ಲಾಹೋರ್: ಸೀಮಿತ ಓವರ್ಗಳ ಕ್ರಿಕೆಟ್ಗೆ ಪಾಕ್ ತಂಡದ ನೂತನ ನಾಯಕನಾಗಿ ಸ್ಟಾರ್ ಬ್ಯಾಟ್ಸ್ಮನ್ ಬಾಬರ್ ಅಜಮ್ ಅವರನ್ನು ಪಿಸಿಬಿ ಆಯ್ಕೆ ಮಾಡಿದೆ.
2019ರ ಟಿ20 ವಿಶ್ವಕಪ್ನಲ್ಲಿ ಪಾಕಿಸ್ತಾನ ತಂಡ ಕಳಪೆ ಪ್ರದರ್ಶನ ತೋರಿದ್ದರಿಂದ ಸರ್ಫರಾಜ್ ಖಾನ್ರನ್ನು ನಾಯಕತ್ವದಿಂದ ಕೆಳಗಿಳಿಸಬೇಕೆಂಬ ಕೂಗು ಕೇಳಿ ಬಂದಿತ್ತು. ನಂತರ ಶ್ರೀಲಂಕಾ ವಿರುದ್ಧ ಟಿ20 ಸರಣಿಯಲ್ಲಿ ವೈಟ್ ವಾಷ್ ಅಪಮಾನಕ್ಕೆ ತುತ್ತಾಗಿತ್ತು. ಈ ಸೋಲಿನ ನಂತರ ಪಿಸಿಬಿ ನಾಯಕತ್ವದ ಬದಲಾವಣೆ ಮಾಡುವ ಆಲೋಚನೆ ಮಾಡಿತ್ತು.
ಇದೀಗ ಟಿ20 ಕ್ರಿಕೆಟ್ನ ನಂಬರ್ ಒನ್ ಬ್ಯಾಟ್ಸ್ಮನ್ ಆಗಿರುವ ಸ್ಟಾರ್ ಬ್ಯಾಟ್ಸ್ಮನ್ ಬಾಬರ್ ಅಜಮ್ ಅವರನ್ನು ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್ ಏಕದಿನ ಹಾಗೂ ಟಿ20 ತಂಡದ ನೂತನ ನಾಯಕನಾಗಿ ಬುಧವಾರ ಘೋಷಿಸಿದೆ.
ಬಾಬರ್ ಕಳೆದ ಎರಡು ಮೂರು ವರ್ಷಗಳಿಂದ ಎಲ್ಲಾ ಮಾದರಿಯ ಕ್ರಿಕೆಟ್ನಲ್ಲೂ ಉತ್ತಮ ಬ್ಯಾಟಿಂಗ್ ಪ್ರದರ್ಶನ ತೋರುತ್ತಿದ್ದಾರೆ. ಅವರು 74 ಏಕದಿನ ಪಂದ್ಯಗಳಿಂದ 3359 ರನ್, 38 ಟಿ20 ಪಂದ್ಯಗಳಿಂದ 1471 ಹಾಗೂ 26 ಟೆಸ್ಟ್ ಪಂದ್ಯಗಳಿಂದ 1850 ರನ್ಗಳಿಸಿದ್ದಾರೆ.
ಇನ್ನು ಟೆಸ್ಟ್ ತಂಡದ ನಾಯಕನಾಗಿ ಅಜರ್ ಅಲಿ ಆಯ್ಕೆಯಾಗಿದ್ದಾರೆ.
