ಆ್ಯಂಟಿಗೋವಾ: ಭಾರತ ತಂಡ ವೆಸ್ಟ್ ಇಂಡೀಸ್ ವಿರುದ್ಧದ ಟೆಸ್ಟ್ನಲ್ಲಿ ಮೇಲುಗೈ ಸಾಧಿಸಿದೆ. ಆದರೆ, ವಿಂಡೀಸ್ ವಿರುದ್ಧ ಇನ್ನಿಂಗ್ಸ್ ಮುನ್ನಡೆ ಸಾಧಿಸಲು ಕಾರಣರಾಗಿದ್ದು ಹಿರಿಯ ವೇಗಿ ಇಸಾಂತ್ ಶರ್ಮಾ.
ಟೀಮ್ ಇಂಡಿಯಾ ಮೊದಲ ಇನ್ನಿಂಗ್ಸ್ನಲ್ಲಿ 297 ರನ್ಗಳಿಸಲು ನೆರವಾಗಿದ್ದ ಜಡೇಜಾಗೆ ಉತ್ತಮ ಸಾಥ್ ನೀಡಿದ್ದ ಇಶಾಂತ್ ಬೌಲಿಂಗ್ನಲ್ಲೂ 5 ವಿಕೆಟ್ ಪಡೆದು ವಿಂಡೀಸ್ ತಂಡವನ್ನು ಆಲೌಟ್ ಮಾಡಲು ನೆರವಾಗಿದ್ದರು.ಆದರೆ, ಇಶಾಂತ್ ಈ ಪಂದ್ಯದಲ್ಲಿ 5 ವಿಕೆಟ್ ಪಡೆಯಲು ಅವರಿಗೆ ಯಾವ ರೀತಿ ಬೌಲಿಂಗ್ ಮಾಡಬೇಕೆಂದು ಸಲಹೆ ನೀಡಿದ್ದು ಅವರಿಗಿಂತ ಚಿಕ್ಕ ವಯಸ್ಸಿನವರಾದ ಜಸ್ಪ್ರೀತ್ ಬುಮ್ರಾ ಎಂಬುದನ್ನು ಸ್ವತಃ ಇಶಾಂತ್ ಶರ್ಮಾ ತಿಳಿಸಿದ್ದಾರೆ.
ಪಂದ್ಯದ ವೇಳೆ ಮಳೆ ಬಿದ್ದು ಚೆಂಡು ಒದ್ದೆಯಾಗಿದ್ದರಿಂದ ನಮ್ಮ ವೈಯಕ್ತಿಕ ಬೌಲಿಂಗ್ನಲ್ಲಿ ಯಾವುದೇ ಪ್ರಯೋಜನವಾಗುವುದಿಲ್ಲ. ನಾವು ಕ್ರಾಸ್ ಸೀಮ್ನಲ್ಲಿ ಬೌಲಿಂಗ್ ಮಾಡೋಣ ಎಂದು ಬುಮ್ರಾ ತಿಳಿಸಿದರು. ಅವರು ನೀಡಿದ ಸಲಹೆಯನ್ನು ಪ್ರಯೋಗ ಮಾಡಿದ್ದರಿಂದ ನನ್ನ ಬೌಲಿಂಗ್ ಯಶಸ್ವಿಯಾಯಿತು ಎಂದು 5 ವಿಕೆಟ್ ಪಡೆದ ಇಶಾಂತ್ ಮಾಧ್ಯಮಕ್ಕೆ ತಿಳಿಸಿದ್ದಾರೆ. ಇಶಾಂತ್ ಶರ್ಮಾ 43 ರನ್ ನೀಡಿ 5 ವಿಕೆಟ್ ಪಡೆದು ವಿಂಡೀಸ್ ತಂಡವನ್ನು 222 ರನ್ಗಳಿಗೆ ಆಲೌಟ್ ಮಾಡುವ ಮೂಲಕ 75 ರನ್ಗಳ ಮುನ್ನಡೆ ಸಾಧಿಸಲು ನೆರವಾದರು.
