ಮಿಂಚಿದ ಶಮಿ: ನಿರ್ಣಾಯಕ ಪಂದ್ಯದಲ್ಲಿ 149 ರನ್​ಗಳಿಗೆ ಕೆಕೆಆರ್​ ಕಟ್ಟಿ ಹಾಕಿದ ಪಂಜಾಬ್

ನಿರ್ಣಾಯಕ ಪಂದ್ಯದಲ್ಲಿ ಅದ್ಭುತ ಬೌಲಿಂಗ್ ಪ್ರದರ್ಶನ ತೋರಿದ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ ಕೆಕೆಆರ್ ತಂಡವನ್ನು 149 ರನ್​ಗಳಿಗೆ ನಿಯಂತ್ರಿಸಿದೆ.

ಶಾರ್ಜಾ: ಮೊಹಮ್ಮದ್ ಶಮಿ, ಬಿಷ್ಣೋಯ್​ ಬೌಲಿಂಗ್ ದಾಳಿಗೆ ಸಿಲುಕಿದ ಕೋಲ್ಕತ್ತಾ ನೈಟ್ ರೈಡರ್ಸ್​ ತಂಡ ಪಂಜಾಬ್ ತಂಡಕ್ಕೆ 150 ರನ್​ಗಳ ಸಾಧಾರಣ ಟಾರ್ಗೆಟ್ ನೀಡಿದೆ.

ಟಾಸ್​ ಗೆದ್ದ ರಾಹುಲ್ ಕೋಲ್ಕತ್ತಾ ನೈಟ್​ ರೈಡರ್ಸ್​ ತಂಡಕ್ಕೆ ಬ್ಯಾಟಿಂಗ್ ಮಾಡಲು ಆಹ್ವಾನಿಸಿತು. ನಾಯಕನ ನಿರ್ಧಾರಕ್ಕೆ ತಕ್ಕಂತೆ ಬೌಲಿಂಗ್ ಮಾಡಿದ ಪಂಜಾಬ್ ಬೌಲರ್​ಗಳು 2 ಓವರ್​ ಒಳಗೆ 3 ವಿಕೆಟ್​ ಒಪ್ಪಿಸಿದರು.

ಆರಂಭಿಕರಾಗಿ ಕಣಕ್ಕಿಳಿದ ನಿತೀಶ್ ರಾಣಾ ಯಾವುದೇ ರನ್​ಗಳಿಸದೇ ಮ್ಯಾಕ್ಸ್​ವೆಲ್ ಬೌಲಿಂಗ್​ನಲ್ಲಿ ಗೇಲ್​ಗೆ ಕ್ಯಾಚ್​ ನೀಡಿ ಔಟಾದರೆ, ಶಮಿ ರಾಹುಲ್ ತ್ರಿಪಾಠಿ(7), ದಿನೇಶ್ ಕಾರ್ತಿಕ್​(0) ವಿಕೆಟ್ ಪಡೆದು ಕೆಕೆಆರ್​ಗೆ ಆಘಾತ ನೀಡಿದರು.

• Innings Break!#KXIP restrict #KKR to a total of 149/9 on the board. Will #KXIP chase this down?#Dream11IPL pic.twitter.com/IKN5DtCjhn

  — IndianPremierLeague (@IPL) October 26, 2020 " class="align-text-top noRightClick twitterSection" data="

  Innings Break!#KXIP restrict #KKR to a total of 149/9 on the board. Will #KXIP chase this down?#Dream11IPL pic.twitter.com/IKN5DtCjhn

  — IndianPremierLeague (@IPL) October 26, 2020

  ">

  Innings Break!#KXIP restrict #KKR to a total of 149/9 on the board. Will #KXIP chase this down?#Dream11IPL pic.twitter.com/IKN5DtCjhn

  — IndianPremierLeague (@IPL) October 26, 2020

ಆದರೆ 4ನೇ ವಿಕೆಟ್​ ಜೊತೆಯಾಟದಲ್ಲಿ ಇಯಾನ್ ಮಾರ್ಗನ್​ ಹಾಗೂ ಗಿಲ್ 81 ರನ್​ಗಳ ಜೊತೆಯಾಟ ನೀಡಿದರು. ಸ್ಫೋಟಕ ಬ್ಯಾಟಿಂಗ್ ಮೊರೆ ಹೋದ ಮಾರ್ಗನ್ 25 ಎಸೆತಗಳಲ್ಲಿ 5 ಬೌಂಡರಿ ಹಾಗೂ 2 ಸಿಕ್ಸರ್​ ಸಹಿತ 40 ರನ್​ಗಳಿಸಿ ರವಿ ಬಿಷ್ಣೋಯ್ ಸ್ಪಿನ್​ ಮೋಡಿಗೆ ಬಲಿಯಾದರು.

ನಂತರ ಮತ್ತೆ ಮೇಲುಗೈ ಸಾಧಿಸಿ ಪಂಜಾಬ್ ಬೌಲರ್​ಗಳು ಸುನೀಲ್ ನರೈನ್(6), ನಾಗರಕೋಟಿ(6),ಪ್ಯಾಟ್ ಕಮ್ಮಿನ್ಸ್​(1), ವರುಣ್ ಚಕ್ರವರ್ತಿ(2) ವಿಕೆಟ್​ ಪಡೆದರು.

ಆರಂಭಿಕನಾಗಿ ಕಣಕ್ಕಿಳಿದ ಶುಬ್ಮನ್ ಗಿಲ್ 19ನೇ ಓವರ್​ನಲ್ಲಿ 57 ರನ್​ಗಳಿಸಿ ಔಟಾದರು. ಅವರ ಇನ್ನಿಂಗ್ಸ್​ನಲ್ಲಿ 4 ಭರ್ಜರಿ ಸಿಕ್ಸರ್​ಗಳು ಹಾಗೂ 3 ಬೌಂಡರಿಗಳಿದ್ದವು. ಲೂಕಿ ಫರ್ಗ್ಯುಸನ್ 13 ಎಸೆತಗಳಲ್ಲಿ 24 ರನ್​ಗಳಿಸಿದರು.

ಪಂಜಾಬ್ ಪರ ಶಮಿ 3 ವಿಕೆಟ್ಸ್, ರವಿ ಬಿಷ್ಣೋಯ್ , ಮುರುಗನ್ ಅಶ್ವಿನ್ ಹಾಗೂ ​ ಜೋರ್ಡಾನ್ ತಲಾ 2 ವಿಕೆಟ್ ಪಡೆದು ಮಿಂಚಿದರು.