ಮುಂಬೈ: ಭಾರತ ತಂಡದ ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯ ಫಿಟ್ನೆಸ್ ಪರೀಕ್ಷೆಯಲ್ಲಿ ಅನುತ್ತೀರ್ಣರಾಗಿದ್ದರಿಂದ ನ್ಯೂಜಿಲ್ಯಾಂಡ್ ಪ್ರವಾಸದಿಂದ ಹೊರಬಿದ್ದಿದ್ದಾರೆ.
ಇದೀಗ ಕಿವೀಸ್ ಪ್ರವಾಸದ ನಂತರ ತವರಿನಲ್ಲಿ ನಡೆಯಲಿರುವ ದಕ್ಷಿಣ ಆಫ್ರಿಕಾ ವಿರುದ್ದದ 3 ಪಂದ್ಯಗಳ ಏಕದಿನ ಸರಣಿಗೆ ಕಮ್ಬ್ಯಾಕ್ ಮಾಡಬೇಕಾದರೆ ಬರೋಡ ಪರ ಕಡಿಮೆಯಂದರೂ ಒಂದು ಪಂದ್ಯದಲ್ಲಿ ಬೌಲಿಂಗ್ ಮಾಡಿ ತಮ್ಮ ಫಿಟ್ನೆಸ್ ಸಾಭೀತು ಪಡಿಸಬೇಕು ಎಂದು ಬಿಸಿಸಿಐ ತಿಳಿಸಿದೆ.
ಬೆನ್ನಿನ ಶಸ್ತ್ರ ಚಿಕಿತ್ಸೆ ಆಗಿರುವುದರಿಂದ ಪಾಂಡ್ಯರನ್ನು ಕಿವೀಸ್ ಪ್ರವಾಸಕ್ಕೂ ಮುನ್ನ ಪಿಟ್ನೆಸ್ ಸಾಭೀತು ಪಡೀಸಲು ಕೋರಿತ್ತು. ಆದರೆ ಪಾಂಡ್ಯ ಯೋ-ಯೋ ಟೆಸ್ಟ್ ಇರಲಿ ಕೇವಲ ಬೌಲಿಂಗ್ ಪರೀಕ್ಷೆಯಲ್ಲೂ ಅನುತ್ತೀರ್ಣರಾಗಿದ್ದರು.
26 ವರ್ಷದ ಪಾಂಡ್ಯ ತಾವೂ ನ್ಯೂಜಿಲ್ಯಾಂಡ್ ಪ್ರವಾಸದ ದ್ವಿತೀಯ ಭಾಗಕ್ಕೆ(ಏಕದಿನ ಕ್ರಿಕೆಟ್) ತಾವೂ ಫಿಟ್ ಎಂದು ಘೋಷಿಸಿಕೊಂಡಿದ್ದರು. ಆದರೆ ಇದಕ್ಕೆ ಬಿಸಿಸಿಐ ಪಾಂಡ್ಯ ಫಿಟ್ ಆಗಿದ್ದಾರೆ ಎನ್ನುವುದು ಅವರ ವೈಯಕ್ತಿಕ ಅಭಿಪ್ರಾಯ ಎಂದಿದೆ.
"ಪಾಂಡ್ಯ ಫಿಟ್ ಇದ್ದೇನೆ ಎಂಬ ಭಾವನೆಯಲ್ಲಿದ್ದಾರೆ, ಆದರೆ ಅವರು ಫಿಟ್ನೆಸ್ ಸಾಭೀತು ಪಡಿಸುವಲ್ಲಿ ವಿಫಲರಾಗಿದ್ದಾರೆ ಎಂದು ನಮಗೆ ಅವರ ತರಬೇತದಾರರಾದ ಎಸ್ ರಜನಿಕಾಂತ್ ಅವರಿಂದ ತಿಳಿದುಬಂದಿದೆ. ಇದು ಯೋ ಯೋ ಟೆಸ್ಟ್ ಬಗ್ಗೆ ಅಲ್ಲ, ಅವರ ಬೌಲಿಂಗ್ ಫಿಟ್ನೆಸ್ ಕುರಿತು ಆಲೋಚಿಸಬೇಕಿದೆ. ಅವರು ಬೌಲಿಂಗ್ ಒತ್ತಡ ನಿಭಾಯಿಸುವಲ್ಲಿ ಫೇಲ್ ಆಗಿರುವುದರಿಂದ ಅವರು ಫಿಟ್ನೆಸ್ನಲ್ಲೂ ಫೇಲ್ ಆದಂತೆ" ಎಂದು ಬಿಸಿಸಿಐ ಮೂಲಗಳಿಂದ ತಿಳಿದುಬಂದಿದೆ.
ಅಕ್ಟೋಬರ್ನಲ್ಲಿ ಟಿ20 ವಿಶ್ವಕಪ್ ನಡೆಯಲಿರುವುದರಿಂದ ಪಾಂಡ್ಯ ಫಿಟ್ನೆಸ್ ಅತ್ಯಂತ ಮುಖ್ಯವಾಗಿದೆ. ಅಷ್ಟರಲ್ಲಿ ಅವರು ಬೌಲಿಂಗ್-ಬ್ಯಾಟಿಂಗ್ ಎರಡರಲ್ಲೂ ಪಿಟ್ನೆಸ್ ಅವಶ್ಯಕವಾಗಿದೆ. ಅವರು ಉತ್ತಮ ಮಧ್ಯಮ ವೇಗಿ ಹಾಗೂ ಸ್ಫೋಟಕ ಬ್ಯಾಟಿಂಗ್ ನಡೆಸುವ ಸಾಮರ್ಥ್ಯ ಹೊಂದಿದ್ದಾರೆ. ಅವರು ಕೊನೆಯದಾಗಿ ಭಾರತದ ಪರ ಕಳೆದ ವರ್ಷ ಸೆಫ್ಟೆಂಬರ್ನಲ್ಲಿ ಆಡಿದ್ದರು.
