ಜೋಹನ್ಸ್ ಬರ್ಗ್ಸ್: ಪಾಕಿಸ್ತಾನ ತಂಡದ ನಾಯಕ ಬಾಬರ್ ಅಜಮ್ ಟಿ-20 ಕ್ರಿಕೆಟ್ನಲ್ಲಿ ವೇಗವಾಗಿ 6000 ರನ್ ಬಾರಿಸಿದ ವಿಶ್ವದ 2ನೇ ಬ್ಯಾಟ್ಸ್ಮನ್ ಎನಿಸಿಕೊಂಡಿದ್ದಾರೆ.
ದಕ್ಷಿಣ ಆಫ್ರಿಕಾ ವಿರುದ್ಧ ಶನಿವಾರ ನಡೆಯುತ್ತಿರುವ ಟಿ-20 ಸರಣಿಯ ಮೊದಲ ಪಂದ್ಯದಲ್ಲಿ ಬಾಬರ್ ಅಜಮ್ 1 ರನ್ ಗಳಿಸುತ್ತಿದ್ದಂತೆ ಈ ದಾಖಲೆಯನ್ನು ನಿರ್ಮಿಸಿದ್ದಾರೆ. ಪಾಕ್ ಸ್ಟಾರ್ ಬ್ಯಾಟ್ಸ್ಮನ್ ಚುಟುಕು ಕ್ರಿಕೆಟ್ನಲ್ಲಿ ಕೇವಲ 165 ಇನ್ನಿಂಗ್ಸ್ಗಳಲ್ಲಿ 6 ಸಾವಿರ ರನ್ ಮೈಲುಗಲ್ಲು ತಲುಪಿದ್ದಾರೆ. ಈ ಮೂಲಕ ಭಾರತದ ನಾಯಕ ವಿರಾಟ್ ಕೊಹ್ಲಿ(184)ಯನ್ನು ಹಿಂದಿಕ್ಕಿದ್ದಾರೆ.
ಮೊದಲ ಸ್ಥಾನದಲ್ಲಿ ಯುನಿವರ್ಸಲ್ ಬಾಸ್ ಕ್ರಿಸ್ ಗೇಲ್ ಇದ್ದು, ಅವರು ಕೇವಲ 162 ಇನ್ನಿಂಗ್ಸ್ನಲ್ಲಿ 6 ಸಾವಿರ್ ರನ್ ಗಳಿಸಿದ್ದಾರೆ. ಗೇಲ್ ಟಿ-20 ಕ್ರಿಕೆಟ್ನಲ್ಲಿ 416 ಪಂದ್ಯಗಳನ್ನಾಡಿದ್ದು, 22 ಶತಕಗಳ ಸಹಿತ 13720 ರನ್ ಬಾರಿಸಿದ್ದಾರೆ.
ಟಿ-20 ಕ್ರಿಕೆಟ್ನಲ್ಲಿ ವೇಗವಾಗಿ 6000 ರನ್ ಬಾರಿಸಿದವರು
- ಕ್ರಿಸ್ ಗೇಲ್ -162
- ಬಾಬರ್ ಅಜಮ್-165
- ಶಾನ್ ಮಾರ್ಷ್-180
- ವಿರಾಟ್ ಕೊಹ್ಲಿ-184
- ಆ್ಯರೋನ್ ಫಿಂಚ್-190
- ಕ್ವಿಂಟನ್ ಡಿ ಕಾಕ್-194
- ಡೇವಿಡ್ ವಾರ್ನರ್-200
ಇದನ್ನು ಓದಿ:ಉದ್ಘಾಟನಾ ಪಂದ್ಯದಲ್ಲೇ ವಿಶೇಷ ದಾಖಲೆ ಬರೆದ ಕಿಂಗ್ ಕೊಹ್ಲಿ: ಈ ರೆಕಾರ್ಡ್ ಮಾಡಿದ ಮೊದಲ ಬ್ಯಾಟ್ಸ್ಮನ್
