ದುಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ನ ನಿನ್ನೆಯ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಗೆಲುವು ದಾಖಲು ಮಾಡಿದ್ದು, ಅಂಕಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿ ಮುಂದುವರೆದಿದೆ. ತಂಡ ಸಂಕಷ್ಟದಲ್ಲಿದ್ದ ವೇಳೇ ಕೇವಲ 22 ಎಸೆತಗಳಲ್ಲಿ 6ಸಿಕ್ಸರ್, 1ಬೌಂಡರಿ ಸೇರಿ ಅಜೇಯ 55ರನ್ಗಳಿಕೆ ಮಾಡಿ ತಂಡಕ್ಕೆ ಆಸರೆಯಾದರು.
ಆರ್ಸಿಬಿ ತಂಡಕ್ಕೆ ಕೊನೆಯ ಎರಡು ಓವರ್ಗಳಲ್ಲಿ 35ರನ್ಗಳ ಅಗತ್ಯವಿದ್ದ ವೇಳೆ, ಅಂತಿಮ ಓವರ್ನಲ್ಲಿ ಎಬಿಡಿ ಮೂರು ಸಿಕ್ಸರ್ ಸಿಡಿಸಿ ತಂಡ ಗೆಲುವು ಸಾಧಿಸುವಂತೆ ಮಾಡಿದ್ದಾರೆ. ಇದೇ ವಿಚಾರವಾಗಿ ಮಾತನಾಡಿರುವ ಡಿವಿಲಿಯರ್ಸ್ ರನ್ ಚೇಸಿಂಗ್ ವೇಳೆ ನಾನು ಕೂಡ ಇತರ ಆಟಗಾರನಂತೆ ತುಂಬಾ ಒತ್ತಡಕ್ಕೊಳಗಾಗುತ್ತೇನೆ ಎಂದಿದ್ದಾರೆ.
ನಾವು ಯೋಜನೆ ರೂಪಿಸಿದ ರೀತಿಯಲ್ಲಿ ಬೌಲಿಂಗ್ ಮಾಡಿದೇವು. ಆದರೂ ಕೆಲ ರನ್ ಸೋರಿಕೆಯಾದವು.15 - 20 ರನ್ ಹೆಚ್ಚು ನೀಡಿದ್ದರಿಂದ ಚೇಸಿಂಗ್ ವೇಳೆ ಸ್ವಲ್ಪ ಮಟ್ಟದ ಕಷ್ಟವಾಯಿತು ಎಂದಿರುವ ಎಬಿಡಿ, ಇದನ್ನ ಬೆನ್ನಟ್ಟುವಾಗ ನಮಗೂ ಕಷ್ಟವಾಯಿತು ಎಂದಿದ್ದಾರೆ.
ನಿನ್ನೆಯ ಪಂದ್ಯದಲ್ಲಿ ಜಯದೇವ್ ಉನ್ಕಾದತ್ ಎಸೆದ 19ನೇ ಓವರ್ನಲ್ಲಿ 25ರನ್ ಬಿಟ್ಟುಕೊಟ್ಟರು.ಹೀಗಾಗಿ ಕೊನೆಯ ಓವರ್ನಲ್ಲಿ ತಂಡಕ್ಕೆ 10ರನ್ ಅವಶ್ಯಕತೆ ಇದ್ದಾಗ ಎಬಿಡಿ ಸುಲಭವಾಗಿ ಗಳಿಕೆ ಮಾಡಿದರು. ನಾನು ಯಾವಾಗಲೂ ಬೌಲರ್ಗಳನ್ನ ಗೌರವಿಸುತ್ತೇನೆ. ಅವರು ನನಗೆ ಚೆನ್ನಾಗಿ ಬೌಲಿಂಗ್ ಮಾಡಿದ್ರೆ, ಮೇಲುಗೈ ಸಾಧಿಸುಸುತ್ತಾರೆ. ಉನಾದ್ಕತ್ ಬೌಲಿಂಗ್ ಮಾಡುವಾಗ ನಾನು ಲೆಗ್ ಸೈಡ್ ಹೊಡೆಬೇಕೆಂದು ಅಂದುಕೊಂಡಿದ್ದೇನು. ಆದರೆ ಅದೃಷ್ಟವಶಾತ್ ನಾನು ಹೊಡೆದ ಚೆಂಡು ಸಿಕ್ಸರ್ ಹೋಯ್ತು ಎಂದಿದ್ದಾರೆ.
ನಾನು ತಂಡಕ್ಕಾಗಿ ಉತ್ತಮ ಪ್ರದರ್ಶನ ನೀಡಲು ಬಯಸುತ್ತೇನೆ. ಒಳ್ಳೆಯ ಕಾರಣಕ್ಕಾಗಿ ನಾನು ಇಲ್ಲಿದ್ದೇನೆ ಎಂಬುದನ್ನ ಮಾಲೀಕರು ಹಾಗೂ ಆರ್ಸಿಬಿ ಕುಟುಂಬಕ್ಕೆ, ಅಭಿಮಾನಿಗಳಿಗೆ ತೋರಿಸಬೇಕು. ಹಿಂದಿನ ಪಂದ್ಯದಲ್ಲಿ ಹೇಳಿಕೊಳ್ಳುವಂತಹ ಪ್ರದರ್ಶನ ನನ್ನಿಂದ ಮೂಡಿ ಬಂದಿರಲಿಲ್ಲ ಎಂದು ಎಬಿಡಿ ಇದೇ ವೇಳೆ ಹೇಳಿಕೊಂಡಿದ್ದಾರೆ. ಇದು ಬೆಕ್ಕು ಮತ್ತು ಇಲಿ ಆಟ ಎಂದು ಡಿವಿಲಿಯರ್ಸ್ ತಿಳಿಸಿದ್ದಾರೆ. ಆರ್ಸಿಬಿ ಮುಂದಿನ ಪಂದ್ಯದಲ್ಲಿ ಬುಧವಾರ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಸೆಣಸಾಟ ನಡೆಸಲಿದೆ.
