ಫ್ಲಾಪ್​ ಶೋ..! ಆ್ಯಶಸ್​ನಲ್ಲಿ ಬೌಲರ್​ಗಿಂತ ಕಳಪೆ ಆಟವಾಡಿದ ವಾರ್ನರ್..!

ಆ್ಯಶಸ್ ಸರಣಿಯ ಐದೂ ಪಂದ್ಯ(ಹತ್ತು ಇನ್ನಿಂಗ್ಸ್) ಆಡಿದ ಡೇವಿಡ್ ವಾರ್ನರ್ ಒಟ್ಟಾರೆ ಗಳಿಸಿದ್ದು ಕೇವಲ 95 ರನ್​ ಮಾತ್ರ..! ಆ್ಯಶಸ್​ ಸರಣಿಯ ಹೀರೋ ಸ್ಟೀವ್ ಸ್ಮಿತ್ ಏಳೇ ಇನ್ನಿಂಗ್ಸ್​ನಲ್ಲಿ ಬರೋಬ್ಬರಿ 774 ರನ್​ ಕಲೆ ಹಾಕಿದ್ದಾರೆ.

ಹೈದರಾಬಾದ್: ಇಂಗ್ಲೆಂಡ್ ಹಾಗೂ ಆಸ್ಟ್ರೇಲಿಯಾ ನಡುವಿನ ಆ್ಯಶಸ್ ಟೆಸ್ಟ್ ಸರಣಿ ಕ್ರಿಕೆಟ್ ಲೋಕದಲ್ಲೇ ಅತ್ಯಂತ ಮಹತ್ವದ ಸರಣಿ ಎಂದೇ ಪರಿಗಣಿತವಾಗಿದೆ. ಬೇರಾವುದೇ ಸಿರೀಸ್​ನಲ್ಲಾದರೂ ಫೇಲ್ ಆಗಿದ್ದ ಆಟಗಾರನೂ ಆ್ಯಶಸ್​ನಲ್ಲಿ ಪುಟಿದೇಳುತ್ತಾನೆ. ಇದೇ ಈ ಸರಣಿಯ ವಿಶೇಷತೆ. ಆದರೆ ಆಸೀಸ್​ನ ನಂಬಿಕಸ್ಥ ಹಾಗೂ ಸ್ಫೋಟಕ ಆಟಗಾರ ವರ್ಷಪೂರ್ತಿ ಬ್ಯಾಟಿಂಗ್​ನಲ್ಲಿ ಅಬ್ಬರಿಸಿದ್ದರೂ ಆ್ಯಶಸ್​ನಲ್ಲಿ ಸಂಪೂರ್ಣ ಫೇಲ್ ಆಗಿದ್ದಾನೆ.

ಚೆಂಡು ವಿರೂಪ ಪ್ರಕರಣದಲ್ಲಿ ಒಂದು ವರ್ಷದ ನಿಷೇಧ ಶಿಕ್ಷೆ ಮುಗಿಸಿ ಬಂದಿದ್ದ ಸ್ಟೀವ್ ಸ್ಮಿತ್ ಹಾಗೂ ಡೇವಿಡ್ ವಾರ್ನರ್ ಕ್ರಿಕೆಟ್​ನಲ್ಲಿ ಮತ್ತೊಂದು ಇನ್ನಿಂಗ್ಸ್ ಆರಂಭಿಸಿದ್ದರು. ವಾರ್ನರ್ ಐಪಿಎಲ್​ನಲ್ಲಿ ಅಕ್ಷರಶಃ ಅಬ್ಬರಿಸಿ ಎದುರಾಳಿಗಳಿಗೆ ನಡುಕ ಹುಟ್ಟಿಸಿದ್ದರು. ಐಪಿಎಲ್ ಹಾಗೂ ವಿಶ್ವಕಪ್ ಮುಕ್ತಾಯದ ಬಳಿಕ ವಾರ್ನರ್​ಗೆ ಎದುರಾದ ಮಹತ್ವದ ಸರಣಿಯೆಂದರೆ ಅದು ಆ್ಯಶಸ್.

ಒಂದೆಡೆ ವಾರ್ನರ್ ಜೊತೆಗೆ ನಿಷೇಧದ ಶಿಕ್ಷೆ ಅನುಭವಿಸಿದ್ದ ಸ್ಟೀವ್ ಸ್ಮಿತ್ ಆ್ಯಶಸ್​ನಲ್ಲಿ ರನ್​ಹೊಳೆಯನ್ನೇ ಹರಿಸಿದ್ದರೆ ಅತ್ತ ಸ್ಫೋಟಕ ಆಟಕ್ಕೆ ಹೆಸರಾದ ವಾರ್ನರ್ ಮಾತ್ರ ರನ್ ಗಳಿಸಲು ಒದ್ದಾಡುತ್ತಿದ್ದಿದ್ದು ಸ್ಪಷ್ಟವಾಗಿತ್ತು.

ಆ್ಯಶಸ್ ಸರಣಿಯ ಐದೂ ಪಂದ್ಯ (ಹತ್ತು ಇನ್ನಿಂಗ್ಸ್) ಆಡಿದ ಡೇವಿಡ್ ವಾರ್ನರ್ ಒಟ್ಟಾರೆ ಗಳಿಸಿದ್ದು ಕೇವಲ 95 ರನ್​ ಮಾತ್ರ..! ಆ್ಯಶಸ್​ ಸರಣಿಯ ಹೀರೋ ಸ್ಟೀವ್ ಸ್ಮಿತ್ ಏಳೇ ಇನ್ನಿಂಗ್ಸ್​ನಲ್ಲಿ ಬರೋಬ್ಬರಿ 774 ರನ್​ ಕಲೆ ಹಾಕಿದ್ದಾರೆ.

ಇಲ್ಲಿ ಮತ್ತೊಂದು ಅಚ್ಚರಿಯ ಅಂಶವೆಂದರೆ ಡೇವಿಡ್ ವಾರ್ನರ್ ಒಟ್ಟಾರೆ ಗಳಿಕೆಗಿಂತ ಹೆಚ್ಚಿನ ಬೌಂಡರಿಯನ್ನು ಸ್ಟೀವ್ ಸ್ಮಿತ್ ಬಾರಿಸಿದ್ದಾರೆ. ವಾರ್ನರ್ ಆ್ಯಶಸ್​ನಲ್ಲಿ ಕೇವಲ ಒಂದು ಅರ್ಧಶತಕ ಬಾರಿಸಿದ್ದು, ಉಳಿದ ಇನ್ನಿಂಗ್ಸ್​ನಲ್ಲಿ ಮೂವತ್ತರ ಗಡಿಯೂ ದಾಟಿಲ್ಲ ಎನ್ನುವುದು ವಿಶೇಷ.

ಡೇವಿಡ್ ವಾರ್ನರ್ ಗಳಿಕೆ: 2, 8, 3, 5, 61, 0, 0, 0, 5, 11
ಸ್ಟೀವ್ ಸ್ಮಿತ್ ಗಳಿಕೆ: 144, 142, 92, 211, 82, 80, 23

• David Warner finishes the Ashes with a lower average than Jack Leach. pic.twitter.com/UfRSsjbDTc

  — Cricket District (@cricketdistrict) September 15, 2019 " class="align-text-top noRightClick twitterSection" data="

  David Warner finishes the Ashes with a lower average than Jack Leach. pic.twitter.com/UfRSsjbDTc

  — Cricket District (@cricketdistrict) September 15, 2019

  ">

  David Warner finishes the Ashes with a lower average than Jack Leach. pic.twitter.com/UfRSsjbDTc

  — Cricket District (@cricketdistrict) September 15, 2019

ಬೌಲರ್​ಗಿಂತ ಕಳಪೆ ವಾರ್ನರ್:

ಡೇವಿಡ್ ವಾರ್ನರ್ ಬ್ಯಾಟಿಂಗ್ ಎಷ್ಟು ಕಳಪೆಯಾಗಿತ್ತು ಎನ್ನುವ ವಿಚಾರಕ್ಕೆ ಇಲ್ಲೊಂದು ಉತ್ತಮ ಉದಾಹರಣೆ ಇದೆ.

ಇಂಗ್ಲೆಂಡ್ ಬೌಲರ್ ಜ್ಯಾಕ್ ಲೀಚ್ ಆ್ಯಶಸ್ ಸರಣಿಯಲ್ಲಿ 13.5ರ ಸರಾಸರಿಯಲ್ಲಿ ಬ್ಯಾಟ್ ಬೀಸಿದ್ದರು. ಆದರೆ ವಾರ್ನರ್ ಸರಾಸರಿ ಕೇವಲ 9.5..!