ಹೈದರಾಬಾದ್: ಐಪಿಎಲ್ ಹರಾಜಿನಲ್ಲಿ ಕೋಟಿಗಟ್ಟಲೆ ಹಣ ಹರಿದಾಡುತ್ತಿದೆ. ಆಶ್ಚರ್ಯಕರ ರೀತಿಯಲ್ಲಿ ಕೆಲವು ಆಟಗಾರರು ಕೋಟಿ ಕೋಟಿ ಬಾಚಿಕೊಂಡಿದ್ದಾರೆ. ಆದರೆ, 2021ರ ಐಪಿಎಲ್ ಮಿನಿ ಹರಾಜಿನಲ್ಲಿ ಅರ್ಜುನ್ ತೆಂಡೂಲ್ಕರ್ ಮುಂಬೈ ಇಂಡಿಯನ್ಸ್ ಪರ ಸೇರುತ್ತಿದ್ದಂತೆ ನೆಟಿಜನ್ಸ್ ಅವರ ಅರ್ಹತೆ ಬಗ್ಗೆ ಚರ್ಚೆ ಶುರು ಮಾಡಿದ್ದಾರೆ.
ಇದು ಕೋಟಿಗಟ್ಟಲೆ ಬಾಚಿಕೊಂಡ ಆಟಗಾರರಿಗಿಂತ ಇಂದು ಸಾಮಾಜಿಕ ಜಾಲಾತಾಣದಲ್ಲಿ ಚರ್ಚೆಯಾಗುವುದಕ್ಕಿಂತ ಅರ್ಜುನ್ ತೆಂಡೂಲ್ಕರ್ ಅವರನ್ನು ಮುಂಬೈ ತಂಡ ಖರೀದಿಸಿರುವುದೇ ದೊಡ್ಡ ಚರ್ಚೆ ಹುಟ್ಟುಹಾಕಿದೆ. ಇದನ್ನು ಗಮನಿಸಿದರೆ, ಪ್ರಸಿದ್ಧ ಕವಿ ಷೇಕ್ಸ್ಪಿಯರ್ ಹೇಳಿರುವಂತೆ 'ಆ ಹೆಸರಿನಲ್ಲಿ ಏನಿದೇ? ಎಂಬ ವಾಕ್ಯ ನೆನಪಿಗೆ ಬರುತ್ತಿದೆ. ನೀವೊಬ್ಬ ಭಾರತೀಯ ಕ್ರಿಕೆಟ್ ದಂತಕತೆ ಎಂದೇ ಹೆಸರಾದ ಸಚಿನ್ ತೆಂಡೂಲ್ಕರ್ ಅವರ ಮಗನಾಗಿದ್ದರೆ, ಖಂಡಿತ ನೀವು ಏನೇ ಸಾಧನೆ ಮಾಡದಿದ್ದರೂ ಕ್ರಿಕೆಟ್ ಲೋಕದಲ್ಲಿ ಗಮನ ಸೆಳೆಯುವ ಪ್ರವೃತ್ತಿ ಹೊಂದಿರುತ್ತೀರಿ.
ಇದೀಗ ಅರ್ಜುನ್ ಕೂಡ ಅವರಪ್ಪನ ಹಾದಿಯಲ್ಲಿ ನಡೆಯಲು ನಿರ್ಧರಿಸಿದ್ದಾರೆ. ಕ್ರೆಕೆಟ್ ಮೈದಾನಕ್ಕೆ ಕಾಲಿಟ್ಟರೂ ಎಲ್ಲಾ ವಿಭಾಗದಿಂದಲೂ ತೀವ್ರ ಪರಿಶೀಲನೆಗೆ ಒಳಗಾಗುತ್ತಾರೆ. ಅವರ ಪ್ರತಿಯೊಂದು ಪ್ರದರ್ಶನವೂ ಯಾವುದೇ ಸ್ಥಳೀಯ ಮುಂಬೈ ಪಂದ್ಯದಲ್ಲಿ ಆಡುತ್ತಿದ್ದರೆ ಅಥವಾ ಬಿಸಿಸಿಐ ಟ್ರೋಫಿಯಲ್ಲಿ ಆಡಿದರೆ ಈತನ ಪ್ರದರ್ಶನ ಹೆಡ್ಲೈನ್ ಆಗಿರುತ್ತದೆ. ಅಲ್ಲದೇ ಸಚಿನ್ ಅಭಿಮಾನಿಗಳು ಆಸಕ್ತಿಯನ್ನು ಕೂಡ ಹೆಚ್ಚಾಗಿಸುತ್ತದೆ, ಜೊತೆಗೆ ಟೀಕೆಗೂ ಗುರಿಯಾಗುವ ಹಾಗೆ ಮಾಡುತ್ತಿದೆ. ಅರ್ಜುನ್ ಮೇಲೆ ಸಾಕಷ್ಟು ನಿರೀಕ್ಷೆ ಮತ್ತು ಟೀಕೆ ವ್ಯಕ್ತವಾಗುವುದಕ್ಕೆ ಕಾರಣ ಆತನ ಹೆಸರ ಮುಂದೆ ಬಳುವಳಿಯಾಗಿ ಬಂದಿರುವ ತೆಂಡೂಲ್ಕರ್ ಎಂಬ ಉಪನಾಮ ಎಂದರೆ ತಪ್ಪಾಗಲಾರದು.
ಕ್ರಿಕೆಟ್ ಜಗತ್ತಿನಲ್ಲಿ ಲೆಜೆಂಡರಿ ಕ್ರಿಕೆಟಿಗರ ಮಕ್ಕಳು ಅತಿಯಾದ ನಿರೀಕ್ಷೆ ಮತ್ತು ಕಟುವಾದ ಟೀಕೆಗೆ ಗುರಿಯಾಗುತ್ತಿರುವುದು ಇದೇ ಮೊದಲೇನಲ್ಲ. ಸುನಿಲ್ ಗವಾಸ್ಕರ್ ಮಗ ರೋಹನ್ ಗವಾಸ್ಕರ್ ಮತ್ತು ರೋಜರ್ ಬಿನ್ನಿ ಅವರ ಮಗ ಸ್ಟುವರ್ಟ್ ಬಿನ್ನಿ ಕೂಡ ಇದೇ ತೆರನಾದ ಪರಿಸ್ಥಿತಿಯನ್ನು ಎದುರಿಸಿದ್ದರು. ಅವರು ದೇಶೀಯ ಕ್ರಿಕೆಟ್ ಸರಣಿ ಮೂಲಕ ಭಾರತ ತಂಡಕ್ಕೆ ಸೇರ್ಪಡೆಯಾದರು. ಆದರೆ ಅವರಿಬ್ಬರಿಗೂ ತಮ್ಮ ತಂದೆಯಂತೆ ಅಂತಾರಾಷ್ಟ್ರೀಯ ಮಟ್ಟವನ್ನು ತಲುಪಲು ಸಾಧ್ಯವಾಗಲಿಲ್ಲ.
ಅರ್ಜುನ್ ತೆಂಡೂಲ್ಕರ್ ಒಬ್ಬ ಉದಯೋನ್ಮುಖ ಆಲ್ರೌಂಡರ್, ಆತ ಭಾರತ ತಂಡದ ಯಾವುದೇ ವಿಭಾಗದಲ್ಲಿ ಇನ್ನೂ ಆಡಿಲ್ಲ. ಮುಂಬೈ ಪರ ಇನ್ನೂ ರಣಜಿ ಕ್ರಿಕೆಟ್ ತಂಡದಲ್ಲೂ ಆಡಿಲ್ಲ. ಆದರೂ ಆತನ ಹೆಸರು ಈಗಾಗಲೆ ಪ್ರಚಲಿತದಲ್ಲಿದೆ.
ಇದೀಗ ಅವರು ಐಪಿಎಲ್ನ ಅತ್ಯಂತ ಯಶಸ್ವಿ ತಂಡವಾದ ಮುಂಬೈ ಇಂಡಿಯನ್ಸ್ ಪರ ಆಡಲಿದ್ದಾರೆ. ಯಾವುದೇ ಟ್ರ್ಯಾಕ್ ರೆಕಾರ್ಡ್ ಇಲ್ಲದ ಆಟಗಾರ ಚಾಂಪಿಯನ್ ತಂಡಕ್ಕೆ ಸೇರ್ಪಡೆಗೊಂಡಿರುವುದು ಎಲ್ಲರ ಹುಬ್ಬೇರುವಂತೆ ಮಾಡಿದೆ. ಇದೇ ವಿಚಾರಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ಕ್ರಿಕೆಟ್ಗೂ ನೆಪೋಟಿಸಮ್ ಕಾಲಿಟ್ಟಿದೆ ಎಂಬ ಆರೋಪ ಕೇಳಿಬರುತ್ತಿದೆ.
ಆದರೆ, 40 ಲಕ್ಷದ ಆಸ್ಟ್ರೇಲಿಯನ್ ಆಲ್ರೌಂಡರ್ ರಿಲೆ ಮೆರಿಡಿಟ್ 8 ಕೋಟಿ ರೂ ಪಡೆದಿದ್ದಾರೆ, ಇದಕ್ಕೆ ವಾಯ್ಸ್ ಆಫ್ ಕ್ರಿಕೆಟ್ ಎಂದೇ ಹೆಸರಾಗಿರುವ ಹರ್ಷಬೋಗ್ಲೆ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. ಆಸ್ಟ್ರೇಲಿಯಾ ಪರ ಇನ್ನು ಪದಾರ್ಪಣೆ ಮಾಡದಿರುವ ಆಟಗಾರನಿಗೆ 8 ಕೋಟಿ ರೂ ನೀಡಿರುವುದನ್ನೇ ಹೆಚ್ಚು ಎಂದು ಹರ್ಷ ಅವರು ಹೇಳಿದರೆ ಮುಂಬೈ ಇಂಡಿಯನ್ಸ್ ತಂಡ ಅರ್ಜುನ್ ತೆಂಡೂಲ್ಕರ್ರನ್ನು ಖರೀದಿಸಿರುವುದಕ್ಕೆ ಯಾವ ರೀತಿ ಆಲೋಚಿಸಬಹುದು ಎಂದು ಕೆಲವು ತಜ್ಞರ ಅಭಿಪ್ರಾಯವಾಗಿದೆ.
ಇದು ಅರ್ಜುನ್ ಮೇಲೆ ಅನಗತ್ಯ ಒತ್ತಡವನ್ನು ಸೃಷ್ಟಿಸುತ್ತಿಲ್ಲವೇ?
ಉನ್ನತ ಮಟ್ಟದ ಕ್ರಿಕೆಟ್ನಲ್ಲಿ ತಂದೆ ಮತ್ತು ಮಗ ಯಶಸ್ವಿಯಾಗಿರುವ ಸಾಕಷ್ಟು ಉದಾಹರಣೆಗಳಿವೆ. ಲಾಲಾ ಅಮರ್ನಾಥ್ ಮತ್ತು ಮೋಹಿಂದರ್ ಅಮರ್ನಾಥ್, ಇಫ್ತಿಕರ್ ಅಲಿ ಖಾನ್ ಪಟೌಡಿ ಮತ್ತು ಮನ್ಸೂರ್ ಅಲಿ ಖಾನ್ ಪಟೌಡಿ ಹಾಗೂ ಜಫ್ ಮಾರ್ಶ್ ಮತ್ತು ಶಾನ್ ಮಾರ್ಶ್ ಹಾಗೂ ಮಿಚೆಲ್ ಮಾರ್ಶ್ ರಂತಹ ಕೆಲವು ಅಪ್ಪ-ಮಗ ಜೋಡಿಗಳು ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅದ್ಭುತ ಪ್ರದರ್ಶನ ತೋರಿ ತಮ್ಮ ಗೌರವಕ್ಕೆ ನ್ಯಾಯ ಒದಗಿಸಿಕೊಟ್ಟಿದ್ದಾರೆ.
ಆದರೆ, ಲೆಜೆಂಡರಿ ಕ್ರಿಕೆಟರ್ಗಳ ಮಕ್ಕಳು ಕಠಿಣ ಪ್ರಕ್ರಿಯೆಗಳ ಮೂಲಕ ಬೆಳೆಯಬೇಕಿದೆ. ಆದರೆ ಅವರ ತಂದೆ ಕ್ರಿಕೆಟ್ನಲ್ಲಿ ಹೆಸರುವಾಸಿಯಾಗಿರುವುದೇ ಕೆಲವರಿಗೆ ಕ್ರಿಕೆಟ್ನಲ್ಲಿ ಯಶಸ್ಸು ಸಿಕ್ಕಿಲ್ಲ. ಇದೀಹ ಸಚಿನ್ ಮಗನ ಪಾಡು ಅದೇ ಆಗುತ್ತಿದೆ.
ಆದರೆ, ಮುಂಬೈ ಇಂಡಿಯನ್ಸ್ ಡೈರೆಕ್ಟರ್ ಜಹೀರ್ ಖಾನ್ ಮತ್ತು ಕೋಚ್ ಜಯವರ್ಧನೆ ಕೆಲವು ವರ್ಷಗಳಿಂದ ಅರ್ಜುನ್ ಮೇಲೆ ಗಮನ ಹರಿಸುತ್ತಿದ್ದಾರೆ. ಅಲ್ಲದೆ ಅರ್ಜುನ್ ಕೂಡ ಹಲವು ಆವೃತ್ತಿಗಳಿಂದ ಮುಂಬೈ ಇಂಡಿಯನ್ಸ್ ತಂಡದ ನೆಟ್ಬೌಲರ್ ಆಗಿದ್ದಾರೆ. ಇದೇ ಕಾರಣಕ್ಕೆ ಅವರನ್ನು ಈ ಬಾರಿ ಹರಾಜಿನಲ್ಲಿ ಖರೀದಿಸಲಾಗಿದೆ ಎಂದು ಜಹೀರ್ ಮತ್ತು ಜಯವರ್ದನೆ ತಿಳಿಸಿದ್ದಾರೆ. ಆದರೆ ನೆಟಿಜನ್ ಕೇಳುತ್ತಿರುವ ಪ್ರಶ್ನೆಯೇನೆಂದರೆ ಇದೇ ಅರ್ಜುನ್, ಸಚಿನ್ ಅವರ ಮಗನಲ್ಲದೆ, ಬೇರೆ ಸಾಮಾನ್ಯ ಯುವಕರಾಗಿದ್ದರೆ ತಂಡಕ್ಕೆ ಆಯ್ಕೆ ಮಾಡುತ್ತಿದ್ದರೆ ಅಥವಾ ನೆಟ್ ಬೌಲರ್ ಆಗಿ ಆಯ್ಕೆ ಮಾಡುತ್ತಿದ್ದರೆ ? ಎಂಬುದಾಗಿದೆ.
