3ನೇ ಏಕದಿನ ಪಂದ್ಯದಲ್ಲಿ 79 ರನ್​ಗಳ ಜಯ... ದಶಕಗಳ ನಂತರ ತವರಿನಲ್ಲಿ ಏಕದಿನ ಸರಣಿ ಗೆದ್ದ ಪಾಕಿಸ್ತಾನ

ಪಾಕಿಸ್ತಾನ ತಂಡ 10 ವರ್ಷಗಳ ನಂತರ ತವರಿನಲ್ಲಿ ಏಕದಿನ ಸರಣಿ ಜಯಿಸಿದೆ. ಕರಾಚಿಯಲ್ಲಿ ನಡೆದ ಮೂರನೇ ಏಕದಿನ ಪಂದ್ಯದಲ್ಲಿ 79 ರನ್​ಗಳಿಂದ ಜಯ ಸಾಧಿಸುವ ಮೂಲಕ ಪಾಕ್​ ಈ ಸಾಧನೆ ಮಾಡಿದೆ.

ಕರಾಚಿ: 10 ವರ್ಷಗಳ ನಂತರ ತವರಿನಲ್ಲಿ ನಡೆದ ಶ್ರೀಲಂಕಾ ವಿರುದ್ಧದ ಏಕದಿನ ಸರಣಿಯನ್ನು ಪಾಕಿಸ್ತಾನ ತಂಡ 2-0ದಿಂದ ವಶಪಡಿಸಿಕೊಂಡಿದೆ.

ಬುಧವಾರ ನಡೆದ ಮೂರನೆ ಅಂತಿ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್​ ನಡೆಸಿದ ಶ್ರೀಲಂಕಾ ತಂಡ ಆರಂಭಿಕ ಬ್ಯಾಟ್ಸ್​ಮನ್​ ಗುಣತಿಲಕ (133)ಅವರ ಆಕರ್ಷಕ ಶತಕದ ನೆರವಿನಿಂದ 50 ಓವರ್​ಗಳಲ್ಲಿ 297 ರನ್​ಗಳಿತು.

ಪಾಕ್​ ಪರ ಮೊಹಮ್ಮದ್​ ಅಮೀರ್​ 3 , ಶೆನ್ವಾರಿ, ವಹಾಬ್​ ರಿಯಾಜ್​, ಶದಾಬ್​ ಖಾನ್​ ಹಾಗೂ ಮೊಹಮ್ಮದ್​ ನವಾಜ್​ ತಲಾ ಒಂದು ವಿಕೆಟ್​ ಪಡೆದರು. ಲಂಕಾ ತಂಡ ಬೃಹತ್​ ಮೊತ್ತ ಕನಸಿಗೆ ಕಡಿವಾಣ ಹಾಕಿದರು.

ಪಾಕಿಸ್ತಾನ ತಂಡ

298 ರನ್​ಗಳ ಗುರಿ ಪಡೆದ ಪಾಕಿಸ್ತಾನ ಫಖರ್​​​ ಝಮಾನ್ (76) ಅಬಿದ್​ ಅಲಿ (74) ಹಾಗೂ ಹ್ಯಾರೀಸ್​ ಸೊಹೈಲ್​(56) ಅವರ ಅರ್ಧಶತಕದ ನೆರವಿನಿಂದ 5 ವಿಕೆಟ್​ ಕಳೆದುಕೊಂಡು ಗುರಿ ತಲುಪಿತು.

ಪಾಕ್​ ತಂಡ ಈ ಗೆಲುವಿನ ಮೂಲಕ ತವರಿನಲ್ಲಿ ದಶಕಗಳ ನಂತರ ನಡೆದ ಸರಣಿ ಗೆದ್ದು ಸಂಭ್ರಮಿಸಿತು. ಅಬಿದ್​ ಅಲಿ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದರೆ ಬಾಬರ್​ ಅಜಂ ಸರಣಿ ಶ್ರೇಷ್ಠ ಪ್ರಶಸ್ತಿ ಪಡೆದರು.