ನವದೆಹಲಿ: ತಂಡ ಸಂಕಷ್ಟದಲ್ಲಿದ್ದಾಗ ನೆರವಾಗಬೇಕೆಂಬ ಮನೋಭಾವನೆ ಬೆನ್ ಸ್ಟೋಕ್ಸ್ನಂತಹ ಆಲ್ರೌಂಡರ್ನಲ್ಲಿರುವುದರಿಂದಲೇ ಎಲ್ಲಾ ತಂಡದ ನಾಯಕರು ಅವರನ್ನು ತಮ್ಮ ತಂಡದಲ್ಲಿರಬೇಕು ಎಂದು ಬಯಸುತ್ತಾರೆ ಎಂದು ರಾಜಸ್ಥಾನ್ ರಾಯಲ್ಸ್ ತಂಡದ ನಾಯಕ ಬೆನ್ ಸ್ಟೋಕ್ಸ್ ಅಭಿಪ್ರಾಯಪಟ್ಟಿದ್ದಾರೆ.
ಮುಂಬರುವ ಆಸ್ಟ್ರೇಲಿಯಾ ವಿರುದ್ಧದ ವೈಟ್ಬಾಲ್ ಸರಣಿಯಲ್ಲಿ ಬೆನ್ಸ್ಟೋಕ್ಸ್ ತಮ್ಮ ಎ ಕ್ಲಾಸ್ ಆಟವನ್ನು ತೋರುವುದಿಲ್ಲ ಎಂದು ಆಶಿಸುತ್ತಿದ್ದೇನೆ. ಏಕೆಂದರೆ ಅವರು ಯುಎಇನಲ್ಲಿ ನಡೆಯಲಿರುವ ಐಪಿಎಲ್ನಲ್ಲಿ ರಾಯಲ್ಸ್ ಜರ್ಸಿಯಲ್ಲಿ ಅಬ್ಬರಿಸಲು ತಮ್ಮ ಅತ್ಯುತ್ತಮ ಶಕ್ತಿಯನ್ನು ಉಳಿಸಿಕೊಳ್ಳಲಿದ್ದಾರೆ ಎಂದು ಸ್ಮಿತ್ ಹೇಳಿದ್ದಾರೆ.
ಇನ್ನು ತಾವು ಮುಂದಿನ ಸರಣಿಯಲ್ಲಿ ತಮ್ಮ ರಾಯಲ್ಸ್ ಟೀಂಮೇಟ್ಗಳಾದ ಜೋಫ್ರಾ ಆರ್ಚರ್, ಜೋಶ್ ಬಟ್ಲರ್, ಬೆನ್ ಸ್ಟೋಕ್ಸ್ ವಿರುದ್ಧ ಆಡುವುದಕ್ಕೆ ಹೆಮ್ಮೆ ಎನ್ನಿಸುತ್ತಿದೆ ಎಂದಿದ್ದಾರೆ.
ಬೆನ್ ಸ್ಟೋ್ಕ್ಸ್ ಮತ್ತು ಸ್ಟೀವ್ ಸ್ಮಿತ್ "ಇಂಗ್ಲೆಂಡ್ನಂತಹ ಅದ್ಭುತ ತಂಡದಲ್ಲಿರುವ ನನ್ನ ಐಪಿಎಲ್ ಸಹ ಆಟಗಾರರ ವಿರುದ್ಧ ಕೆಲವು ಸ್ಪರ್ಧಾತ್ಮಕ ಕ್ರಿಕೆಟ್ ಪಂದ್ಯಗಳನ್ನಾಡಲು ಸಾಧ್ಯವಾಗುತ್ತಿರುವುದಕ್ಕೆ ನನಗೆ ಹೆಮ್ಮೆ ಎನ್ನಿಸುತ್ತಿದೆ. ಅವರು(ಐಪಿಎಲ್ ಟೀಂಮೇಟ್ಸ್) ನಮ್ಮ ತಂಡದ(ಆಸ್ಟ್ರೇಲಿಯಾ) ವಿರುದ್ಧ ಹೆಚ್ಚು ರನ್ ಹಾಗೂ ಹೆಚ್ಚು ವಿಕೆಟ್ ಪಡೆಯುವುದಿಲ್ಲ ಎಂದು ಭಾವಿಸಿದ್ದೇನೆ. ಏಕೆಂದರೆ ಅವರು ತಮ್ಮ ಸಾಮರ್ಥ್ಯವನ್ನು ಐಪಿಎಲ್ನಲ್ಲಿ ತೋರಿಸಲು ತಮ್ಮಲ್ಲೇ ಉಳಿಸಿಕೊಳ್ಳಲಿದ್ದಾರೆ" ಎಂದು ರಾಜಸ್ಥಾನ ರಾಯಲ್ಸ್ನ ಪೇಜ್ನಲ್ಲಿನ ಸಂವಾದದಲ್ಲಿ ಹೇಳಿಕೊಂಡಿದ್ದಾರೆ.
ಇದೇ ಸಂದರ್ಭದಲ್ಲಿ ಆಲ್ರೌಂಡರ್ ಸ್ಟೋಕ್ಸ್ ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. "ಸ್ಟೋಕ್ಸ್ ವಿಶ್ವಕಪ್ ಹಾಗೂ ಇತ್ತೀಚೆಗೆ ಮುಗಿದ ಟೆಸ್ಟ್ ಸರಣಿಯಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಅವರು ಬ್ಯಾಟಿಂಗ್, ಬೌಲಿಂಗ್ ಹಾಗೂ ಫೀಲ್ಡಿಂಗ್ನಲ್ಲೂ ಅದ್ಭುತ ಪ್ರದರ್ಶನ ತೋರಿದ್ದಾರೆ. ಅವರಂತಹ ಆಟಗಾರರನ್ನು ಪ್ರತಿ ತಂಡದ ನಾಯಕರು ತಮ್ಮ ತಂಡದಲ್ಲಿ ಆಡಿಸಲು ಬಯಸುತ್ತಾರೆ ಎಂದಿದ್ದಾರೆ.
