ಬ್ಯಾಂಕಾಕ್: ಭಾರತ ತಂಡದ ಸ್ಟಾರ್ ಶಟ್ಲರ್ ಪಿ.ವಿ.ಸಿಂಧು ಗುರುವಾರ ವರ್ಲ್ಡ್ ಟೂರ್ ಫೈನಲ್ಸ್ನ ಗುಂಪು ಹಂತದ 2ನೇ ಪಂದ್ಯದಲ್ಲೂ ಸೋಲು ಕಂಡಿದ್ದಾರೆ. ಒಲಿಂಪಿಕ್ಸ್ ಬೆಳ್ಳಿ ಪದಕ ವಿಜೇತೆ ರಾಚನೊಕ್ ಇಂಟಾನನ್ ವಿರುದ್ಧ ಸೋಲು ಕಂಡಿದ್ದಾರೆ.
ಗುರುವಾರ ನಡೆದ ಪಂದ್ಯದಲ್ಲಿ ಸಿಂಧು ವಿರುದ್ಧ ಥಾಯ್ ಆಟಗಾರ್ತಿ 21-18, 21-13ರಲ್ಲಿ ಗೆಲುವು ಸಾಧಿಸಿದರು. ಮೊದಲ ಸೆಟ್ನಲ್ಲಿ ಇಬ್ಬರಿಂದಲೂ ಕಠಿಣ ಪೈಪೋಟಿ ಕಂಡುಬಂದಿತು. ಒಂದು ಹಂತದಲ್ಲಿ ಇಬ್ಬರು 18-18ರಲ್ಲಿ ಸಮಬಲ ಸಾಧಿಸಿದ್ದರು. ಆದರೆ ಇಂಟಾನನ್ ಭಾರತೀಯ ಆಟಗಾರ್ತಿಯ ಸವಾಲನ್ನು ಮೆಟ್ಟಿ ನಿಂತು 21-18ರಲ್ಲಿ ಗೇಮ್ ಗೆದ್ದರು.
ಎರಡನೇ ಗೇಮ್ನ ಆರಂಭದಲ್ಲಿ ಇದೇ ರೀತಿಯ ಪೈಪೋಟಿ ಕಂಡುಬಂದಿತು. ಆದರೆ ಮಧ್ಯಂತರದಲ್ಲಿ ಗೇರ್ ಬದಲಿಸಿದ ಇಂಟಾನನ್ ಸಂಪೂರ್ಣ ಪ್ರಾಬಲ್ಯ ಸಾಧಿಸಿ 21-13ರಲ್ಲಿ ಪಂದ್ಯವನ್ನೇ ಗೆದ್ದುಕೊಂಡರು.
ಈಗಾಗಲೇ ಮೊದಲ ಪಂದ್ಯದಲ್ಲಿ ಸಿಂಧು ತೈವಾನ್ನ ತಾಯ್ ಜು ಯಿಂಗ್ ಕೈಯಲ್ಲಿ 19-21, 21-12, 21-17ರಲ್ಲಿ ಸೋಲು ಕಂಡಿದ್ದರು.
ಇದಕ್ಕೂ ಮುನ್ನ ನಡೆದ ಪುರುಷರ ಪಂದ್ಯದಲ್ಲಿ ಕಿಡಂಬಿ ಶ್ರೀಕಾಂತ್ ತೈವಾನ್ನ ವಾಂಗ್ ಜು ವೀ ವಿರುದ್ಧ 21-19, 9-21,19-21ರಲ್ಲಿ ಸೋಲು ಕಂಡಿದ್ದರು. ಸತತ ಎರಡು ಫೈನಲ್ಸ್ ಪಂದ್ಯದಲ್ಲಿ ಸೋಲು ಕಂಡಿರುವ ಭಾರತೀಯ ಆಟಗಾರರ ಸೆಮಿಫೈನಲ್ ಹಾದಿ ತುಂಬಾ ಕಠಿಣವಾಗಿದೆ.
ಇದನ್ನು ಓದಿ:ವೈದ್ಯಕೀಯ ಪರೀಕ್ಷೆಗೆ ಒಳಗಾಗಲಿರುವ ದಾದಾ: ವರದಿ ಬಂದ ನಂತರ ಸ್ಟಂಟ್ ಅಳವಡಿಕೆ ಬಗ್ಗೆ ನಿರ್ಧಾರ
