ರೋಚಕ ಪಂದ್ಯದಲ್ಲಿ ಒಂದೇ ಒಂದು ರನ್​ನಿಂದ ಸೋತ ತಂಡ!

ದರ್ಭಾಂಗ್​ ಡೈಮಂಡ್ಸ್​ ಮತ್ತು ಪಾಟ್ನಾ ಪೈಲಟ್ಸ್​ ನಡುವಿನ ರೋಚಕ ಪಂದ್ಯದಲ್ಲಿ ಒಂದೇ ಒಂದು ರನ್​ಗಳಿಂದ ಸೋಲನ್ನಪ್ಪಿದ ಪಾಟ್ನಾ ಪೈಲಟ್ಸ್​ ತಂಡ ಸೋಲು ಕಂಡಿದೆ.

ಪಾಟ್ನಾ: ಬಿಹಾರ್​ ಕ್ರಿಕೆಟ್​ ಲೀಗ್​ ಸಖತ್​ ಆಗಿಯೇ ನಡೆಯುತ್ತಿದೆ. ನಿನ್ನೆ ನಡೆದ ಪಂದ್ಯ ರೋಚಕತೆಯಿಂದ ಕೂಡಿದ್ದು, ಕೇವಲ ಒಂದೇ ಒಂದು ರನ್​ನಿಂದ ತಂಡವೊಂದು ಸೋಲಿಗೆ ಶರಣಾಗಿದೆ.

ನಿನ್ನೆ ನಡೆದ ಪಂದ್ಯದಲ್ಲಿ ದರ್ಭಾಂಗ್​ ಡೈಮಂಡ್ಸ್​ ವಿರುದ್ಧ ಪಾಟ್ನಾ ಪೈಲಟ್ಸ್​ ತಂಡ ಟಾಸ್​ ಗೆದ್ದು ಬೌಲಿಂಗ್​ ಆಯ್ದುಕೊಂಡಿತ್ತು. ಮೊದಲು ಬ್ಯಾಟ್​ ಮಾಡಿದ ದರ್ಭಾಂಗ್​ ಡೈಮಂಡ್ಸ್ ನಿಗದಿತ 20 ಓವರ್​ಗಳಿಗೆ 8 ವಿಕೆಟ್​ಗಳನ್ನು ಕಳೆದುಕೊಂಡು 174 ರನ್​ಗಳನ್ನು ಕಲೆ ಹಾಕಿತ್ತು.

ದರ್ಭಾಂಗ್​ ಡೈಮಂಡ್ಸ್ ನೀಡಿದ ಮೊತ್ತವನ್ನು ಬೆನ್ನಟ್ಟಿದ ಪಾಟ್ನಾ ಪೈಲಟ್ಸ್​ ಕೇವಲ ಒಂದು ರನ್​ನಿಂದ ಸೋಲನ್ನಪ್ಪಿದೆ. ನಿಗದಿತ 20 ಓವರ್​ಗಳಿಗೆ 9 ವಿಕೆಟ್​ಗಳನ್ನು ಕಳೆದುಕೊಂಡು 173 ರನ್​ಗಳನ್ನು ಕಲೆಹಾಕುವ ಮೂಲಕ ಒಂದು ರನ್​ನಿಂದ ಸೋಲಿಗೆ ಶರಣಾಯಿತು. ಈ ಪಂದ್ಯ ಕೊನೆಯ ಹಂತದಲ್ಲಿ ರೋಚಕದಿಂದ ಕೂಡಿದ್ದು, ಈ ವೇಳೆ ಎಲ್ಲರ ಗಮನ ಸೆಳೆದಿತ್ತು.