NZ vs BAN ಮೊದಲ ಟಿ-20: ಕಿವೀಸ್‌ಗೆ‌ ಗೆಲುವು ತಂದುಕೊಟ್ಟ ಕಾನ್ವೆ, ಸೋಧಿ

ಮೂರು ಪಂದ್ಯಗಳ ಟಿ-20 ಸರಣಿಯಲ್ಲಿ ಕಿವೀಸ್​​ ತಂಡ ಮೊದಲ ಪಂದ್ಯದಲ್ಲಿ 66 ರನ್​ಗಳ ಭರ್ಜರಿ ಜಯ ಸಾಧಿಸಿದೆ. ಈ ಗೆಲುವಿನ ಮೂಲಕ ಸರಣಿಯಲ್ಲಿ 1-0 ದಿಂದ ಮುನ್ನಡೆ ಸಾಧಿಸಿದೆ.

ಹ್ಯಾಮಿಲ್ಟನ್ (ನ್ಯೂಜಿಲೆಂಡ್) : ನ್ಯೂಜಿಲೆಂಡ್ -ಬಾಂಗ್ಲಾದೇಶದ ನಡುವೆ ನಡೆಯುತ್ತಿರುವ ಮೂರು ಪಂದ್ಯಗಳ ಟಿ-20 ಸರಣಿಯಲ್ಲಿ ಕಿವೀಸ್​​ ಮೊದಲ ಪಂದ್ಯದಲ್ಲಿ ಅಮೋಘ ಗೆಲುವು ಸಾಧಿಸಿದೆ.

ಟಾಸ್​ ಗೆದ್ದು ಬ್ಯಾಟಿಂಗ್‌ ಮಾಡಿದ ಕಿವೀಸ್​​ ತಂಡ ನಿಗದಿತ 20 ಓವರ್​​ಗಳಲ್ಲಿ 3 ವಿಕೆಟ್​ ಕಳೆದುಕೊಂಡು 210 ರನ್​ಗಳಿಸಿತು. ಹೊಡಿಬಡಿ ಆಟಕ್ಕಿಳಿದ ಡೆವೊನ್ ಕಾನ್ವೆ ಮತ್ತು ವಿಲ್ ಯಂಗ್ ಅರ್ಧ ಶತಕ ಸಿಡಿಸಿ ತಂಡವನ್ನು ಬೃಹತ್ತ ಮೊತ್ತದತ್ತ ಕೊಂಡೊಯ್ದರು. ಈ ಪಂದ್ಯದಲ್ಲಿ ಡೆವೊನ್ ಕಾನ್ವೆ ಕೇವಲ 52 ಬಾಲ್​ಗಳಲ್ಲಿ 11 ಬೌಂಡರಿ, 3 ಭರ್ಜರಿ ಸಿಕ್ಸರ್​ ನೆರವಿನಿಂದ 92 ರನ್​ಗಳಿಸಿ ಔಟಾಗದೆ ಉಳಿದರು. ಇವರಿಗೆ ಉತ್ತಮ ಸಾಥ್​ ನೀಡಿದ ವಿಲ್ ಯಂಗ್ 30 ಬಾಲ್​ಗಳಲ್ಲಿ 2 ಬೌಂಡರಿ ಹಾಗು 4 ಭರ್ಜರಿ ಸಿಕ್ಸರ್​ ನೆರವಿನಿಂದ 53 ರನ್​ಗಳಿಸಿ ಮಿಂಚಿದರು.

• New Zealand win 👏
  
  Sodhi and Ferguson’s terrific bowling performance guides them to a 66-run victory in the first T20I.#NZvBAN | https://t.co/Z8FuKeYU7x pic.twitter.com/NCQl666sh0

  — ICC (@ICC) March 28, 2021 " class="align-text-top noRightClick twitterSection" data="

  New Zealand win 👏
  
  Sodhi and Ferguson’s terrific bowling performance guides them to a 66-run victory in the first T20I.#NZvBAN | https://t.co/Z8FuKeYU7x pic.twitter.com/NCQl666sh0

  — ICC (@ICC) March 28, 2021

  ">

  New Zealand win 👏
  
  Sodhi and Ferguson’s terrific bowling performance guides them to a 66-run victory in the first T20I.#NZvBAN | https://t.co/Z8FuKeYU7x pic.twitter.com/NCQl666sh0

  — ICC (@ICC) March 28, 2021

ಈ ಬೃಹತ್​ ಮೊತ್ತ ಬೆನ್ನಟ್ಟಿದ ಬಾಂಗ್ಲಾ ಪಡೆ 20 ಓವರ್​ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ ಕೇವಲ 144 ರನ್​ ಗಳಿಸಲಷ್ಟೇ ಶಕ್ತವಾಯಿತು. ಬಾಂಗ್ಲಾ ಪರ ಅಫೀಫ್ ಹೊಸೈನ್ ಮತ್ತು ಮೊಹಮ್ಮದ್ ಸೈಫುದ್ದೀನ್ ಬಿಟ್ಟರೆ ಬೇರೆ ಯಾವೊಬ್ಬ ಆಟಗಾರನೂ ಕೂಡಾ ಬ್ಯಾಟಿಂಗ್‌ನಲ್ಲಿ ಮಿಂಚು ಹರಿಸಲಿಲ್ಲ. ಅಫೀಫ್ ಹೊಸೈನ್ 33 ಬಾಲ್​ಗಳಲ್ಲಿ 5 ಬೌಂಡರಿ 1 ಸಿಕ್ಸರ್​ ನೆರವಿನಿಂದ 45 ರನ್​ಗಳಿಸಿದರೆ, ಮೊಹಮ್ಮದ್ ಸೈಫುದ್ದೀನ್ 34 ಬಾಲ್​ಗಳಲ್ಲಿ 3 ಬೌಂಡರಿ 1 ಸಿಕ್ಸರ್​ ನೆರವಿನಿಂದ 34 ರನ್​ಗಳಿಸಿದರು.

ಕಿವೀಸ್​ ಪರ ಉತ್ತಮ ಬೌಲಿಂಗ್ ಮಾಡಿದ ಇಶ್ ಸೋಧಿ 4 ವಿಕೆಟ್​ ಪಡೆದರು.

ಇದನ್ನೂ ಓದಿ: ಇಂಡೋ-ಆಂಗ್ಲ ಫೈನಲ್​ ಕದನ: ಪಂದ್ಯ ಗೆದ್ದು, ಹ್ಯಾಟ್ರಿಕ್​ ಸರಣಿ ಗೆಲ್ಲುವ ತವಕದಲ್ಲಿ ಕೊಹ್ಲಿ ಪಡೆ!