ಲಂಡನ್: ಪ್ರತಿಷ್ಟಿತ ಆ್ಯಶಸ್ ಸರಣಿಯಲ್ಲಿ ಇಂಗ್ಲೆಂಡ್ನ ಕ್ರಿಸ್ ವೋಕ್ಸ್ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಬರೋಬ್ಬರಿ 867 ಓವರ್ಗಳ ನಂತರ ಮೊದಲ ನೋಬಾಲ್ ಎಸೆದಿದ್ದಾರೆ!
ಮೊದಲ ನೋಬಾಲ್ನಲ್ಲೆ ವಿಕೆಟ್!
ದುರಾದೃಷ್ಟ ಅಂದರೆ, ಇದೇ ಇರಬೇಕು! ವೃತ್ತಿ ಜೀವನದಲ್ಲಿ ಒಮ್ಮೆಯೂ ಗೆರೆದಾಟದ ವೋಕ್ಸ್ ಆ್ಯಶಸ್ ಸರಣಿಯ 5ನೇ ಟೆಸ್ಟ್ನ ಕೊನೆಯ ಇನ್ನಿಂಗ್ಸ್ನಲ್ಲಿ ಕ್ರೀಸ್ ಗೆರೆದಾಟಿ ಬೌಲಿಂಗ್ ಮಾಡಿದ್ದರು. ಆ ಎಸೆತದಲ್ಲಿ ಎದುರಾಳಿ ತಂಡದ ಬ್ಯಾಟ್ಸ್ಮನ್ ಮಿಚೆಲ್ ಮಾರ್ಷ್ ಕ್ಯಾಚ್ ಔಟ್ ಆಗಿದ್ದರು. ಇನ್ನೇನು ಗೆಲುವಿನ ಸನಿಹದಲ್ಲಿದ್ದ ಇಂಗ್ಲೆಂಡ್ ಉತ್ತಮ ಜೊತೆಯಾಟ ಮುರಿದ ಖುಷಿಯಲ್ಲಿದ್ದರು. ಆದ್ರೆ, ಟಿವಿ ಅಂಪೈರ್ ಆ ಎಸೆತವನ್ನು ನೋಬಾಲ್ ಎಂದು ಘೋಷಿಸಿದ್ರು. ಇದು ವೋಕ್ಸ್‌ಗೆ ನಿರಾಶೆ ತಂದಿದೆ.
ಆದರೂ ಸ್ಟುವರ್ಟ್ ಬ್ರಾಡ್ ಹಾಗೂ ಜಾಕ್ ಲೀಚ್ ತಲಾ 4 ವಿಕೆಟ್ ಪಡೆದು ಇಂಗ್ಲೆಂಡ್ಗೆ 135 ರನ್ಗಳ ಗೆಲುವು ತಂದುಕೊಟ್ಟರು. ಅಲ್ಲದೆ ಸರಣಿಯನ್ನು 2-2 ರಲ್ಲಿ ಸಮಬಲ ಸಾಧಿಸಲು ನೆರವಾದರು.
