ಮುಂಬೈ: ಇದೇ ತಿಂಗಳ 19 ರಂದು ಕೋಲ್ಕತಾದಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್ 2020ರ ಆವೃತ್ತಿಯ ಆಟಗಾರರ ಹರಾಜು ಪ್ರಕ್ರಿಯೆ ನಡೆಯಲಿದ್ದು, ಬಿಡ್ಡಿಂಗ್ನಲ್ಲಿ ಭಾಗಿಯಾಗುತ್ತಿರುವ ಪ್ಲೇಯರ್ಸ್ ತಮ್ಮ ಮುಖಬೆಲೆ ಘೋಷಣೆ ಮಾಡಿಕೊಳ್ಳುತ್ತಿದ್ದಾರೆ.
ಆಸ್ಟ್ರೇಲಿಯಾದ ಸ್ಟಾರ್ ಪ್ಲೇಯರ್ಸ್ ಗ್ಲೆನ್ ಮ್ಯಾಕ್ಸ್ವೆಲ್,ಕ್ರಿಸ್ ಲಿನ್,ಪ್ಯಾಟ್ ಕಮ್ಮಿನ್ಸ್, ಜಾಸ್ ಹೆಜಲ್ವುಡ್ ಹಾಗೂ ಮಿಚಲ್ ಮಾರ್ಷ್ ತಮ್ಮ ಮೂಲಬೆಲೆ ಘೋಷಣೆ ಮಾಡಿಕೊಂಡಿದ್ದಾರೆ.
ಎಲ್ಲ ಪ್ಲೇಯರ್ಸ್ 2 ಕೋಟಿ ರೂ ಫೇಸ್ ವ್ಯಾಲ್ಯೂ ಘೋಷಣೆ ಮಾಡಿಕೊಂಡಿದ್ದು, ಇವರ ಜತೆಗೆ ದಕ್ಷಿಣ ಆಫ್ರಿಕಾದ ವೇಗಿ ಡೆಲ್ ಸ್ಟೇನ್ ಹಾಗೂ ಶ್ರೀಲಂಕಾದ ಮಾಜಿ ಕ್ಯಾಪ್ಟನ್ ಮ್ಯಾಥ್ಯೂಸ್ ಕೂಡಾ ಇಷ್ಟೇ ಮೂಲ ಬೆಲೆ ಘೋಷಿಸಿಕೊಂಡಿದ್ದಾರೆ. ಈ ಸಲದ ಐಪಿಎಲ್ ಹರಾಜು ಪ್ರಕ್ರಿಯೆಯಲ್ಲಿ 971 ಪ್ಲೇಯರ್ಸ್ ಭಾಗಿಯಾಗಲಿದ್ದು, ಭಾರತದ ರಾಬಿನ್ ಉತ್ತಪ್ಪ ತಮ್ಮ ಮೂಲ ಬೆಲೆ 1.5ಕೋಟಿ ರೂ ಘೋಷಣೆ ಮಾಡಿಕೊಂಡಿದ್ದಾರೆ.
ಉಳಿದಂತೆ ಏಕದಿನ ವಿಶ್ವಕಪ್ ಗೆದ್ದ ಇಂಗ್ಲೆಂಡ್ ತಂಡದ ಕ್ಯಾಪ್ಟನ್ ಇಯಾನ್ ಮಾರ್ಗನ್,ಡೇವಿಡ್ ವಿಲ್ಲಿ, ಕ್ರಿಸ್ ವೋಕ್ಸ್, ಕ್ರಿಸ್ ಮೋರಿಸ್ ಹಾಗೂ ಜಾಸನ್ ರಾಯ್ ಕ್ರಮವಾಗಿ 1.5ಕೋಟಿ ರೂ ಘೋಷಣೆ ಮಾಡಿದ್ದಾರೆ.
