ದುಬೈ: ಆರಂಭಿಕರಾದ ನಾಯಕ ಡೇವಿಡ್ ವಾರ್ನರ್ ಹಾಗೂ ಜಾನಿ ಬೈರ್ಸ್ಟೋವ್ ಅವರ ಭರ್ಜರಿ ಅರ್ಧಶತಕಗಳ ನೆರವಿನಿಂದ ಸನ್ರೈಸರ್ಸ್ ಹೈದರಾಬಾದ್ ತಂಡ, ಕಿಂಗ್ಸ್ ಇಲೆವೆನ್ ಪಂಜಾಬ್ ವಿರುದ್ಧ 201ರನ್ಗಳ ಬೃಹತ್ ಮೊತ್ತ ಕಲೆ ಹಾಕಿದೆ.
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಹೈದರಾಬಾದ್ ಈ ಪಂದ್ಯದಲ್ಲಿ ಅದ್ಭುತ ಆರಂಭ ಪಡೆಯಿತು. ನಾಯಕ ವಾರ್ನರ್(52) ಹಾಗೂ ಬೈರ್ಸ್ಟೋವ್(97) ಮೊದಲ ವಿಕೆಟ್ಗೆ 160 ರನ್ಗಳ ಬೃಹತ್ ಮೊತ್ತದ ಜೊತೆಯಾಟ ನೀಡಿದರು.
15 ಓವರ್ಗಳವರೆಗೆ ವಿಕೆಟ್ ನೀಡದೇ ಆಡಿದ್ದ ಈ ಜೋಡಿಯನ್ನು ಅಂಡರ್ 19 ಸ್ಟಾರ್ ರವಿ ಬಿಷ್ಮೋಯ್ ಒಂದೇ ಓವರ್ನಲ್ಲಿ ಪೆವಿಲಿಯನ್ಗಟ್ಟಿದರು. ವಾರ್ನರ್ 40 ಎಸೆತಗಳಲ್ಲಿ 5 ಬೌಂಡರಿ ಹಾಗೂ ಒಂದು ಸಿಕ್ಸರ್ ಸಹಿತ 52 ರನ್ಗಳಿಸಿದರೆ, ಬೈರ್ಸ್ಟೋವ್ 55 ಎಸೆತಗಳಲ್ಲಿ 6 ಸಿಕ್ಸರ್ ಹಾಗೂ 7 ಬೌಂಡರಿಗಳೊಂದಿಗೆ 97 ರನ್ಗಳಿಸಿ ಔಟಾದರು.
ಇವರಿಬ್ಬರ ನಂತರ ಬಂದ ಮನೀಶ್ ಪಾಂಡೆ ಕೇವಲ 1 ರನ್ಗಳಿಸಿ ಅರ್ಷ್ದೀಪ್ ಸಿಂಗ್ ಬೌಲಿಂಗ್ನಲ್ಲಿ ಅವರಿಗೆ ಕ್ಯಾಚ್ ನೀಡಿ ಔಟಾದರೆ, ಇವರ ಬೆನ್ನಲ್ಲೇ ಅಬ್ದುಲ್ ಸಮದ್ 8 ರನ್ಗಳಿಸಿ ಬಿಷ್ಣೋಯ್ಗೆ ಮೂರನೇ ಬಲಿಯಾದರು. ಯುವ ಬ್ಯಾಟ್ಸ್ಮನ್ ಗರ್ಗ್ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದರು.
BIG TOTAL! We finish with 201/6 on the scoreboard after the first innings.#SRHvKXIP #OrangeArmy #KeepRising pic.twitter.com/w0kwEi3rFo
— SunRisers Hyderabad (@SunRisers) October 8, 2020 " class="align-text-top noRightClick twitterSection" data="">BIG TOTAL! We finish with 201/6 on the scoreboard after the first innings.#SRHvKXIP #OrangeArmy #KeepRising pic.twitter.com/w0kwEi3rFo
— SunRisers Hyderabad (@SunRisers) October 8, 2020
BIG TOTAL! We finish with 201/6 on the scoreboard after the first innings.#SRHvKXIP #OrangeArmy #KeepRising pic.twitter.com/w0kwEi3rFo
— SunRisers Hyderabad (@SunRisers) October 8, 2020
ಆದರೆ ಕೊನೆಯ 2 ಓವರ್ಗಳಲ್ಲಿ ಅಬ್ಬರಿಸಿದ ಕೇನ್ ವಿಲಿಯಮ್ಸನ್ ಹಾಗೂ ಅಭಿಷೇಕ್ ಶರ್ಮಾ ತಂಡದ ಮೊತ್ತವನ್ನು 200 ರ ಗಡಿದಾಟಿಸಿದರು. ಅಭಿಷೇಕ್ 6 ಎಸೆತಗಳಲ್ಲಿ 12 ಹಾಗೂ ವಿಲಿಯಮ್ಸನ್ 10 ಎಸೆತಗಳಲ್ಲಿ 20 ರನ್ಗಳಿಸಿದರು.
ಕಿಂಗ್ಸ್ ಇಲೆವೆನ್ ಪಂಜಾಬ್ ಪರ ರವಿಬಿಷ್ಣೋಯ್ 3 ವಿಕೆಟ್, ಅರ್ಷ್ದೀಪ್ 2 ಹಾಗೂ ಶಮಿ ಒಂದು ವಿಕೆಟ್ ಪಡೆದರು.
