ಮುಂಬೈ: ವಿದೇಶಿ ಪ್ರವಾಸದಲ್ಲಿ ಭಾರತೀಯರ ಅದ್ಭುತ ಪ್ರದರ್ಶನ ಫಲವಾಗಿ ವಿನೋದ್ ರಾಯ್ ನೇತೃತ್ವದ ಆಡಳಿತಾತ್ಮಕ ಸಮಿತಿ ಕ್ರಿಕೆಟಿಗರ ದೈನಂದಿನ ಭತ್ಯೆಯನ್ನು ದ್ವಿಗುಣಗೊಳಿಸಲು ನಿರ್ಧರಿಸಿದೆ.
ವರದಿಯ ಪ್ರಕಾರ ಕ್ರಿಕೆಟಿಗರ ಈ ಹಿಂದಿನ ದಿನದ ಭತ್ಯೆ ತವರಿನಲ್ಲಿ 100 ಯುಎಸ್ ಡಾಲರ್, ವಿದೇಶದಲ್ಲಿ 125(8899) ಡಾಲರ್ ಇತ್ತು. ಇದೀಗ ಸಿಒಎ ವಿದೇಶ ಪ್ರವಾಸದಲ್ಲಿ ಭಾರತೀಯ ಕ್ರಿಕೆಟಿಗರ ದಿನದ ಭತ್ಯೆಯನ್ನು 250(17.799) ಡಾಲರ್ಗೆ ಹೆಚ್ಚಿಸಲು ಮುಂದಾಗಿದೆ.
ಇನ್ನು ಆಟಗಾರರು ವೇತನ ಭತ್ಯೆ ನೀಡುವ ಜೊತೆಗೆ ಅವರ ದಿನನಿತ್ಯದ ಖರ್ಚು ವೆಚ್ಚಗಳು ಅಂದ್ರೆ, ಆಟಗಾರರ ಬ್ಯುಸಿನೆಸ್ ಕ್ಲಾಸ್ ಪ್ರಯಾಣ, ವಸತಿ ಮತ್ತು ಲಾಂಡ್ರಿ ವೆಚ್ಚಗಳನ್ನ ಮಂಡಳಿಯೇ ನೋಡಿಕೊಳ್ಳಲಿದೆ.
ಸದ್ಯಕ್ಕೆ ಭಾರತ ತಂಡ ಈ ವರ್ಷ ಬಹುತೇಕ ಸರಣಿಗಳು ತವರಿನಲ್ಲೇ ನಡೆಯಲಿವೆ. 2020ಕ್ಕೆ ಭಾರತ ತಂಡ ನ್ಯೂಜಿಲ್ಯಾಂಡ್ ಪ್ರವಾಸ ಕೈಗೊಳ್ಳಲಿದ್ದು, ಅಲ್ಲಿ ಈ ಪರಿಸ್ಕೃತ ವೇತನ ಭತ್ಯೆ ದೊರೆಯಲಿದೆ.
