ಬರ್ಮಿಂಗ್ಹ್ಯಾಮ್: ಇಂಗ್ಲೆಂಡ್ ಕ್ರಿಕೆಟ್ ಆಯೋಜಿಸುವ 2020ರ ಟಿ20 ಬ್ಲಾಸ್ಟ್ ಲೀಗ್ನ ಫೈನಲ್ ಪಂದ್ಯದಲ್ಲಿ ಸರ್ರೆ ತಂಡವನ್ನು 6 ವಿಕೆಟ್ಗಳಿಂದ ಮಣಿಸಿದ ಡೇನಿಯಲ್ ಕ್ರಿಸ್ಟಿಯನ್ ನೇತೃತ್ವದ ನಾಟಿಂಗ್‌ಹ್ಯಾಮ್‌ಶೈರ್ ತಂಡ ಚಾಂಪಿಯನ್ ಆಗಿ ಹೊರಹೊಮ್ಮಿದೆ.
2017ರಲ್ಲಿ ಮೊದಲ ಬಾರಿಗೆ ಪ್ರಶಸ್ತಿ ಎತ್ತಿ ಹಿಡಿದಿದ್ದ ನಾಟಿಂಗ್‌ಹ್ಯಾಮ್‌ಶೈರ್ , 3 ವರ್ಷಗಳ ಬಳಿಕ ತಮ್ಮ ಎರಡನೇ ಪ್ರಶಸ್ತಿಗೆ ಮುತ್ತಿಕ್ಕಿದೆ. ಮಳೆಯ ಕಾರಣ ಫೈನಲ್ ಪಂದ್ಯವನ್ನು ಮುಂದೂಡಲಾಗಿತ್ತು. ಇಂದು ಕೂಡ ಮಳೆ ಅಡಚಣೆ ಮಾಡಿದ್ದರಿಂದ ಪಂದ್ಯವನ್ನು 16 ಓವರ್ಗಳಿಗೆ ಇಳಿಸಲಾಗಿತ್ತು.
ಮೊದಲು ಬ್ಯಾಟಿಂಗ್ ಮಾಡಿದ ಸರ್ರೆ ತಂಡ ಜೇಸನ್ ರಾಯ್ ಅವರ 66 ರನ್ ಹಾಗೂ ಲೌರೀ ಇವಾನ್ಸ್ ಅವರ 43 ರನ್ಗಳ ನೆರವಿನಿಂದ 16 ಓವರ್ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 127 ರನ್ಗಳಿಸಿತ್ತು.
ನಾಟಿಂಗ್‌ಹ್ಯಾಮ್‌ಶೈರ್ ತಂಡದ ಪರ ನಾಯ ಕ್ರಿಸ್ಟಿಯನ್, 4 ವಿಕೆಟ್ ಹಾಗೂ ಜಾಕ್ ಬಾಲ್ 2 ವಿಕೆಟ್ ಪಡೆದು ಎದುರಾಳಿ ತಂಡದ ರನ್ಗತಿ ಏರದಂತೆ ತಡೆದರು.
128 ರನ್ಗಳ ಗುರಿಯನ್ನು 4 ವಿಕೆಟ್ ಕಳೆದುಕೊಂಡು ಇನ್ನು 16 ಎಸೆತಗಳಿರುವಂತೆ ಗೆಲುವು ಸಾಧಿಸಿ ಚಾಂಪಿಯನ್ ಪಟ್ಟಕ್ಕೇರಿತು. ಬೆನ್ ಡಕ್ಕೆಟ್ 38 ಎಸೆತಗಳಲ್ಲಿ 53 ರನ್, ಪೇಟರ್ ಟ್ರೆಗೋ 31 ಹಾಗೂ ಡೇನಿಯಲ್ ಕ್ರಿಸ್ಟಿಯನ್ 21 ರನ್ಗಳಿಸಿ ನಾಟಿಂಗ್‌ಹ್ಯಾಮ್‌ಶೈರ್ ತಂಡಕ್ಕೆ 6 ವಿಕೆಟ್ಗಳ ಗೆಲುವು ತಂದು ಕೊಟ್ಟರು.
