ. ಬದಲಾಗಿ ತಂಡದಲ್ಲಿನ ಬ್ಯಾಟಿಂಗ್ ಹಾಗೂ ಬೌಲಿಂಗ್ ವಿಭಾಗ ಸಮತೋಲನದಿಂದ ಕೂಡಿರಬೇಕು. ನಮ್ಮ ತಂಡದ ಗೆಲುವಿಗೆ ಅದೇ ಮುಖ್ಯವಾಯ್ತು ಎಂದಿದ್ದಾರೆ.
ಟೀಂ ಇಂಡಿಯಾದಲ್ಲಿ ಅದ್ಭುತ ಬೌಲರ್ಗಳಿದ್ದಾರೆ. ಯಾವುದೇ ಪರಿಸ್ಥಿತಿಯಲ್ಲಿ ಹೊಂದುಕೊಂಡು ತಮ್ಮ ಕೈಚೆಳಕ ತೋರಬಲ್ಲರು. ಆದರೆ, ಇಲ್ಲಿನ ಪಿಚ್ ಅರಿತುಕೊಳ್ಳಲು ಅವರು ವಿಫಲರಾದರೂ ಎಂದು ಹೇಳಿದರು.
