ICC women's t20 .. 6ನೇ ಬಾರಿ ವಿಶ್ವಕಪ್​ ಕಿರೀಟ ಮುಡಿಗೇರಿಸಿಕೊಂಡ ಆಸೀಸ್​ ಟೀಂ

6ನೇ ಬಾರಿ ವಿಶ್ವ ಚಾಂಪಿಯನ್​ ಪಟ್ಟಕ್ಕೇರಿದ ಆಸ್ಟ್ರೇಲಿಯಾ - ಅತಿಥೇಯ ದಕ್ಷಿಣ ಆಫ್ರಿಕಾಕ್ಕೆ ಸೋಲು

ಕೇಪ್​ ಟೌನ್​: ನ್ಯೂಲ್ಯಾಂಡ್ಸ್​ ಮೈದಾನದಲ್ಲಿ ನಡೆದ ಐಸಿಸಿ ಮಹಿಳಾ ಟಿ20 ವಿಶ್ವಕಪ್​ನ ಫೈನಲ್​ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಆಸ್ಟ್ರೇಲಿಯಾ ತಂಡವು 19ರನ್​ಗಳಿಂದ ಜಯ ಗಳಿಸುವ ಮೂಲಕ ವಿಶ್ವಕಪ್​ನಲ್ಲಿ 6ನೇ ಬಾರಿ ವಿಶ್ವ ಚಾಂಪಿಯನ್​ ಆಗಿ ಹೊರಹೊಮ್ಮಿದೆ.

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಮಾಡಿದ ಆಸ್ಟ್ರೇಲಿಯಾ ತಂಡ 20 ಓವರ್​ಗಳಲ್ಲಿ 6 ವಿಕೆಟ್​ ನಷ್ಟಕ್ಕೆ 156 ರನ್​ ಗಳಿಸಿತು. ಆಸ್ಟ್ರೇಲಿಯಾ ಪರ ಬೆಥ್​ ಮೂನಿ ಅವರು 53 ಎಸೆತಗಳಲ್ಲಿ 74 ರನ್​ ಗಳಿಸಿ ಆಸ್ಟ್ರೇಲಿಯಾದ ತಂಡದ ಪರ ಗರಿಷ್ಠ ಸ್ಕೋರ್​ ಕಲೆ ಹಾಕಿದರು. ಗುರಿ ಬೆನ್ನತ್ತಿದ ದಕ್ಷಿಣ ಆಫ್ರಿಕಾ ತಂಡವು 20 ಓವರ್​ಗಳಲ್ಲಿ 9 ವಿಕೆಟ್​ ನಷ್ಟಕ್ಕೆ 137 ರನ್​ ಗಳಿಸಿ, ಸೋಲೊಪ್ಪಿಕೊಂಡಿತು.

157ರನ್​ ಗಳ ಗುರಿ ಬೆನ್ನತ್ತಿದ್ದ ಅತಿಥೇಯ ದಕ್ಷಿಣ ಆಫ್ರಿಕಾಕ್ಕೆ ಉತ್ತಮ ಆರಂಭ ದೊರೆಯಲಿಲ್ಲ ನಾಲ್ಕನೇ ಓವರ್​ನಲ್ಲಿ ಆರಂಭಿಕ ಆಟಗಾರ್ತಿ ತಸ್ಮಿನ್​ ಬ್ರಿಟ್ಸ್​ (10) ಅವರನ್ನು ಕಳೆದುಕೊಂಡಿತು. ನಂತರ ಮರಿಸಾನೆ ಮತ್ತು ಲಾರಾ ವಿಕೆಟ್​ ಉಳಿಸಿಕೊಳ್ಳುವ ಪ್ರಯತ್ನದಲ್ಲಿ ನಿಧಾನ ಗತಿಯಲ್ಲಿ ಆಡಿದರು. 10 ಓವರ್​ ಮುಕ್ತಾಯಕ್ಕೆ ದಕ್ಷಿಣ ಆಫ್ರಿಕಾ ಮೂರು ವಿಕೆಟ್​ ನಷ್ಟಕ್ಕೆ 54 ರನ್​ ಗಳಿಸಿತು.

• The ICC Women's #T20WorldCup 2023 Champions 🏆#AUSvSA #TurnItUp pic.twitter.com/VA40x0VCdl

  — T20 World Cup (@T20WorldCup) February 26, 2023 " class="align-text-top noRightClick twitterSection" data="

  The ICC Women's #T20WorldCup 2023 Champions 🏆#AUSvSA #TurnItUp pic.twitter.com/VA40x0VCdl

  — T20 World Cup (@T20WorldCup) February 26, 2023

  ">

  The ICC Women's #T20WorldCup 2023 Champions 🏆#AUSvSA #TurnItUp pic.twitter.com/VA40x0VCdl

  — T20 World Cup (@T20WorldCup) February 26, 2023

ನಂತರ ಕ್ರೀಸ್​ಗೆ ಬಂದ ಕ್ಲೋಯ್​ ಟ್ರೇಯನ್​ ಉತ್ತಮ ಬ್ಯಾಟಿಂಗ್​ ಮಾಡುತ್ತಿದ್ದ ಲಾರಾ ವೊಲ್ವಾರ್ಟ್​ಗೆ ಬೆಂಬಲ ನೀಡಿದರು. ದಕ್ಷಿಣ ಆಫ್ರಿಕಾ ತಂಡವು 15ನೇ ಓವರ್​ ಮುಕ್ತಾಯಕ್ಕೆ 100ರನ್​ಗಳಿಸಿತು. ನೂರರ ಗಡಿ ದಾಟಿದ ಬೆನ್ನಲ್ಲೇ ಆಟದ ವೇಗವನ್ನು ಹೆಚ್ಚಿಸಲು ಹೋಗಿ ಲಾರಾ ವೋಲ್ವಾರ್ಟ್​ ಅವರು 48 ಎಸತಕ್ಕೆ 61 ರನ್​ ಗಳಿಸಿ ವಿಕೆಟ್​ ಒಪ್ಪಿಸಿದರು. ಬಳಿಕ ಕ್ಲೋಯ್​ ಟ್ರೇಯಾನ್​ ಕೂಡ (25) ಔಟಾಗುವ ಮೂಲಕ ದಕ್ಷಿಣ ಆಫ್ರಿಕಾದ ಸೋಲು ಖಚಿತಪಡಿಸಿತು.

ಆದೇ ಓವರ್​ನಲ್ಲಿ ಅನೆಕೆ ಬಾಷ್​ (1) ರನ್​ ಗಳಿಸಿ ಔಟ್​ ಆದರು. ಕೊನೆಯ ಓವರ್​ನಲ್ಲಿ ದಕ್ಷಿಣ ಆಪ್ರಿಕಾದ ಗೆಲುವಿಗೆ 27 ರನ್​ ಬೇಕಿತ್ತು. ಆದರೆ ಕೊನೆ ಓವರ್​ನಲ್ಲಿ ಕೇವಲ ಎಂಟು ರನ್ ಗಳಿಸಲಷ್ಟೆ ಶಕ್ತವಾಯಿತು. ಆಸ್ಟ್ರೇಲಿಯಾ ಪರ ಮೇಗನ್​ ಶಟ್​, ಆಶ್ಲೇ ಗಾರ್ಡ್ನರ್​, ಡಾರ್ಸಿ ಬ್ರೌನ್​ ಮತ್ತು ಜೆಸ್​ ಜೊನಾಸೆನ್​ ತಲಾ ಒಂದು ವಿಕಟ್​ ಪಡೆದರು.

ಟಾಸ್​ ಗೆದ್ದು ಬ್ಯಾಟಿಂಗ್​ ಮಾಡಿದ ಆಸ್ಟ್ರೇಲಿಯಾಕ್ಕೆ ಆರಂಭಿಕರಾದ ಅಲಿಸ್ಸಾ ಹೀಲಿ ಮತ್ತು ಬೆಥ್​ ಮೂನಿ ಉತ್ತಮ ಆರಂಭ ನೀಡಿದರು, ಆಸಿಸ್​ ಪರ ಮೂನಿ ಅವರನ್ನು ಹೊರತು ಪಡಿಸಿ ಉಳಿದೆಲ್ಲಾ ಆಟಗಾರರು 30ಕ್ಕಿಂತ ಕಡಿಮೆ ರನ್​ ಗಳಿಸಿದರು. ಕೊನೆಯದಾಗಿ 20 ಓವರ್​ಗಳಲ್ಲಿ 6 ವಿಕೆಟ್​ ನಷ್ಟಕ್ಕೆ 156ರನ್​ ಕಲೆ ಹಾಕಿತು.

ಇದನ್ನು ಓದಿ: ಆಸ್ಟ್ರೇಲಿಯಾಗೆ ಆರು, ದಕ್ಷಿಣ ಆಫ್ರಿಕಾಗೆ ಮೊದಲ ಪ್ರಶಸ್ತಿ ಗುರಿ: ಯಾರಾಗ್ತಾರೆ ವಿಶ್ವ ಚಾಂಪಿಯನ್​?