ಕೊನೆಯ ಓವರ್​ನಲ್ಲಿ ರೋಚಕ ಗೆಲುವು: ವಿಂಡೀಸ್​ ವಿರುದ್ಧ ಏಕದಿನ ಸರಣಿ ಕ್ಲೀನ್​ ಸ್ವೀಪ್​ ಸಾಧಿಸಿದ ಶ್ರೀಲಂಕಾ

ವಿಂಡೀಶ್​ ವಿರುದ್ಧ ಲಂಕಾ ಕ್ಲೀನ್​ ಸ್ವೀಪ್​ ಜಯ ಸಾಧಿಸಿದೆ. ಈ ಗೆಲುವಿನೊಂದಿಗೆ ಶ್ರೀಲಂಕಾ ತವರಿನಲ್ಲಿ ಸತತ ಎರಡನೇ ಏಕದಿನ ಸರಣಿಯನ್ನು ಕ್ಲೀನ್​ ಸ್ವೀಪ್​ ಸಾಧಿಸಿದಂತಾಗಿದೆ. 4 ವಿಕೆಟ್​ ಪಡೆದ ಏಂಜೆಲೋ ಮ್ಯಾಥ್ಯೂಸ್​ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದರೆ, ಸರಣಿಯಲ್ಲಿ ಆಲ್​ರೌಂಡ್​ ಆಟ ಪ್ರದರ್ಶಿಸಿದ ಹಸರಂಗ ಸರಣಿ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.

ಪಲ್ಲೆಕೆಲೆ(ಶ್ರೀಲಂಕಾ): ಏಂಜೆಲೋ ಮ್ಯಾಥ್ಯೂಸ್​ ಅದ್ಭುತ ಬೌಲಿಂಗ್ ಪ್ರದರ್ಶನದ ನೆರವಿನಿಂದ ಶ್ರೀಲಂಕಾ ತಂಡ 6 ರನ್​ಗಳ ರೋಚಕ ಗೆಲುವು ಸಾಧಿಸುವ ಮೂಲಕ ವೆಸ್ಟ್​ ಇಂಡೀಸ್​ ವಿರುದ್ಧ ಏಕದಿನ ಸರಣಿಯನ್ನು 3-0ಯಲ್ಲಿ ಕ್ಲೀನ್​ಸ್ವೀಪ್​ ಸಾಧಿಸಿದೆ.

ಕೊನೆಯ ಓವರ್​ನಲ್ಲಿ ವಿಂಡೀಸ್​ ಗೆಲುವಿಗೆ 14 ರನ್​ಗಳ ಅಗತ್ಯವಿತ್ತು. 8 ವಿಕೆಟ್​ ಕಳೆದುಕೊಂಡಿದ್ದ ವಿಂಡೀಸ್​ಗೆ 13 ಎಸೆತಗಳಲ್ಲಿ 33 ರನ್ ​ಗಳಿಸಿದ್ದ ಫ್ಯಾಬಿಯನ್​ ಅಲೆನ್​ಏಕೈಕ ಭರವಸೆಯಾಗಿದ್ದರು. ಲಂಕಾದ ಅನುಭವಿ ಏಂಜೆಲೋ ಮ್ಯಾಥ್ಯೂಸ್ ಕೊನೆಯ ಓವರ್​ ಎಸೆಯಲು ಸಿದ್ಧರಾಗಿದ್ದರು. ಮೊದಲ ಎಸೆತವನ್ನು ಫೋರ್​ಗಟ್ಟಿದ ಅಲೆನ್​ ನಂತರದ ಎಸೆತದಲ್ಲಿ ಔಟ್​ ಆದರು. ಕೊನೆಯ 4 ಎಸೆತಗಳಲ್ಲಿ ಕೇವಲ 2 ರನ್​ ಬಿಟ್ಟುಕೊಟ್ಟ ಮ್ಯಥ್ಯೂಸ್​ ಲಂಕಾ ಪಾಲಿಗೆ ಹೀರೋ ಆದರು. ಶ್ರೀಲಂಕಾ ತಂಡ ಕೊನೆಯ ಏಕದಿನ ಪಂದ್ಯವನ್ನು 6 ರನ್​ಗಳಿಂದ ಗೆಲ್ಲುವ ಮೂಲಕ 3-0ಯಲ್ಲಿ ಸರಣಿ ಕ್ಲೀನ್​ಸ್ವೀಪ್​ ಸಾಧನೆ ಮಾಡಿತು.

ಇದಕ್ಕೂ ಮೊದಲು ಟಾಸ್​ ಗೆದ್ದು ಬ್ಯಾಟಿಂಗ್​ ನಡೆಸಿದ್ದ ಶ್ರೀಲಂಕಾ ತಂಡ ಕುಶಾಲ್ ಮೆಂಡಿಸ್​ (55), ಕರುಣರತ್ನೆ(44), ಕುಸಾಲ್​ ಪೆರೆರಾ(44), ಧನಂಜಯ ಡಿ ಸಿಲ್ವಾ(51), ತಿಸರಾ ಪೆರೆರಾ(38) ಅವರ ಅಮೋಘ ಪ್ರದರ್ಶನದ ನೆರವಿನಿಂದ 301 ರನ್​ಗಳ ಸ್ಪರ್ಧಾತ್ಮಕ ಮೊತ್ತ ದಾಖಲಿಸಿತ್ತು.

• 🇱🇰 win by 6 runs! 🎉 👏
  
  What a finish!
  
  Angelo Mathews keeps his cool to deliver a clean sweep for Sri Lanka ❄️ #SLvWI pic.twitter.com/1QpfkC3Mk3

  — ICC (@ICC) March 1, 2020 " class="align-text-top noRightClick twitterSection" data="

🇱🇰 win by 6 runs! 🎉 👏

What a finish!

Angelo Mathews keeps his cool to deliver a clean sweep for Sri Lanka ❄️ #SLvWI pic.twitter.com/1QpfkC3Mk3

— ICC (@ICC) March 1, 2020 ">

🇱🇰 win by 6 runs! 🎉 👏

What a finish!

Angelo Mathews keeps his cool to deliver a clean sweep for Sri Lanka ❄️ #SLvWI pic.twitter.com/1QpfkC3Mk3

— ICC (@ICC) March 1, 2020

302 ರನ್​ಗಳ ಗುರಿ ಪಡೆದ ವೆಸ್ಟ್​ ಇಂಡೀಸ್ ​ಮೊದಲ ವಿಕೆಟ್​ಗೆ ಶತಕದ ಜೊತೆಯಾಟ ನೀಡಿ ಉತ್ತಮ ಆರಂಭ ಪಡೆಯಿತಾದರೂ ಗುರಿ ಮುಟ್ಟುವಲ್ಲಿ ವಿಫಲವಾಯಿತು. ಆರಂಭಿಕರಾದ ಶಾಯ್​ ಹೋಪ್(72) ಹಾಗೂ ಸುನಿಲ್​ ಆ್ಯಂಬ್ರಿಸ್​(60) ರನ್​ಗಳಿಸಿ ಉತ್ತಮ ಆರಂಭ ಒದಗಿಸಿದರು. ನಂತರ ಬಂದ ಪೂರನ್(50)​ ಹಾಗೂ ಪೊಲಾರ್ಡ್(49) ಉತ್ತಮ ಜೊತೆಯಾಟ ನಡೆಸಿ ತಂಡವನ್ನು​ ಗೆಲುವಿನ ಸನಿಹ ತಂದರು. ಆದರೆ ಪೊಲಾರ್ಡ್​ ನಿರ್ಣಾಯಕ ಹಂತದಲ್ಲಿ ವಿಕೆಟ್​ ಒಪ್ಪಿಸಿದ್ದರಿಂದ ವಿಂಡೀಸ್​ಗೆ ಭಾರಿ ಹಿನ್ನಡೆಯಾಯಿತು.

ಪೊಲಾರ್ಡ್​ ಔಟಾಗುತ್ತಿದ್ದಂತೆ, ಹೋಲ್ಡರ್​(8), ಹೇಡನ್​ ವಾಲ್ಸ್​(2), ರೋಸ್ಟನ್​ ಚೇಸ್​(0), ಬಂದ ವೇಗದಲ್ಲಿ ಪೆವಿಲಿಯನ್ ಸೇರಿಕೊಂಡರು. ಇನ್ನು ಫ್ಯಾಬಿಯನ್​ ಅಲೆನ್​ ಕೇವಲ 15 ಎಸೆತಗಳಲ್ಲಿ 2 ಬೌಂಡರಿ ಹಾಗೂ 3 ಸಿಕ್ಸರ್​ ಸಹಿತ 37 ರನ್​ಗಳಿಸಿದರೂ ತಂಡಕ್ಕೆ ಗೆಲುವು ತಂದುಕೊಡಲಾಗಲಿಲ್ಲ.

ಈ ಗೆಲುವಿನೊಂದಿಗೆ ಶ್ರೀಲಂಕಾ ತವರಿನಲ್ಲಿ ಸತತ ಎರಡನೇ ಏಕದಿನ ಸರಣಿಯನ್ನು ಕ್ಲೀನ್​ ಸ್ವೀಪ್​ ಸಾಧಿಸಿದಂತಾಯಿತು. 4 ವಿಕೆಟ್​ ಪಡೆದ ಏಂಜೆಲೋ ಮ್ಯಾಥ್ಯೂಸ್​ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದರೆ, ಸರಣಿಯಲ್ಲಿ ಆಲ್​ರೌಂಡ್​ ಆಟ ಪ್ರದರ್ಶನ ನೀಡಿದ ಹಸರಂಗ ಸರಣಿ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.