ಕೇಟಲ್ಸ್ ಸ್ಟುಡಿಯೋ ಬ್ಯಾನರ್ ಅಡಿ ವಿದ್ಯಾ ಬಿ. ರೆಡ್ಡಿ ನಿರ್ದೇಶಿಸಿರುವ 'ಓ ಫಿಶ್' ಕಿರುಚಿತ್ರಕ್ಕೆ ಭಾರೀ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಈ ಕಿರುಚಿತ್ರದಲ್ಲಿ ಜೈಜಗದೀಶ್ ಹಾಗೂ ವಿಜಯಲಕ್ಷ್ಮಿ ಸಿಂಗ್ ಪುತ್ರಿ ವೈನಿಧಿ ಹಾಗೂ 'ದಿಯಾ' ಖ್ಯಾತಿಯ ದೀಕ್ಷಿತ್ ಶೆಟ್ಟಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಕಿರುಚಿತ್ರ ಕನ್ನಡ, ತೆಲುಗು ಎರಡೂ ಭಾಷೆಗಳಲ್ಲಿ ನೋಡಲು ಲಭ್ಯವಿದೆ.
- " class="align-text-top noRightClick twitterSection" data="">
ಒಂದೇ ಅಪಾರ್ಟ್ಮೆಂಟ್ನಲ್ಲಿ ವಾಸಿಸುವ ಇಬ್ಬರ ಪಾರ್ಸೆಲ್ ಅದಲು ಬದಲಾಗಿರುತ್ತದೆ. ನಾಯಕಿ ಫಿಶ್ಗಾಗಿ, ನಾಯಕ ಮೊಟ್ಟೆಗಾಗಿ ಆರ್ಡರ್ ಮಾಡಿರುತ್ತಾನೆ. ಡೆಲಿವರಿ ಬಾಯ್ ಕನ್ಫ್ಯೂಸ್ ಮಾಡಿಕೊಂಡು ಇಬ್ಬರ ಪಾರ್ಸೆಲ್ ಬದಲು ಮಾಡಿರುತ್ತಾನೆ. ಇಬ್ಬರೂ ಪಾರ್ಸೆಲ್ ತೆಗೆದು ನೋಡಿದಾಗ ಬೇಸರ ಆಗುತ್ತದೆ. ನಾಯಕಿ ಡೆಲಿವರಿ ಬಾಯ್ಗೆ ಕರೆ ಮಾಡಿದಾಗ ದಯವಿಟ್ಟು ನೀವೇ ನಿಮ್ಮ ನಿಮ್ಮ ಪಾರ್ಸೆಲ್ಗಳನ್ನು ಪಡೆಯಿರಿ ಎಂದು ಡೆಲಿವರಿ ಬಾಯ್ ಮನವಿ ಮಾಡಿ ನಾಯಕನ ಫೋನ್ ನಂಬರ್ ನೀಡುತ್ತಾನೆ. ಇತ್ತ ನಾಯಕ ಆಗಲೇ ಫಿಶ್ ಕರಿ ಮಾಡಿರುತ್ತಾನೆ. ನಾಯಕಿ, ನಾಯಕನನ್ನು ಹುಡುಕಿಕೊಂಡು ಬಂದಾಗ ಆತ ಫಾರಿನ್ನಿಂದ ಬಂದಿದ್ದಾನೆ ಎಂಬ ಕಾರಣಕ್ಕೆ ಕ್ವಾರಂಟೈನ್ನಲ್ಲಿರುತ್ತಾನೆ....ಇಬ್ಬರೂ ತಮ್ಮ ತಮ್ಮ ಪಾರ್ಸೆಲ್ ಪಡೆಯುತ್ತಾರಾ...? ಮುಂದೆ ಏನಾಗುತ್ತದೆ ಎಂಬುದೇ 'ಓ ಫಿಶ್' ಕಿರುಚಿತ್ರದ ಕಥೆ.
10 ನಿಮಿಷದ ಈ ಕಿರುಚಿತ್ರದಲ್ಲಿ ರವಿಕಿರಣ್, ರಾಜೇಂದ್ರ, ಸಿಂಧೂರ್, ಎಂ. ಚಂದ್ರಕಾಂತ್, ರೋಷನ್ ರಾಯ್ ನಟಿಸಿದ್ದಾರೆ. ವಿದ್ಯಾ ಬಿ ರೆಡ್ಡಿ ಈ ಕಿರುಚಿತ್ರಕ್ಕೆ ಕಥೆ ಬರೆದು ನಿರ್ಮಾಣದೊಂದಿಗೆ ನಿರ್ದೇಶನ ಕೂಡಾ ಮಾಡಿದ್ದಾರೆ. ವಿದ್ಯಾ ಜೊತೆಗೆ ನಂದಿನಿ ಬಸುಪಲ್ಲಿ ಕೂಡಾ ಈ ಕಿರುಚಿತ್ರಕ್ಕೆ ಬಂಡವಾಳ ಷೇರ್ ಮಾಡಿದ್ದಾರೆ. ಶ್ರೀನಿಧಿ ವೆಂಕಟ್ ಸಂಗೀತ, ಓಂ ಪ್ರಕಾಶ್ ಛಾಯಾಗ್ರಹಣ, ಅಂಶುಮಾನ್ ಗೋಕುಲ್ ಸಂಕಲನ ಮಾಡಿದ್ದಾರೆ.
