ಮುಂಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಮುಂಬೈ ಇಂಡಿಯನ್ಸ್ ತಂಡ ಮುನ್ನಡೆಸುತ್ತಿರುವ ರೋಹಿತ್ ಶರ್ಮಾ ಗಾಯಗೊಂಡಿದ್ದಾರೆ. ಹೀಗಾಗಿ ನಿನ್ನೆ ಪಂಜಾಬ್ ವಿರುದ್ಧ ನಡೆದ ಪಂದ್ಯದಿಂದ ಅವರು ಹೊರಗುಳಿದಿದ್ದರು.
ಏಪ್ರಿಲ್ 15ರಂದು ವಿಶ್ವಕಪ್ ಮಹಾಟೂರ್ನಿಗೆ ಟೀಂ ಇಂಡಿಯಾ ಪ್ರಕಟಗೊಳ್ಳಲಿದ್ದು, ಆ ವೇಳೆ ರೋಹಿತ್ ಫಿಟ್ ಆಗ್ತಾರಾ ಎಂಬ ಚಿಂತೆ ಕ್ರೀಡಾಭಿಮಾನಿಗಳಲ್ಲಿ ಕಾಡಲು ಶುರು ಮಾಡಿದೆ. ಇದೇ ವಿಷಯಕ್ಕೆ ಸಂಬಂಧಿಸಿದಂತೆ ಮುಂಬೈ ಇಂಡಿಯನ್ಸ್ ತಂಡದ ಹಂಗಾಮಿ ಕ್ಯಾಪ್ಟನ್ ಆಗಿದ್ದ ಕಿರನ್ ಪೊಲಾರ್ಡ್ ಮಾಹಿತಿ ಹೊರಹಾಕಿದ್ದಾರೆ.
ನಿನ್ನೆ ಪಂದ್ಯದಲ್ಲಿ ಗೆಲುವು ದಾಖಲು ಮಾಡಿದ ಬಳಿಕ ಮಾತನಾಡಿರುವ ಪೊಲಾರ್ಡ್, ರೋಹಿತ್ ಶರ್ಮಾ ತಂಡದ ನಾಯಕನಾಗಿದ್ದು, ಅವರು ಫಿಟ್ ಆಗಿರುವುದು ಕನ್ಫರ್ಮ್ ಆಗುತ್ತಿದ್ದಂತೆ ನಾಯಕತ್ವದ ಜವಾಬ್ದಾರಿ ನೀಡುವೆ. ಮುಂದಿನ ಪಂದ್ಯದ ವೇಳೆಗೆ ಅವರು ತಂಡ ಸೇರಿಕೊಳ್ಳುವ ವಿಶ್ವಾಸವಿದೆ ಎಂದಿದ್ದಾರೆ.
ಇನ್ನು ಇದೇ ವಿಷಯಕ್ಕೆ ಸಂಬಂಧಿಸಿದಂತೆ ಮುಂಬೈ ಇಂಡಿಯನ್ಸ್ ಕೂಡ ಮಾಹಿತಿ ನೀಡಿದ್ದು, ರೋಹಿತ್ ಶರ್ಮಾ ಅವರ ಸಣ್ಣ ವಿಡಿಯೋ ತುಣುಕು ರಿಲೀಸ್ ಮಾಡಿದೆ. ಇದರಲ್ಲಿ ರೋಹಿತ್ ಚೆನ್ನಾಗಿ ಇರುವ ಸುಳಿವು ಸಹ ನೀಡಿದ್ದಾರೆ.
