ದುಬೈ: ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ಮುಂಬೈ ತನ್ನ 200ನೇ ಐಪಿಎಲ್ ಪಂದ್ಯವನ್ನಾಡುವ ಮೂಲಕ ಐಪಿಎಲ್ನಲ್ಲಿ ಈ ಮೈಲಿಗಲ್ಲು ತಲುಪಿದ ಮೊದಲ ತಂಡ ಎನಿಸಿಕೊಂಡಿದೆ.
ಐಪಿಎಲ್ನಲ್ಲಿ 4 ಬಾರಿ ಚಾಂಪಿಯನ್ ಆಗಿರುವ ಮುಂಬೈ ಇಂಡಿಯನ್ಸ್ ತಂಡ ಗರಿಷ್ಠ ಪಂದ್ಯವನ್ನಾಡಿದ ತಂಡ ಎಂಬ ದಾಖಲೆಗೆ ಈ ಹಿಂದೆಯೇ ಪಾತ್ರವಾಗಿದೆ, ಆದರೆ, ಇಂದಿನ ಪಂದ್ಯದ ಮೂಲಕ ಐಪಿಎಲ್ನಲ್ಲಿ 200ನೇ ಪಂದ್ಯವಾಡಿದ ಏಕೈಕ ತಂಡ ಎನಿಸಿಕೊಂಡಿದೆ.
ಮುಂಬೈ ಬಿಟ್ಟರೆ, ಚಾಲೆಂಜರ್ಸ್ ಬೆಂಗಳೂರು ತಂಡ 193, ಕೆಕೆಆರ್ 191, ಡೆಲ್ಲಿ ಕ್ಯಾಪಿಟಲ್ಸ್ 190 ಹಾಗೂ ಕಿಂಗ್ಸ್ ಇಲೆವೆನ್ ಪಂಜಾಬ್ 189 ಪಂದ್ಯಗಳನ್ನಾಡಿ ನಂತರದ ಸ್ಥಾನದಲ್ಲಿವೆ.
ಇನ್ನು ಟಿ-20 ಕ್ರಿಕೆಟ್ನಲ್ಲೂ ಅತಿ ಹೆಚ್ಚು ಪಂದ್ಯಗಳನ್ನಾಡಿದ ದಾಖಲೆ ಕೂಡ ಮುಂಬೈ ಇಂಡಿಯನ್ಸ್ ಪಾಲಾಗಿದೆ. ಮುಂಬೈ ತಂಡ ಐಪಿಎಲ್ ಮತ್ತು ಚಾಂಪಿಯನ್ಸ್ ಲೀಗ್ ಎರಡು ಸೇರಿ 222 ಪಂದ್ಯಗಳನ್ನಾಡಿದೆ. ಮುಂಬೈ ಹೊರತು ಪಡಿಸಿದರೆ, ಇಂಗ್ಲೆಂಡ್ನ ಸಮರ್ಸೆಟ್ 221, ಹ್ಯಾಂಪ್ಸೈರ್ 217, ಸಸೆಕ್ಸ್ 212, ಸರ್ರೆ 211 ಪಂದ್ಯಗಳನ್ನಾಡಿವೆ.
