R Ashwin: ಪಾದಾರ್ಪಣೆ ಪಂದ್ಯದಲ್ಲಿ ತಂದೆ, ಮಗನ ವಿಕೆಟ್​ ಪಡೆದು ಅಶ್ವಿನ್ ಅಪರೂಪದ ದಾಖಲೆ

ಸ್ಪಿನ್​ ಮಾಂತ್ರಿಕ ಆರ್.ಅಶ್ವಿನ್ ಅವರು​ ವೆಸ್ಟ್​ ಇಂಡೀಸ್​ ವಿರುದ್ಧ ನಡೆಯುತ್ತಿರುವ ಮೊದಲ ಪಂದ್ಯದಲ್ಲಿ ಅಪರೂಪದ ಸಾಧನೆ ಮಾಡಿದರು.

ರೋಸೋ (ಡೊಮಿನಿಕಾ): ಭಾರತ ಕ್ರಿಕೆಟ್ ತಂಡದ ಅನುಭವಿ ಬೌಲರ್ ರವಿಚಂದ್ರನ್ ಅಶ್ವಿನ್ ಅವರು ವೆಸ್ಟ್ ಇಂಡೀಸ್ ವಿರುದ್ಧದ ಎರಡು ಟೆಸ್ಟ್ ಸರಣಿಯ ಮೊದಲ ಪಂದ್ಯದಲ್ಲಿ ಹಲವು ದಾಖಲೆಗಳನ್ನು ಸೃಷ್ಟಿಸಿದ್ದಾರೆ. 5 ವಿಕೆಟ್​ಗಳನ್ನು ಪಡೆದ ದಾಖಲೆ ಒಂದೆಡೆಯಾದರೆ, ಟೆಸ್ಟ್ ಕ್ರಿಕೆಟ್‌ನಲ್ಲಿ ತಂದೆ- ಮಗನನ್ನು ಪಾದಾರ್ಪಣೆ ಪಂದ್ಯದಲ್ಲೇ ಔಟ್​ ಮಾಡಿದ ಭಾರತದ ಮೊದಲ ಬೌಲರ್​ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.

• When nothing happened, we 'turned' to Ashwin!
  .
  
  .#INDvWIonFanCode #WIvIND pic.twitter.com/wwPuS1QZG2

  — FanCode (@FanCode) July 12, 2023 " class="align-text-top noRightClick twitterSection" data="

  When nothing happened, we 'turned' to Ashwin!
  .
  
  .#INDvWIonFanCode #WIvIND pic.twitter.com/wwPuS1QZG2

  — FanCode (@FanCode) July 12, 2023

  ">

  When nothing happened, we 'turned' to Ashwin!
  .
  
  .#INDvWIonFanCode #WIvIND pic.twitter.com/wwPuS1QZG2

  — FanCode (@FanCode) July 12, 2023

ಬುಧವಾರ ನಡೆದ ಮೊದಲ ಟೆಸ್ಟ್​ನ ಪ್ರಥಮ ಇನ್ನಿಂಗ್ಸ್​ನಲ್ಲಿ ಅಶ್ವಿನ್​ ಟಾಗೆನರೈನ್ ಚಂದ್ರಪಾಲ್‌ರನ್ನು ಬೌಲ್ಡ್​ ಮಾಡಿ ಪೆವಿಲಿಯನ್​ಗೆ ಕಳುಹಿಸಿದರು. 2011ರಲ್ಲಿ ದೆಹಲಿಯಲ್ಲಿ ನಡೆದ ವೆಸ್ಟ್​ ಇಂಡೀಸ್​ ವಿರುದ್ಧದ ಪಾದಾರ್ಪಣೆ ಟೆಸ್ಟ್​ ಪಂದ್ಯದಲ್ಲಿ​ ಟಾಗೆನರೈನ್ ಅವರ ತಂದೆ ಶಿವನಾರಾಯಣ್ ಚಂದ್ರಪಾಲ್ ಅವರ ವಿಕೆಟ್​ ಪಡೆಯುವಲ್ಲಿಯೂ ಅಶ್ವಿನ್​ ಯಶಶ್ವಿಯಾಗಿದ್ದರು. 12 ವರ್ಷಗಳ ಹಿಂದೆ ನಡೆದ ಆ ಟೆಸ್ಟ್ ಪಂದ್ಯದ ಎರಡನೇ ಇನ್ನಿಂಗ್ಸ್‌ನಲ್ಲಿ ಅಶ್ವಿನ್​ ಅವರು ಶಿವನಾರಾಯಣ್​ ಚಂದ್ರಪಾಲ್​​ ಅವರನ್ನು ಎಲ್​ಬಿ ಬಲೆಗೆ ಬೀಳಿಸಿದ್ದರು. ಇದರೊಂದಿಗೆ ಟೆಸ್ಟ್ ಕ್ರಿಕೆಟ್​ನಲ್ಲಿ ಅಪ್ಪ-ಮಗನ ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ಸಾಧನೆಗೈದ ಮೊದಲ ಭಾರತೀಯ ಬೌಲರ್ ಕೂಡ ಇವರೇ ಆಗಿದ್ದು, ವಿಶ್ವದ 5ನೇ ಬೌಲರ್ ಎನಿಸಿಕೊಂಡಿದ್ದಾರೆ. ಇದಕ್ಕೂ ಮೊದಲು ಇಂಗ್ಲೆಂಡ್, ಪಾಕಿಸ್ತಾನ, ಆಸ್ಟ್ರೇಲಿಯಾ ಮತ್ತು ದಕ್ಷಿಣ ಆಫ್ರಿಕಾ ಬೌಲರ್​ಗಳು ಇಂಥ ಸಾಧಕರಾಗಿದ್ದರು.

ಈ ಹಿಂದೆಯೂ ಟಾಗೆನರೈನ್ ಚಂದ್ರಪಾಲ್ ಮತ್ತ ಅವರ ತಂದೆ ಶಿವನಾರಾಯಣ್ ಚಂದ್ರಪಾಲ್ ವಿಕೆಟ್​ಅನ್ನು ದಕ್ಷಿಣ ಆಫ್ರಿಕಾ ಮತ್ತು ಆಸ್ಟ್ರೇಲಿಯಾ ಬೌಲರ್​ಗಳು ಉರುಳಿಸಿದ್ದರು. ಆಸ್ಟ್ರೇಲಿಯಾದ ವೇಗಿ ಮಿಚೆಲ್ ಸ್ಟಾರ್ಕ್ ಮತ್ತು ದಕ್ಷಿಣ ಆಫ್ರಿಕಾದ ಆಫ್-ಸ್ಪಿನ್ನರ್ ಸೈಮನ್ ಹಾರ್ಮರ್ ಅವರು ಶಿವನಾರಾಯಣ್ ಮತ್ತು ಟಾಗೆನರೈನ್ ಅವರನ್ನು ಔಟ್ ಮಾಡಿದ ಇತರೆ ಇಬ್ಬರು ಬೌಲರ್‌ಗಳು. ಶಿವನಾರಾಯಣ್ 2015ರಲ್ಲಿ ಕ್ರಿಕೆಟ್​ಗೆ ನಿವೃತ್ತಿ ಘೋಷಿಸಿದ್ದಾರೆ. ಅವರ ಮಗ ಕಳೆದ ವರ್ಷ ಟೆಸ್ಟ್‌ಗೆ ಪಾದಾರ್ಪಣೆ ಮಾಡಿದ್ದಾರೆ.

ತಂದೆ- ಮಗನ ಔಟ್ ಮಾಡಿದ ಬೌಲರ್‌ಗಳ ಪಟ್ಟಿ:

• ಇಯಾನ್ ಬೋಥಮ್ (ಇಂಗ್ಲೆಂಡ್) - ಲ್ಯಾನ್ಸ್ ಮತ್ತು ಕ್ರಿಸ್ ಕೈರ್ನ್ಸ್
• ವಾಸಿಂ ಅಕ್ರಮ್ (ಪಾಕಿಸ್ತಾನ) - ಲ್ಯಾನ್ಸ್ ಮತ್ತು ಕ್ರಿಸ್ ಕೈರ್ನ್ಸ್
• ಮಿಚೆಲ್ ಸ್ಟಾರ್ಕ್ (ಆಸ್ಟ್ರೇಲಿಯಾ ) - ಶಿವನಾರಾಯಣ್ ಮತ್ತು ಟಾಗೆನರೈನ್ ಚಂದ್ರಪಾಲ್
• ಸೈಮನ್ ಹಾರ್ಮರ್ (ದಕ್ಷಿಣ ಆಫ್ರಿಕಾ) - ಶಿವನಾರಾಯಣ್ ಮತ್ತು ಟಾಗೆನರೈನ್ ಚಂದ್ರಪಾಲ್
• ಆರ್. ಅಶ್ವಿನ್ (ಭಾರತ) - ಶಿವನಾರಾಯಣ್ ಮತ್ತು ಟಾಗೆನರೈನ್ ಚಂದ್ರಪಾಲ್

ಆ್ಯಂಡರ್ಸನ್ ದಾಖಲೆ ಮುರಿದ ಅಶ್ವಿನ್​: ಟೆಸ್ಟ್​ ಕ್ರಿಕೆಟ್​ನಲ್ಲಿ 33ನೇ ಬಾರಿಗೆ 5 ವಿಕೆಟ್​ ಪಡೆಯುವ ಮೂಲಕ ಅಶ್ವಿನ್​ ಆ್ಯಂಡರ್ಸನ್ ಅವರ ದಾಖಲೆ ಮುರಿದಿದ್ದಾರೆ. ಆ್ಯಂಡರ್ಸನ್ ಅವರು ಟೆಸ್ಟ್‌ನಲ್ಲಿ 32 ಬಾರಿ ಪಂಚ ವಿಕೆಟ್‌ಗಳ ಗೊಂಚಲು ಪಡೆದಿದ್ದಾರೆ. ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ಐದು ವಿಕೆಟ್ ಪಡೆದ ಮೊದಲಿಗರಲ್ಲಿ ಮುತ್ತಯ್ಯ ಮುರಳೀಧರನ್ ಇದ್ದು, ಇವರು 67 ಬಾರಿ 5 ವಿಕೆಟ್​ ಕಿತ್ತಿದ್ದಾರೆ. ಶೇನ್ ವಾರ್ನ್ 37 ಬಾರಿ ವಿಕೆಟ್​ ಪಡೆದು ಎರಡನೇ ಸ್ಥಾನದಲ್ಲಿದ್ದರೆ, ರಿಚರ್ಡ್ ಹ್ಯಾಡ್ಲಿ 36 ಬಾರಿ, ರಂಗನಾ ಹೆರಾತ್ 34 ಬಾರಿ ಐದು ವಿಕೆಟ್ ಪಡೆದಿದ್ದಾರೆ. ಈ ಪಟ್ಟಿಯಲ್ಲಿ ಅಶ್ವಿನ್ ಆರನೇ ಸ್ಥಾನದಲ್ಲಿದ್ದಾರೆ. ಅಶ್ವಿನ್ ಆಸ್ಟ್ರೇಲಿಯಾ ವಿರುದ್ಧ ಅತಿ ಹೆಚ್ಚು ಬಾರಿ ಐದು ವಿಕೆಟ್ ಪಡೆದಿದ್ದಾರೆ. 7 ಬಾರಿ ಈ ಸಾಧನೆ ಮಾಡಿದ್ದಾರೆ.

ಇದನ್ನೂ ಓದಿ: ಭಾರತ vs ವೆಸ್ಟ್​ ಇಂಡೀಸ್​ ಮೊದಲ ಟೆಸ್ಟ್‌: ಅಶ್ವಿನ್‌ 'ಫೈವ್‌ಸ್ಟಾರ್‌', ನಲುಗಿದ ವಿಂಡೀಸ್‌