ಕೊಲೊಂಬೊ: ಶ್ರೀಲಂಕಾ ತಂಡದ ಮಾಜಿ ನಾಯಕ ದಿನೇಶ್ ಚಾಂಡಿಮಾಲ್ ಶ್ರೀಲಂಕಾ ದೇಶಿ ಕ್ರಿಕೆಟ್ ಟೂರ್ನಿಯಲ್ಲಿ ಔಟಾಗದೆ 354 ರನ್ಗಳಿಸುವ ಮೂಲಕ ದಾಖಲೆ ಬರೆದಿದ್ದಾರೆ.
ಶ್ರೀಲಂಕಾ ಆರ್ಮಿ ತಂಡದ ಪರ ಆಡುತ್ತಿರುವ ಚಾಂಡಿಮಾಲ್ ಸರ್ಸೆನ್ಸ್ ಸ್ಪೋರ್ಟ್ಸ್ ಕ್ಲಬ್ ತಂಡದ ವಿರುದ್ಧ ಶ್ರೀಲಂಕಾ ಡೊಮೆಸ್ಟಿಕ್ ಇತಿಹಾಸದಲ್ಲೇ ಅತಿ ಹೆಚ್ಚು ರನ್ಗಳಿಸಿದ ಬ್ಯಾಟ್ಸ್ಮನ್ ಎಂಬದ ದಾಖಲೆಗೆ ಪಾತ್ರರಾಗಿದ್ದಾರೆ.
391 ಎಸೆತಗಳಲ್ಲಿ 9 ಸಿಕ್ಸರ್ಸ್ ಹಾಗೂ 33 ಬೌಂಡರಿ ಸಹಿತ 354 ರನ್ ಸಿಡಿಸಿದ್ದಾರೆ. ಚಾಂಡಿಮಾಲ್ ತ್ರಿಶತಕದ ನೆರವಿನಿಂದ ಆರ್ಮಿ ತಂಡ 642 ರನ್ಗಳಿಸಿ ಡಿಕ್ಲೇರ್ ಘೋಷಿಸಿಕೊಂಡಿದೆ. ಚಾಂಡಿಮಾಲ್ ದೇಶಿಯ ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ ಹೆಚ್ಚು ರನ್ಗಳಿಸಿದರೂ ಒಟ್ಟಾರೆ ಟೆಸ್ಟ್ ಮಾದರಿ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ರನ್ಗಳಿಸಿದ ದಾಖಲೆ ಮಹೇಲಾ ಜಯವರ್ದನೆ(374) ಹೆಸರಿನಲ್ಲಿದೆ.
ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ ಹೆಚ್ಚು ರನ್ಗಳಿಸಿದ ಶ್ರೀಲಂಕಾ ಬ್ಯಾಟ್ಸ್ಮನ್
- ಮಹೇಲಾ ಜಯವರ್ದನೆ 374 (ಟೆಸ್ಟ್)
- ದಿನೇಶ್ ಚಾಂಡಿಮಾಲ್ 354*
- ಕಿತುರುವಾನ್ ವಿತನಗೆ 351
- ಸನತ್ ಜಯಸೂರ್ಯ 340 (ಟೆಸ್ಟ್)
- ಕುಶಾಲ್ ಪೆರೆರಾ 336
