ಪ್ರಕಟಿತ ಪಾಕ್​ ತಂಡದಲ್ಲಿ ಐದು ಬದಲಾವಣೆ.. ಗಾಯಾಳು ಪಾಕಿಸ್ತಾನವನ್ನ ಮಣಿಸುವುದೇ ಸಿಂಹಳೀಯರ ಪಡೆ?

ಭಾರತದ ವಿರುದ್ಧ ಸೋಲು ಕಂಡ ಪಾಕಿಸ್ತಾನ ನಾಳೆ ಶ್ರೀಲಂಕಾದ ವಿರುದ್ಧ ತಂಡದಲ್ಲಿ ಪ್ರಮುಖ ಐದು ಬದಲಾವಣೆಗಳನ್ನು ಮಾಡಿಕೊಂಡು ಮೈದಾನಕ್ಕಿಳಿಯುತ್ತಿದೆ. ಪಾಕ್​ನ ಪ್ರಮುಖ ವೇಗಿಗಳು ಗಾಯಗೊಂಡಿರುವುದನ್ನು ಲಾಭವಾಗಿಸಿಕೊಂಡು ಏಷ್ಯಾಕಪ್​ ಫೈನಲ್​ ಪ್ರವೇಶಿಸಲು ಲಂಕಾ ಲೆಕ್ಕಾಚಾರದಲ್ಲಿದೆ.

ಕೊಲಂಬೊ (ಶ್ರೀಲಂಕಾ): ಏಷ್ಯಾಕಪ್ ಫೈನಲ್‌ನಲ್ಲಿ ಸ್ಥಾನ ಪಡೆಯಲು ಗುರುವಾರ ಇಲ್ಲಿನ ಆರ್​ ಪ್ರೇಮದಾಸ ಕ್ರಿಡಾಂಗಣದಲ್ಲಿ ಶ್ರೀಲಂಕಾ ಮತ್ತು ಪಾಕಿಸ್ತಾನದ ನಡುವೆ ಹಣಾಹಣಿ ನಡೆಯಲಿದೆ. ಎರಡೂ ತಂಡಕ್ಕೆ ಫೈನಲ್​ನಲ್ಲಿ ಸ್ಥಾನ ಪಡೆಯಲು ಈ ಪಂದ್ಯದ ಗೆಲುವು ಅನಿವಾರ್ಯ ಆಗಿರುವುದರಿಂದ ಇದನ್ನು ಸೆಮಿಫೈನಲ್​ ರೀತಿ ನೋಡಲಾಗುತ್ತಿದೆ. ಪಾಕಿಸ್ತಾನ ಗೆದ್ದು ಫೈನಲ್​ಗೆ ಬಂದಲ್ಲಿ ಮತ್ತೆ ಭಾರತದೊಂದಿಗೆ ಸೆಣಸಾಟ ನಡೆಸಬೇಕಿದೆ. ಹೀಗಾಗಿ ಕ್ರಿಕೆಟ್​ ಅಭಿಮಾನಿಗಳ ಕಣ್ಣು ಈ ಪಂದ್ಯದ ಮೇಲೆಯೇ ನೆಟ್ಟಿದೆ.

• India's exciting 41-run win last night propelled them into the Asia Cup 2023 finals. Tomorrow, Pakistan and Sri Lanka will vie for the second spot, determining India's opponent in the championship match! 💪#AsiaCup2023 pic.twitter.com/wuWFNoeRCJ

  — AsianCricketCouncil (@ACCMedia1) September 13, 2023 " class="align-text-top noRightClick twitterSection" data="

  India's exciting 41-run win last night propelled them into the Asia Cup 2023 finals. Tomorrow, Pakistan and Sri Lanka will vie for the second spot, determining India's opponent in the championship match! 💪#AsiaCup2023 pic.twitter.com/wuWFNoeRCJ

  — AsianCricketCouncil (@ACCMedia1) September 13, 2023

  ">

  India's exciting 41-run win last night propelled them into the Asia Cup 2023 finals. Tomorrow, Pakistan and Sri Lanka will vie for the second spot, determining India's opponent in the championship match! 💪#AsiaCup2023 pic.twitter.com/wuWFNoeRCJ

  — AsianCricketCouncil (@ACCMedia1) September 13, 2023

ಪಾಕಿಸ್ತಾನ ತಂಡದಲ್ಲಿ ಗಾಯದಿಂದ ಇಬ್ಬರು ಬೌಲರ್​ಗಳು ಅಲಭ್ಯರಾಗಿದ್ದು, ಆ ಜಾಗದಲ್ಲಿ ಹೊಸಬರನ್ನು ಆಡಿಸುತ್ತಿದ್ದಾರೆ. ಅನುಭವಿ ಸ್ಟಾರ್​ ವೇಗಿಳಗಳ ಕೊರತೆಯನ್ನು ಎದುರಿಸುತ್ತಿರುವ ಪಾಕಿಸ್ತಾನವನ್ನು ಸುಲಭವಾಗಿ ಕಟ್ಟಿಹಾಕುವ ಚಿಂತನೆಯಲ್ಲಿ ಶ್ರೀಲಂಕಾ ಇದೆ. ಆದರೆ, ಪಾಕಿಸ್ತಾನ ಶಾಬಾದ್​ ಖಾನ್​ ಸ್ಪಿನ್​ನಲ್ಲಿ ಮತ್ತು ಶಾಹೀನ್​ ಶಾ ಅಫ್ರಿದಿ ವೇಗದ ಬೌಲಿಂಗ್​​ ವಿಭಾಗದಲ್ಲಿ ತಮ್ಮ ಅನುಭವವನ್ನು ದಾರೆ ಎರೆಯಲಿದ್ದಾರೆ.

ಪಾಕಿಸ್ತಾನ ತಂಡ ಬಾಂಗ್ಲಾವನ್ನು ತವರಿನ ಲಾಹೋರ್​ ಮೈದಾನದಲ್ಲಿ ರೌಫ್​ ಮತ್ತು ನಸೀಮ್​ ಶಾ ಅವರ ಬೌಲಿಂಗ್​ನ ಸಹಾಯದಿಂದ 193ಕ್ಕೆ ಆಲ್​ಔಟ್​ ಮಾಡಿ, ಸುಲಭವಾಗಿ ಜಯಿಸಿತ್ತು. ಆದರೆ, ಭಾರತದ ವಿರುದ್ಧ ನಡೆದ ಪಂದ್ಯದಲ್ಲಿ 357 ರನ್​ ಬೃಹತ್​ ಗುರಿಯನ್ನು ಬೆನ್ನಟ್ಟಿದ ಪಾಕಿಸ್ತಾನ 128ಕ್ಕೆ ಆಲ್​ಔಟ್​ ಆಗಿ 228 ರನ್​ ಬೃಹತ್​ ಅಂತರದ ಸೋಲು ಕಂಡಿತ್ತು.

• Our playing XI for the #PAKvSL match 🇵🇰#AsiaCup2023 pic.twitter.com/lhT5Vl8RtX

  — Pakistan Cricket (@TheRealPCB) September 13, 2023 " class="align-text-top noRightClick twitterSection" data="

Our playing XI for the #PAKvSL match 🇵🇰#AsiaCup2023 pic.twitter.com/lhT5Vl8RtX

— Pakistan Cricket (@TheRealPCB) September 13, 2023 ">

Our playing XI for the #PAKvSL match 🇵🇰#AsiaCup2023 pic.twitter.com/lhT5Vl8RtX

— Pakistan Cricket (@TheRealPCB) September 13, 2023

ಇತ್ತ ಶ್ರೀಲಂಕಾ ಸಹ ಬಾಂಗ್ಲಾದೇಶವನ್ನು 21 ರನ್​ನಿಂದ ಗೆದ್ದುಕೊಂಡಿತ್ತು. ನಿನ್ನೆ (ಮಂಗಳವಾರ)ಲಂಕಾ ತನ್ನ ಪ್ರಬಲ ಸ್ಪಿನ್​​ ದಾಳಿಯಿಂದ ಭಾರತವನ್ನು 213ಕ್ಕೆ ಆಲ್​ಔಟ್​ ಮಾಡಿ ಸಾಧಾರಣ ಗುರಿಯನ್ನು ಪಡೆದುಕೊಂಡಿತ್ತು. ಈ ಗುರಿಯನ್ನು ಬೆನ್ನು ಹತ್ತಿದ ಶ್ರೀಲಂಕಾ 172ಕ್ಕೆ ಸರ್ವಪತನ ಕಂಡು 41 ರನ್​ನಿಂದ ಸೋಲು ಕಂಡಿತ್ತು. ಹೀಗಾಗಿ ಪಾಕಿಸ್ತಾನ ಮತ್ತು ಶ್ರೀಲಂಕಾ ಅಂಕಪಟ್ಟಿಯಲ್ಲಿ ಎರಡು ಅಂಕ ಗಳಿಸಿಕೊಂಡಿದೆ. ಹೀಗಾಗಿ ಗೆದ್ದವರಿಗೆ ಫೈನಲ್​ ಟಿಕೆಟ್​​ ಸಿಗಲಿದೆ.

ತಂಡ ಪ್ರಕಟಿಸಿದ ಪಾಕ್​: ಬಾಬರ್​ ಅಜಮ್​ ನಾಳೆ ಮೈದಾನಕ್ಕಿಳಿಯು ತಂಡವನ್ನು ಈಗಾಗಲೇ ಪ್ರಕಟಿಸಿದ್ದಾರೆ. ಭಾರತದ ವಿರುದ್ಧ ಆಡಿದ್ದ ಐದು ಆಟಗಾರರನ್ನು ಕೈ ಬಿಡಲಾಗಿದೆ. ನಸೀಮ್​ ಮತ್ತು ರೌಫ್​ ಗಾಯದಿಂದ ತಂಡದಿಂದ ಹೊರಗುಳಿದಿದ್ದಾರೆ. ಆರಂಭಿಕ ಫಾಕರ್​ ಜಮಾನ್ ಬದಲು ಮೊಹಮ್ಮದ್ ಹ್ಯಾರಿಸ್, ಅಘಾ ಅಸ್ಲಾಮ್​ ಬದಲು ಸೌದ್ ಶಕೀಲ್, ಫಾಹಿಮ್ ಅಶ್ರಫ್ ಬದಲು ಮೊಹಮ್ಮದ್ ನವಾಜ್ ಮತ್ತು ಇಬ್ಬರು ಗಾಯಗೊಂಡ ವೇಗಿಗಳ ಬದಲಾಗಿ ಮೊಹಮ್ಮದ್ ವಾಸಿಮ್ ಜೂನಿಯರ್, ಮೊಹಮ್ಮದ್ ನವಾಜ್ ಮಾನ್ ಖಾನ್ ಅವರನ್ನು ಆಡಿಸಲಾಗುತ್ತಿದೆ.

ಪಾಕಿಸ್ತಾನ ತಂಡ: ಮೊಹಮ್ಮದ್ ಹ್ಯಾರಿಸ್, ಇಮಾಮ್-ಉಲ್-ಹಕ್, ಬಾಬರ್ ಅಜಮ್ (ನಾಯಕ), ಮೊಹಮ್ಮದ್ ರಿಜ್ವಾನ್ (ವಿಕೆಟ್​ ಕೀಪರ್​), ಸೌದ್ ಶಕೀಲ್, ಇಫ್ತಿಕರ್ ಅಹ್ಮದ್, ಶಾದಾಬ್ ಖಾನ್, ಮೊಹಮ್ಮದ್ ನವಾಜ್, ಶಾಹೀನ್ ಅಫ್ರಿದಿ, ಮೊಹಮ್ಮದ್ ವಾಸಿಮ್ ಜೂನಿಯರ್, ಜಮಾನ್ ಖಾನ್

ಶ್ರೀಲಂಕಾ ಸಂಭವನೀಯ ತಂಡ: ಪಾತುಮ್ ನಿಸ್ಸಾಂಕ, ದಿಮುತ್ ಕರುಣಾರತ್ನ, ಕುಸಲ್ ಮೆಂಡಿಸ್ (ವಿಕೆಟ್​ ಕೀಪರ್), ಸದೀರ ಸಮರವಿಕ್ರಮ, ಚರಿತ್ ಅಸಲಂಕ, ಧನಂಜಯ ಡಿ ಸಿಲ್ವ, ದಸುನ್ ಶನಕ (ನಾಯಕ), ದುನಿತ್ ವೆಲ್ಲಲಾಗೆ, ಮಹೇಶ್ ತೀಕ್ಷಣ, ಕಸುನ್ ರಜಿತ, ಮತೀಶ ಪತಿರಣ.

ಪಂದ್ಯ ನಾಳೆ ಭಾರತೀಯ ಕಾಲಮಾನ ಮಧ್ಯಾಹ್ನ 3ಕ್ಕೆ ಆರ್​. ಪ್ರೇಮದಾಸ ಕ್ರೀಡಾಂಗಣದಲ್ಲಿ ಆರಂಭವಾಗಲಿದ್ದು, ಸ್ಟಾರ್​ ಸ್ಪೋರ್ಟ್ಸ್​ ಮತ್ತು ಹಾಟ್​ಸ್ಟಾರ್​ನಲ್ಲಿ ನೇರಪ್ರಸಾರ ಲಭ್ಯವಿರಲಿದೆ.

ಇದನ್ನೂ ಓದಿ: ಪಾಕ್​ನ ಇಬ್ಬರು ಸ್ಟಾರ್ ಬೌಲರ್​ಗಳಿಗೆ ಗಾಯ.. ಏಷ್ಯಾಕಪ್​ನಿಂದಲೇ ಹೊರಬಿದ್ದ ನಸೀಮ್​ ಶಾ