ಮ್ಯಾಂಚೆಸ್ಟರ್: ಸರಣಿ ನಿರ್ಣಯಿಸುವ ವಿಂಡೀಸ್ ವಿರುದ್ಧದ ಕೊನೆಯ ಟೆಸ್ಟ್ನಲ್ಲಿ ಇಂಗ್ಲೆಂಡ್ ತಂಡ ತನ್ನ ಮೊದಲ ಇನ್ನಿಂಗ್ಸ್ನಲ್ಲಿ 369 ರನ್ಗಳಿಸಿದೆ.
ಕೆಮರ್ ರೋಚ್ ಹಾಗೂ ಗೇಬ್ರಿಯಲ್ ಬೌಲಿಂಗ್ ಅಬ್ಬರದ ನಡುವೆಯೂ ಸ್ಟುವರ್ಟ್ ಬ್ರಾಡ್ ಸಿಡಿಸಿದ ಸ್ಫೋಟಕ ಅರ್ಧಶತಕದ ನೆವಿನಿಂದ 111.5 ಓವರ್ಗಳಲ್ಲಿ 369 ರನ್ಗಳಿಸಿ ಆಲೌಟ್ ಆಗಿದೆ. ರೋನಿ ಬರ್ನ್ಸ್ 57,ಒಲ್ಲಿ ಪೋಪ್ 91, ಜೋಸ್ ಬಟ್ಲರ್ 67 ಹಾಗೂ ಸ್ಟುವರ್ಟ್ ಬ್ರಾಡ್ 62 ರನ್ಗಳಿಸಿ ಸ್ಪರ್ಧಾತ್ಮಕ ಮೊತ್ತ ದಾಖಲಿಸಲು ನೆರವಾದರು.
ಮೊದಲ ದಿನ 262ಕ್ಕೆ 4 ವಿಕೆಟ್ ಕಳೆದುಕೊಂಡಿದ್ದ ಇಂಗ್ಲೆಂಡ್ ಅದೇ ಮೊತ್ತಕ್ಕೆ ಒಲ್ಲಿ ಪೋಪ್(91) ವಿಕೆಟ್ ಕಳೆದುಕೊಂಡಿತು. ದಿನದಾರಂಭದಲ್ಲಿ ಪೋಪ್ ವಿಕೆಟ್ ಪಡೆದು ಶೆನಾನ್ ಗೇಬ್ರಿಯಲ್ ವಿಂಡೀಸ್ಗೆ ಮೇಲುಗೈ ತಂದುಕೊಟ್ಟರು. ನಂತರ ಕೆಮರ್ ರೋಚ್ ಜೋಸ್ ಬಟ್ಲರ್(67),ಕ್ರಿಸ್ ವೋಕ್ಸ್(01) ಹಾಗೂ ಜೋಫ್ರಾ ಆರ್ಚರ್(3) ವಿಕೆಟ್ ಪಡೆದು ಇಂಗ್ಲೆಂಡ್ಗೆ ಆಘಾತ ನೀಡಿದರು.
ಆದರೆ 9ನೇ ವಿಕೆಟ್ ಜೊತೆಯಾಟದಲ್ಲಿ ಒಂದಾದ ಡಾಮ್ ಬೆಸ್ ಹಾಗೂ ಸ್ಟುವರ್ಟ್ ಬ್ರಾಡ್ 75 ರನ್ಗಳ ಜೊತೆಯಾಟ ನಡೆಸಿದರು. ಅಬ್ಬರದ ಬ್ಯಾಟಿಂಗ್ ಪ್ರದರ್ಶನ ತೋರಿದ ಬ್ರಾಡ್ ಕೇವಲ 33 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು. ಅವರು ಒಟ್ಟಾರೆ 45 ಎಸೆತಗಳಲ್ಲಿ 9 ಬೌಂಡರಿ ಹಾಗೂ ಒಂದು ಸಿಕ್ಸರ್ ಸಹಿತ 62 ರನ್ ಸಿಡಿಸಿದರು. ನಂತರ ಬಂದ ಆ್ಯಂಡರ್ಸನ್ 11 ರನ್ಗಳಿಸಿ ಔಟಾಗುವುದರೊಂದಿಗೆ ಇಂಗ್ಲೆಂಡ್ ಇನ್ನಿಂಗ್ಸ್ಗೆ ತೆರೆ ಬಿದ್ದಿತು. ಡಾಮ್ ಬೆಸ್ 18 ರನ್ಗಳಿಸಿ ಔಟಾಗದೆ ಉಳಿದುಕೊಂಡರು.
ಇನ್ನು ಮೊದಲ ಸೆಸೆನ್ನಲ್ಲಿ ಮಾರಕ ಬೌಲಿಂಗ್ ದಾಳಿ ನಡೆಸಿದ ಗೇಬ್ರಿಯಲ್ 77ಕ್ಕೆ 2, ಕೆಮರ್ ರೋಚ್ 71ಕ್ಕೆ 4 , ರಾಸ್ಟನ್ ಚೇಸ್36ಕ್ಕೆ 2 ಹಾಗೂ ನಾಯಕ ಹೋಲ್ಡರ್ 83ಕ್ಕೆ 1 ವಿಕೆಟ್ ಪಡೆದರು.
