ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್ನ ಮತ್ತೊಂದು ಪಂದ್ಯದಲ್ಲಿ ಆರ್ಸಿಬಿ ಮುಗ್ಗರಿಸಿದೆ. ತವರು ನೆಲದಲ್ಲಿ ನಡೆದ ಪಂದ್ಯದಲ್ಲೂ ಕೊಹ್ಲಿ ಬಾಯ್ಸ್ ಸೋಲಿನ ಸುಳಿಗೆ ಒಳಗಾಗಿದ್ದು, ಸತತ 2ನೇ ಸೋಲು ಕಾಣುವಂತಾಗಿದೆ.
ಚಿನ್ನಸ್ವಾಮಿ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಟಾಸ್ ಸೋತು ಬ್ಯಾಟಿಂಗ್ ನಡೆಸಿದ ಮುಂಬೈ ಇಂಡಿಯನ್ಸ್ 20 ಓವರ್ಗಳಲ್ಲಿ 8ವಿಕೆಟ್ನಷ್ಟಕ್ಕೆ 187ರನ್ಗಳಿಕೆ ಮಾಡಿತು. ಮುಂಬೈ ಪರ ರೋಹಿತ್ ಶರ್ಮಾ(48),ಸೂರ್ಯಕುಮಾರ್ ಯಾದವ್(38), ಯುವರಾಜ್ ಸಿಂಗ್(23) ಹಾಗೂ ಹಾರ್ದಿಕ್ ಪಾಂಡ್ಯ(32)ರನ್ಗಳಿಕೆ ಮಾಡಿದರು.
188ರನ್ಗಳ ಗುರಿ ಬೆನ್ನತ್ತಿದ್ದ ಆರ್ಸಿಬಿ ಉತ್ತಮ ಆರಂಭ ಪಡೆದುಕೊಳ್ಳುವಲ್ಲಿ ವಿಫಲವಾಯಿತು. ಆರಂಭಿಕರಾಗಿ ಕಣಕ್ಕಿಳಿದ ಮೊಯಿನ್ ಅಲಿ(13)ರನ್ಗಳಿಸಿ ಮತ್ತೊಮ್ಮೆ ನಿರಾಸೆ ಅನುಭವಿಸಿದರು. ಇದಾದ ಬಳಿಕ ಒಂದಾದ ಪಾರ್ಥಿವ್-ವಿರಾಟ್ ತಂಡಕ್ಕೆ ಭದ್ರ ಬುನಾದಿ ಹಾಕಿದರು.
33ರನ್ಗಳಿಸಿದ್ದ ವೇಳೆ ಪಾರ್ಥಿವ್ ಮಾರ್ಕಂಡೆ ಓವರ್ನಲ್ಲಿ ಬೌಲ್ಡ್ ಆದರು. ಇದಾದ ಬಳಿಕ ಕೊಹ್ಲಿ ಜತೆಯಾದ ವಿಲಿಯರ್ಸ್ ತಂಡವನ್ನ ಮುನ್ನಡೆಸಿದರು. ಆರಂಭದ 10 ಓವರ್ಗಳಲ್ಲಿ ತಂಡ 2ವಿಕೆಟ್ ಕಳೆದುಕೊಂಡು 82ರನ್ಗಳಿಕೆ ಮಾಡಿತ್ತು. ಕೊನೆ 10 ಓವರ್ಗಳಲ್ಲಿ ತಂಡಕ್ಕೆ 106ರನ್ಗಳ ಅವಶ್ಯಕತೆ ಇತ್ತು.
46ರನ್ಗಳಿಕೆ ಮಾಡಿ ಉತ್ತಮವಾಗಿ ಆಡುತ್ತಿದ್ದ ಕೊಹ್ಲಿ ವಿಕೆಟ್ ಪಡೆದ ಬುಮ್ರಾ ತಂಡಕ್ಕೆ ಮೆಲುಗೈ ತಂದುಕೊಟ್ಟರು. ಇದರ ಬೆನ್ನಲ್ಲೇ ಬಂದ ಶಿಮ್ರಾನ್(5)ರನ್,ಗ್ರ್ಯಾಂಡ್ಹೋಮ್(2)ವಿಕೆಟ್ ಪಡೆದುಕೊಳ್ಳುವಲ್ಲಿ ಬುಮ್ರಾ ಯಶಸ್ವಿಯಾದರು. ಹೀಗಾಗಿ ಮುಂಬೈ ಇಂಡಿಯನ್ಸ್ ಮತ್ತೊಮ್ಮೆ ಮೆಲುಗೈ ಸಾಧಿಸಿತು.
ಕೊನೆ ಓವರ್ನಲ್ಲಿ ಆರ್ಸಿಬಿ ತಂಡಕ್ಕೆ 17ಓವರ್ಗಳ ಅವಶ್ಯಕತೆ ಇತ್ತು. ಈ ವೇಳೆ ಮಲಿಂಗಾ ಓವರ್ನ ಮೊದಲ ಎಸೆತದಲ್ಲೇ ಶಿವಂ ದುಬೆ ಸಿಕ್ಸರ್ ಸಿಡಿಸಿ ತಂಡಕ್ಕೆ ಗೆಲುವಿನ ಆಸೆ ಹುಟ್ಟಿಸಿದರು. ಆದರೆ ಕೊನೆಯ ಓವರ್ನಲ್ಲಿ 10ರನ್ ಮಾತ್ರ ಗಳಿಸಲು ಆರ್ಸಿಬಿ ಯಶಸ್ವಿಯಾಯಿತು. ಇತ್ತ ಕೊನೆಯವರೆಗೆ ಬ್ಯಾಟಿಂಗ್ ನಡೆಸಿದ ಎಬಿಡಿ ಅಜೇಯ 70ರನ್ ಸಿಡಿಸಿದ್ರೂ ತಂಡಕ್ಕೆ ಗೆಲುವು ತಂದು ಕೊಡಲಾಗಲಿಲ್ಲ. ಹೀಗಾಗಿ ತಂಡ 6ರನ್ಗಳ ಸೋಲು ಕಾಣುವಂತಾಯಿತು. ಮುಂಬೈ ಇಂಡಿಯನ್ಸ್ ಪರ ಬುಮ್ರಾ 3ವಿಕೆಟ್, ಮಾರ್ಕೆಂಡ್ 1ವಿಕೆಟ್ ಪಡೆದುಕೊಂಡರು.
