ನ್ಯೂಜಿಲೆಂಡ್ ಎ ವಿರುದ್ಧದ ಕ್ರಿಕೆಟ್ ಸರಣಿಗೆ ಭಾರತ ಎ ಪ್ರಕಟ: ಪ್ರಿಯಾಂಕ್ ಪಾಂಚಾಲ್ ಕ್ಯಾಪ್ಟನ್‌

ನ್ಯೂಜಿಲೆಂಡ್ ಎ ವಿರುದ್ಧ ನಡೆಯುವ ಕ್ರಿಕೆಟ್‌ ಸರಣಿಗೆ ಬಿಸಿಸಿಐ ಭಾರತ ಎ ತಂಡವನ್ನು ಪ್ರಕಟಿಸಿದೆ. ಪ್ರಿಯಾಂಕ್ ಪಾಂಚಾಲ್ ತಂಡ ಮುನ್ನಡೆಸುವರು.

ಮುಂಬೈ: ಮುಂದಿನ ತಿಂಗಳು ಆರಂಭವಾಗಲಿರುವ ನ್ಯೂಜಿಲೆಂಡ್ ಎ ವಿರುದ್ಧದ ನಾಲ್ಕು ದಿನಗಳ ಟೆಸ್ಟ್​ ಸರಣಿಗೆ ಭಾರತ ಎ ತಂಡವನ್ನು ಪ್ರಕಟಿಸಲಾಗಿದೆ. ಭಾರತ ಎ ವಿರುದ್ಧ ಪ್ರವಾಸಿ ನ್ಯೂಜಿಲೆಂಡ್ ಎ ಟೀಂ ನಾಲ್ಕು ದಿನಗಳ ಮೂರು ಟೆಸ್ಟ್ ಪಂದ್ಯ ಆಡಲಿದೆ. ಟೆಸ್ಟ್​ ಸರಣಿ ಮುಗಿದ ಬಳಿಕ ಏಕದಿನ ಪಂದ್ಯಗಳಲ್ಲಿಯೂ ಉಭಯ ತಂಡಗಳು ಮುಖಾಮುಖಿಯಾಗಲಿವೆ.

ಟೆಸ್ಟ್​ ಸರಣಿ ಬೆಂಗಳೂರು ಮತ್ತು ಹುಬ್ಬಳ್ಳಿಯಲ್ಲಿ ನಿಗದಿಯಾಗಿದೆ. ಚೆನ್ನೈನಲ್ಲಿ ಏಕದಿನ ಪಂದ್ಯಗಳು ನಡೆಯಲಿವೆ. ವೇಳಾಪಟ್ಟಿಯನ್ನು ಮುಂದಿನ ದಿನಗಳಲ್ಲಿ ಪ್ರಕಟಿಸುವುದಾಗಿ ಬಿಸಿಸಿಐ ಹೇಳಿದೆ. ಪ್ರಿಯಾಂಕ್ ಪಾಂಚಾಲ್ ಭಾರತ ತಂಡ ಮುನ್ನಡೆಸಲಿದ್ದಾರೆ. ರಣಜಿ ಟ್ರೋಫಿ ಸೆನ್ಸೇಷನ್​ಗಳಾದ ರುತುರಾಜ್ ಗಾಯಕ್ವಾಡ್ ಮತ್ತು ಸರ್ಫರಾಜ್ ಖಾನ್ ಕೂಡ ತಂಡದಲ್ಲಿ ತಮ್ಮ ಸ್ಥಾನಗಳನ್ನು ಕಾಯ್ದಿರಿಸಿದ್ದಾರೆ.

ಗುರುವಾರ ನ್ಯೂಜಿಲೆಂಡ್ ಕ್ರಿಕೆಟ್ ಮಂಡಳಿಯು ಭಾರತ ಪ್ರವಾಸಕ್ಕೆ ಎ ತಂಡ ಪ್ರಕಟಿಸಿತ್ತು. ಅಂತಾರಾಷ್ಟ್ರೀಯ ಅನುಭವ ಹೊಂದಿರುವ 7 ಮತ್ತು 5 ಯುವ ಆಟಗಾರರನ್ನು ಒಳಗೊಂಡ ತಂಡವನ್ನು ಸಜ್ಜುಗೊಳಿಸಲಾಗಿದೆ. ಸೆಪ್ಟೆಂಬರ್​​ನಲ್ಲಿ ಟೆಸ್ಟ್​ ಮತ್ತು ಏಕದಿನ ಸರಣಿ ನಡೆಯಲಿದ್ದು ಪ್ರವಾಸಿ ನ್ಯೂಜಿಲೆಂಡ್ ತಂಡ ಈಗಿನಿಂದಲೇ ಭರ್ಜರಿ ತಯಾರಿ ನಡೆಸುತ್ತಿದೆ.

• NEWS - India A squad for four-day matches against New Zealand A announced.@PKpanchal9 to lead the team for the same.
  
  Full squad details here 👇https://t.co/myxdzItG9o

  — BCCI (@BCCI) August 24, 2022 " class="align-text-top noRightClick twitterSection" data="

  NEWS - India A squad for four-day matches against New Zealand A announced.@PKpanchal9 to lead the team for the same.
  
  Full squad details here 👇https://t.co/myxdzItG9o

  — BCCI (@BCCI) August 24, 2022

  ">

  NEWS - India A squad for four-day matches against New Zealand A announced.@PKpanchal9 to lead the team for the same.
  
  Full squad details here 👇https://t.co/myxdzItG9o

  — BCCI (@BCCI) August 24, 2022

ಭಾರತ ಎ ತಂಡ: ಪ್ರಿಯಾಂಕ್ ಪಾಂಚಾಲ್ (ನಾಯಕ), ಅಭಿಮನ್ಯು ಈಶ್ವರನ್, ರುತುರಾಜ್ ಗಾಯಕ್ವಾಡ್, ರಜತ್ ಪಾಟಿದಾರ್, ಸರ್ಫರಾಜ್ ಖಾನ್, ತಿಲಕ್ ವರ್ಮಾ, ಕೆಎಸ್ ಭರತ್ (ವಿಕೆಟ್​ ಕೀಪರ್​), ಉಪೇಂದ್ರ ಯಾದವ್ (ವಿಕೆಟ್​ ಕೀಪರ್), ಕುಲದೀಪ್ ಯಾದವ್, ಸೌರಭ್ ಕುಮಾರ್, ರಾಹುಲ್ ಚಹಾರ್, ಪ್ರಸಿದ್ಧ್ ಕೃಷ್ಣ, ಉಮ್ರಾನ್ ಮಲಿಕ್, ಮುಖೇಶ್ ಕುಮಾರ್, ಯಶ್ ದಯಾಳ್ ಮತ್ತು ಅರ್ಜಾನ್ ನಾಗ್ವಾಸ್ವಾಲ್ಲಾ.

ನ್ಯೂಜಿಲೆಂಡ್ ಎ ತಂಡ: ಟಾಮ್ ಬ್ರೂಸ್ (ನಾಯಕ), ರಾಬಿ ಒ'ಡೊನೆಲ್ (ನಾಯಕ), ಚಾಡ್ ಬೋವ್ಸ್, ಜೋ ಕಾರ್ಟರ್, ಮಾರ್ಕ್ ಚಾಪ್ಮನ್, ಡೇನ್ ಕ್ಲೀವರ್ (ವಿಕೆಟ್​ ಕೀಪರ್), ಜಾಕೋಬ್ ಡಫಿ, ಮ್ಯಾಟ್ ಫಿಶರ್, ಕ್ಯಾಮರೂನ್ ಫ್ಲೆಚರ್ (ವಿಕೆಟ್​ ಕೀಪರ್), ಬೆನ್ ಲಿಸ್ಟರ್, ರಾಚಿನ್ ರವೀಂದ್ರ, ಮೈಕೆಲ್ ರಿಪ್ಪನ್, ಸೀನ್ ಸೋಲಿಯಾ, ಲೋಗನ್ ವ್ಯಾನ್ ಬೀಕ್ ಮತ್ತು ಜೋ ವಾಕರ್.

ಇದನ್ನೂ ಓದಿ: ಏಷ್ಯಾ ಕಪ್​: ಗತವೈಭವ ಮೆರೆಯಲಿದ್ದಾರಾ ವಿರಾಟ್​, ಬಾಬರ್​ ಆಜಂ ಮೇಲೆ ಎಲ್ಲರ ಚಿತ್ತ