ಗ್ರೀನ್​ ಪಾರ್ಕ್​​ಗೆ ಲಗ್ಗೆ ಹಾಕಿದ ಕೋಚ್​​, ಕ್ಯಾಪ್ಟನ್: ಕ್ಯುರೇಟರ್​ ಜೊತೆ ದ್ರಾವಿಡ್​, ರಹಾನೆ ಮಾತು

ನ್ಯೂಜಿಲ್ಯಾಂಡ್​ ವಿರುದ್ಧ ಟೀಂ ಇಂಡಿಯಾ (Team India Test) ಟೆಸ್ಟ್​ ಸರಣಿಯಲ್ಲಿ ಭಾಗಿಯಾಗಲಿದ್ದು, ನವೆಂಬರ್​ 25ರಿಂದ ಕಾನ್ಪುರ್​ ಗ್ರೀನ್​ ಪಾರ್ಕ್​​​ನಲ್ಲಿ ಮೊದಲ ಟೆಸ್ಟ್​​ ಪಂದ್ಯ ಆರಂಭಗೊಳ್ಳಲಿದೆ.

ಕಾನ್ಪುರ: ಪ್ರವಾಸಿ ನ್ಯೂಜಿಲ್ಯಾಂಡ್ ​​(New zealand vs India) ವಿರುದ್ಧದ ಮೂರು ಪಂದ್ಯಗಳ ಟಿ20 ಕ್ರಿಕೆಟ್​ ಸರಣಿ ವೈಟ್​ವಾಶ್​ ಮಾಡಿರುವ ಟೀಂ ಇಂಡಿಯಾ, ಇದೀಗ ಮತ್ತೊಂದು ಚಾಲೆಂಜ್​ಗೆ ಅಣಿಯಾಗಲಿದೆ. ಅದಕ್ಕಾಗಿ ಉತ್ತರ ಪ್ರದೇಶದ ಕಾನ್ಪುರ್​ ತಲುಪಿದೆ.

ಅಜಿಂಕ್ಯಾ ರಹಾನೆ (Ajinkya Rahane) ನೇತೃತ್ವದ ಟೀಂ ಇಂಡಿಯಾ (Team India) ನವೆಂಬರ್​​ 25ರಿಂದ ನ್ಯೂಜಿಲ್ಯಾಂಡ್ (New Zealand)​ ವಿರುದ್ಧದ ಮೊದಲ ಟೆಸ್ಟ್​​ ಪಂದ್ಯದಲ್ಲಿ ಭಾಗಿಯಾಗಲಿದ್ದು, ಅದಕ್ಕಾಗಿ ಉಭಯ ತಂಡಗಳು ಈಗಾಗಲೇ ಗ್ರೀನ್​ ಪಾರ್ಕ್ ತಲುಪಿವೆ. ಕೋವಿಡ್​ನಿಂದಾಗಿ ಬಯೋಬಬಲ್​ನಲ್ಲಿರುವ ಟೀಂ ಇಂಡಿಯಾ ನಾಳೆಯಿಂದ ಅಭ್ಯಾಸ ಶುರು ಮಾಡುವ ಸಾಧ್ಯತೆ ಇದೆ. ಇದರ ಬೆನ್ನಲ್ಲೇ ಕೋಚ್​ ದ್ರಾವಿಡ್ ಹಾಗೂ ಕ್ಯಾಪ್ಟನ್ ರಹಾನೆ ಬಯೋ ಬಬಲ್​ ಬ್ರೇಕ್​ ಮಾಡಿ ಮೈದಾನಕ್ಕೆ ಲಗ್ಗೆ ಹಾಕಿದ್ದು, ಕ್ಯುರೇಟರ್​ ಜೊತೆ ಕೆಲಹೊತ್ತು ಮಾತುಕತೆ ನಡೆಸಿದರು

• Indian and New Zealand cricket teams reach Kanpur ahead of their first test match that will be played at Green Park International stadium between Nov 25 and Nov 29 pic.twitter.com/oli27Kv8P8

  — ANI UP (@ANINewsUP) November 22, 2021 " class="align-text-top noRightClick twitterSection" data="

  Indian and New Zealand cricket teams reach Kanpur ahead of their first test match that will be played at Green Park International stadium between Nov 25 and Nov 29 pic.twitter.com/oli27Kv8P8

  — ANI UP (@ANINewsUP) November 22, 2021

  ">

  Indian and New Zealand cricket teams reach Kanpur ahead of their first test match that will be played at Green Park International stadium between Nov 25 and Nov 29 pic.twitter.com/oli27Kv8P8

  — ANI UP (@ANINewsUP) November 22, 2021

ಟೀಂ ಇಂಡಿಯಾ ಅಭ್ಯಾಸ ನಡೆಸುವ ಪಿಚ್​​ ಬಗ್ಗೆ ಅತೃಪ್ತಿ ಹೊಂದಿರುವ ಕಾರಣ ಮೈದಾನಕ್ಕೆ ಲಗ್ಗೆ ಹಾಕಿ ಅಲ್ಲಿನ ಪಿಚ್​ ಬಗ್ಗೆ ಮಾಹಿತಿ ಪಡೆದುಕೊಂಡಿರುವ ಜೊತೆಗೆ ಕ್ಯುರೇಟರ್​ ಜೊತೆ ಮಾತನಾಡಿದ್ದಾರೆ ಎನ್ನಲಾಗಿದೆ. ​​

ಬಯೋ ಬಬಲ್ ​(Bio bubble) ಬ್ರೇಕ್ ಮಾಡದಂತೆ ಬಿಸಿಸಿಐ ಈಗಾಗಲೇ ಕಟ್ಟುನಿಟ್ಟಿನ ಸೂಚನೆ ಹೊರಡಿಸಿದೆ. ಆದರೆ ನಾಯಕ ಅಜಿಂಕ್ಯಾ ರಹಾನೆ ಹಾಗೂ ಕೋಚ್​ ರಾಹುಲ್​ ದ್ರಾವಿಡ್​ ಈ ರೂಲ್ಸ್​ ನಿರ್ಲಕ್ಷ್ಯ ಮಾಡಿದ್ದಾರೆಂಬ ಮಾತು ಕೇಳಿ ಬರಲು ಶುರುವಾಗಿದೆ. ಈ ಹಿಂದೆ ಭಾರತದಲ್ಲಿ ಐಪಿಎಲ್​ ನಡೆದಿದ್ದಾಗ ಕೋಲ್ಕತ್ತಾ ನೈಟ್​ ರೈಡರ್ಸ್​​ನ ಕೆಲ ಪ್ಲೇಯರ್ಸ್​ ಬಯೋ ಬಬಲ್​ ಬ್ರೇಕ್ ಮಾಡಿದ್ದರು. ಹೀಗಾಗಿ ಆ ತಂಡದ ಕೆಲವರಲ್ಲಿ ಕೊರೊನಾ ಕಾಣಿಸಿಕೊಂಡಿತ್ತು. ಹೀಗಾಗಿ ಬಿಸಿಸಿಐ ಅವರಿಗೆ ದಂಡ ಸಹ ವಿಧಿಸಿತ್ತು.

ಟೆಸ್ಟ್​​ ಪಂದ್ಯವನ್ನಾಡಲು ಕಾನ್ಪುರ್ ಹೋಟೆಲ್​​ನಲ್ಲಿರುವ ರಹಾನೆ ಈಗಾಗಲೇ ಐಸೋಲೇಷನ್​​ಗೆ ಒಳಗಾಗಿದ್ದಾರೆ. ಆದರೆ ಟಿ20 ಸರಣಿ ಮುಗಿಸಿಕೊಂಡು ಕೋಲ್ಕತ್ತಾದಿಂದ ಕಾನ್ಪುರ್ ತಲುಪಿರುವ ದ್ರಾವಿಡ್​ ಹೋಟೆಲ್​ನಲ್ಲಿದ್ದ ರಹಾನೆ ಜೊತೆ ಸೇರಿ ನೇರವಾಗಿ ಗ್ರೀನ್ ಪಾರ್ಕ್​ಗೆ ತೆರಳಿ, ಅದರ ವೀಕ್ಷಣೆ ಮಾಡಿದ್ದಾರೆ. ಜೊತೆಗೆ ಕ್ಯುರೇಟರ್ ಜೊತೆ ಮಾತನಾಡಿದ್ದಾರೆ.