ಶ್ರೀಲಂಕಾ ಕ್ರಿಕೆಟ್​ ತಂಡದ ಬೌಲಿಂಗ್​ ಕೋಚ್​ ಆಗಿ ಚಮಿಂದಾ​ ವಾಸ್​​​

ಶ್ರೀಲಂಕಾ ಕ್ರಿಕೆಟ್ ಮಂಡಳಿ ಚಮಿಂದಾ​ ವಾಸ್​ಗೆ ತಂಡದ ಬೌಲಿಂಗ್​ ವಿಭಾಗದ ಕೋಚ್​ ಆಗಿ ನೇಮಕ ಮಾಡಿ ಆದೇಶ ಹೊರಡಿಸಿದೆ.

ಕೊಲಂಬೊ: ಶ್ರೀಲಂಕಾ ಕ್ರಿಕೆಟ್​ ತಂಡದ ಮಾಜಿ ವೇಗದ ಬೌಲರ್​ಗೆ ಚಮಿಂದಾ​ ವಾಸ್​ಗೆ ಮಣೆ ಹಾಕಿರುವ ಕ್ರಿಕೆಟ್​ ಶ್ರೀಲಂಕಾ ಇದೀಗ ಬೌಲಿಂಗ್​ ವಿಭಾಗದ ಕೋಚ್​ ಆಗಿ ನೇಮಕ ಮಾಡಿದೆ.

ಮುಂಬರುವ ವೆಸ್ಟ್​ ಇಂಡೀಸ್ ಪ್ರವಾಸದೊಂದಿಗೆ ಅವರು ಲಂಕಾ ತಂಡದ ಬೌಲಿಂಗ್​ ಕೋಚ್​ ಆಗಿ ಕಾರ್ಯ ಆರಂಭ ಮಾಡಲಿದ್ದಾರೆ. ತಂಡದ ಬೌಲಿಂಗ್​ ವಿಭಾಗದ ಕೋಚ್​ ಆಗಿದ್ದ ಡೇವಿಡ್ ಸೆಕರ್​ ರಾಜೀನಾಮೆ ನೀಡಿದ ಬಳಿಕ ವಾಸ್​ಗೆ ಮಣೆ ಹಾಕಲಾಗಿದೆ.

ಚಮಿಂದಾ ವಾಸ್​ ಸದ್ಯ ರಾಷ್ಟ್ರೀಯ ತಂಡದ ಫಾಸ್ಟ್​ ಬೌಲಿಂಗ್​ ಕೋಚ್​ ಆಗಿ ಕಾರ್ಯ ನಿರ್ವಹಿಸುತ್ತಿದ್ದರು. ಲಂಕಾ ಕ್ರಿಕೆಟ್​ ತಂಡದಲ್ಲಿದ್ದ ವೇಳೆ ವಾಸ್​​ 111 ಟೆಸ್ಟ್​​​ ಪಂದ್ಯಗಳಿಂದ 355 ವಿಕೆಟ್​ ಹಾಗೂ 322 ಏಕದಿನ ಪಂದ್ಯಗಳಿಂದ 400 ವಿಕೆಟ್ ಕಬಳಿಕೆ ಮಾಡಿದ್ದಾರೆ.

ವೆಸ್ಟ್​ ಇಂಡೀಸ್ ವಿರುದ್ಧ ಮಾರ್ಚ್​ 3ರಿಂದ ಕ್ರಿಕೆಟ್ ಸರಣಿ ಆರಂಭಗೊಳ್ಳಲಿದ್ದು, ಫೆ.23ರಂದು ತಂಡ ಪ್ರವಾಸ ಕೈಗೊಳ್ಳಲಿದೆ. ಪ್ರವಾಸದ ವೇಳೆ ಮೂರು ಟಿ-20, ಮೂರು ಏಕದಿನ ಹಾಗೂ ಎರಡು ಟೆಸ್ಟ್​​ ಪಂದ್ಯಗಳಲ್ಲಿ ಭಾಗಿಯಾಗಲಿದೆ.