ಆ್ಯಂಟಿಗೋವಾ: ಭಾರತ ತಂಡದ ಪರ ಆಡುತ್ತಿರುವ ಕನ್ನಡಿಗ ಕೆ ಎಲ್‌ ರಾಹುಲ್ ಉತ್ತಮ ಆರಂಭ ಪಡೆದರೂ ದೊಡ್ಡಮೊತ್ತ ಗಳಿಸಲಾಗದೆ ವಿಕೆಟ್ ಒಪ್ಪಿಸಿ ನಿರಾಶೆ ಮೂಡಿಸಿದ್ದಾರೆ.
ಕಳೆದ ಎರಡು ವರ್ಷಗಳಿಂದ ಟೆಸ್ಟ್ ಕ್ರಿಕೆಟ್ನಲ್ಲಿ ರನ್ಗಳಿಸಲು ಪರದಾಡುತ್ತಿದ್ದಾರೆ. ಉತ್ತಮ ಆರಂಭ ಪಡೆದರೂ 35-40 ರನ್ಗಳಿಗೆ ವಿಕೆಟ್ ಒಪ್ಪಿಸುತ್ತಿದ್ದಾರೆ. ಇದು ವೆಸ್ಟ್ ಇಂಡೀಸ್ ವಿರುದ್ಧದ ಟೆಸ್ಟ್ ಸರಣಿಯಲ್ಲೂ ಅದೇ ಸಮಸ್ಯೆ ಮುಂದುವರಿದಿದೆ.
ಮೊದಲ ಇನ್ನಿಂಗ್ಸ್ನಲ್ಲಿ 44 ರನ್ಗಳಿಸಿದ ರಾಹುಲ್ ಎರಡನೇ ಇನ್ನಿಂಗ್ಸ್ನಲ್ಲಿ 38 ರನ್ಗಳಿಸಿ ವಿಕೆಟ್ ಒಪ್ಪಿಸಿದ್ದರು. ಆದರೆ, ಎರಡೂ ಇನ್ನಿಂಗ್ಸ್ನಲ್ಲೂ ಸ್ಪಿನ್ನರ್ ರಾಸ್ಟನ್ ಚೇಸ್ಗೆ ವಿಕೆಟ್ ಒಪ್ಪಿಸಿದ್ದರು. ಈ ಕುರಿತು ರಾಹುಲ್ ಪ್ರತಿಕ್ರಿಯಿಸಿದ್ದು, ಸ್ಪಿನ್ ಬೌಲರ್ಗಳಿಗೆ ಟೆಸ್ಟ್ ಕ್ರಿಕೆಟ್ನಲ್ಲಿ ಕೆಟ್ಟ ಹೊಡೆತಕ್ಕೆ ಕೈ ಹಾಕಿ ವಿಕೆಟ್ ಒಪ್ಪಿಸಿದ್ದಕ್ಕೆ ಕಾರಣ ತಿಳಿಸಿದ್ದಾರೆ.
"ಈ ರೀತಿ ವಿಕೆಟ್ ಒಪ್ಪಿಸಿರುವುದಕ್ಕೆ ನನಗೆ ತುಂಬಾ ಬೇಸರ ಇದೆ. ಆದರೆ, ನಾನು ಕಳೆದೆರಡು ಇನ್ನಿಂಗ್ಸ್ನಲ್ಲಿ ಉತ್ತಮವಾಗಿ ಆಡುತ್ತಿದ್ದೇನೆ. ಇದರಿಂದ ನಾನು ತುಂಬಾ ಪಾಸಿಟಿವ್ ಆಗಿದ್ದೇನೆ. ಉತ್ತಮ ಇನ್ನಿಂಗ್ಸ್ ಬರುವವರೆಗೂ ನಾನು ನನ್ನ ತಲೆ ತಗ್ಗಿಸಿಕೊಂಡು ತಾಳ್ಮೆಯಿಂದ ಇರುತ್ತೇನೆ. ಈ ಪಂದ್ಯದಲ್ಲಿ 35-40 ರನ್ಗಳಿಸುತ್ತಿದ್ದೇನೆ. ಆದರೆ, ಸ್ಪಿನ್ನರ್ಗಳಿಗೆ ಟೆಸ್ಟ್ ಕ್ರಿಕೆಟ್ನಲ್ಲಿ ತಳ ಊರದಂತೆ ಮಾಡಲು ಬಯಸುವೆ. ಅದೇ ಕಾರಣದಿಂದ ನಾನು ನನಗೆ ಇಷ್ಟವಾದಂತೆ ಬ್ಯಾಟಿಂಗ್ ನಡೆಸಲು ಪ್ರಯತ್ನಿಸುತ್ತೇನೆ. ಆದರೆ, ಕೆಲವು ಸಂದರ್ಭದಲ್ಲಿ ನನ್ನ ಆಲೋಚನೆ ಕಾರ್ಯರೂಪಕ್ಕೆ ಬರುತ್ತಿಲ್ಲ. ಹಾಗಾಗಿ ವಿಕೆಟ್ ಒಪ್ಪಿಸಬೇಕಾಗುತ್ತದೆ" ಎಂದಿದ್ದಾರೆ.
ಈ ಪಂದ್ಯದಲ್ಲಿ 60-80 ಎಸೆತಗಳನ್ನು ಎದುರಿಸುತ್ತಿದ್ದೇನೆ. ಏನಾದರೂ 200-250 ಎಸೆತಗಳನ್ನು ಎದುರಿಸಿದರೆ ನನಗೂ ಮತ್ತು ತಂಡಕ್ಕೂ ಅನುಕೂಲವಾಗುತ್ತದೆ. ಅದನ್ನೇ ಮುಂದಿನ ಪಂದ್ಯದಲ್ಲಿ ಅಳವಡಿಸಿಕೊಳ್ಳಲು ಪ್ರಯತ್ನಿಸುತ್ತೇನೆ ಎಂದಿದ್ದಾರೆ.
