ಬೆಂಗಳೂರು: ಕೊನೆಯ ಎರಡು ಎಸೆತದಲ್ಲಿ ತಲಾ ಒಂದು ಸಿಕ್ಸರ್ ಹಾಗೂ ಬೌಂಡರಿ ಸಿಡಿಸಿದ ಡೇವಿಡ್ ಮೆಥಾಯಿಸ್ ಹುಬ್ಬಳ್ಳಿ ಟೈಗರ್ಸ್ಗೆ 3 ವಿಕೆಟ್ಗಳ ರೋಚಕ ಜಯ ತಂದುಕೊಟ್ಟಿದ್ದಾರೆ.
ಬಿಜಾಪುರ್ ಬುಲ್ಸ್ ನೀಡಿದ 124 ರನ್ಗಳನ್ನು ಗುರಿ ಬೆನ್ನೆತ್ತಿಟ್ಟಿದ ಹುಬ್ಬಳ್ಳಿ ಟೈಗರ್ಸ್ ಆರಂಭದಿಂದಲೇ ವಿಕೆಟ್ ಕಳೆದುಕೊಂಡು ಆಘಾತ ಅನುಭವಿಸಿತಾದರೂ ಸಂಘಟಿತ ಹೋರಾಟ ನಡೆಸಿ ಕೊನೆಯ ಎಸೆತದಲ್ಲಿ ಗೆಲುವು ಸಾಧಿಸಿತು.
ಆರಂಭಿಕರಾದ ತಾಹಾ 1, ವಿಶ್ವನಾಥ್ 9, ಲುವ್ನಿತ್ 4 ರನ್ ನಾಯಕ ವಿನಯ್ ಕುಮಾರ್ 4 ರನ್ಗಳಿಗೆ ವಿಕೆಟ್ ಒಪ್ಪಿಸಿದ ಔಟಾಗಿ ಹುಬ್ಬಳ್ಳಿ ತಂಡಕ್ಕೆ ಆಘಾತ ತಂದಿದ್ದರು.ಇದರ ಜೊತೆಗೆ ಕೆಎಲ್ ಶ್ರೀಜಿತ್ 30 ಎಸೆತಗಳಿಗೆ ಕೇವಲ 18 ರನ್ಗಳಿಸಿ ಔಟಾಗಿತ್ತು ವಿನಯ್ ಬಳಗಕ್ಕೆ ನುಂಗಲಾರದ ತುತ್ತಾಗಿತ್ತು.
ಆದರೆ ನಿನ್ನೆಯ ಪಂದ್ಯದ ಹೀರೋ ಪ್ರವೀಣ್ ದುಬೆ 19 ಎಸೆತಗಳಲ್ಲಿ 27, ಆದಿತ್ಯ ಸೋಮಣ್ಣ 15 ಹಾಗೂ ಡೇವಿಡ್ ಮೆಥಾಯಿಸ್(20) ಕೊನೆಯ ಓವರ್ನಲ್ಲಿ ಬೌಂಡರಿ-ಸಿಕ್ಸರ್ ಸಿಡಿಸಿ ತಂಡಕ್ಕೆ ಗೆಲುವು ತಂದುಕೊಟ್ಟರು.
ಇದಕ್ಕು ಮೊದಲು ಬ್ಯಾಟಿಂಗ್ ನಡೆಸಿದ್ದ ಬಿಜಾಪುರ್ ಬುಲ್ಸ್ 19 ಓವರ್ಗಳಲ್ಲಿ 119 ರನ್ಗಳಿಸಿತ್ತು. ವಿಜೆಡಿ ನಿಯಮದ ಮೂಲಕ 124 ರನ್ಗಳ ಟಾರ್ಗೆಟ್ ನೀಡಲಾಗಿತ್ತು. ಬುಲ್ಸ್ ಪರ ರಾಜು ಭಟ್ಕಳ್ 67 ರನ್ಗಳಿಸಿದ್ದರು.
ಮೊದಲ ಪಂದ್ಯದಲ್ಲಿ ಬೆಂಗಳೂರು ಬ್ಲಾಸ್ಟರ್ ತಂಡ ಒಂದುರನ್ ಅಂತರದಿಂದ ಬಳ್ಳಾರಿ ಟಸ್ಕರ್ಸ್ ತಂಡವನ್ನು ಮಣಿಸಿ ಮೊದಲ ಜಯ ಸಾಧಿಸಿತ್ತು.
