ಲಾಸ್ ಏಂಜೆಲೀಸ್: ತಮ್ಮ ಹಾಗೂ ಜಸ್ಟಿನ್ ಟಿಂಬರಲೇಕ್ ಮಧ್ಯದ ಸಂಬಂಧ ಮುರಿದು ಬಿದ್ದ ಘಟನೆ ಜಗತ್ತಿನ ಅತಿ ದೊಡ್ಡ ಲವ್ ಬ್ರೇಕಪ್ಗಳಲ್ಲೊಂದು ಎಂದು ಪಾಪ್ ಸ್ಟಾರ್ ಬ್ರಿಟ್ನಿ ಸ್ಪೀಯರ್ಸ್ ಹೇಳಿದ್ದಾರೆ.
ಇನ್ಸ್ಟಾಗ್ರಾಂ ನಲ್ಲಿ ವಿಡಿಯೋವೊಂದನ್ನು ಪೋಸ್ಟ್ ಮಾಡಿರುವ ಬ್ರಿಟ್ನಿ, "ಇದು ನನ್ನ ಸ್ನ್ಯಾಪ್ಚಾಟ್ ಅಥವಾ ಟಿಕ್ಟೋಕ್" ಎಂದು ಬರೆದುಕೊಂಡಿದ್ದಾರೆ. ಜಸ್ಟಿನ್ ಟಿಂಬರಲೇಕ್ ಅವರ "ಫಿಲ್ದಿ" ಹಾಡಿಗೆ ಬ್ರಿಟ್ನಿ ಹೆಜ್ಜೆ ಹಾಕಿರುವ ವಿಡಿಯೋ ಇದಾಗಿದೆ. ಹಾಡಿನ ತಾಳಕ್ಕೆ ಹೆಜ್ಜೆ ಹಾಕುತ್ತ ಡಾನ್ಸ್ ಮಾಡಿದ್ದು ಕಾಣುತ್ತದೆ. ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದಕ್ಕಾಗಿ ಮನೆಯಲ್ಲೇ ಈ ವಿಡಿಯೋ ಶೂಟ್ ಮಾಡಲಾಗಿದೆ.
ವಿಡಿಯೋ ಕ್ಯಾಪ್ಷನ್ ಮುಂದುವರಿಸಿರುವ ಅವರು, "ಇದು ನನ್ನ ಸ್ನ್ಯಾಪ್ಚಾಟ್ ಅಥವಾ ಟಿಕ್ಟೋಕ್ ಅಥವಾ ಈಗಿನ ಸಮಯದಲ್ಲಿ ಮಾಡಬಹುದಾದ ಯಾವುದೋ ಕೂಲ್ ಕೆಲಸ ಎಂದುಕೊಳ್ಳಿ. ನಿಮಗೆ ಗೊತ್ತಾ? ನಾನು ಡಾನ್ಸ್ ಮಾಡುತ್ತಿಲ್ಲ... ನಿಜವಾಗಿಯೂ ನನಗೆ ಬೋರ್ ಆಗಿದೆ." ಎಂದು ಬರೆದಿದ್ದಾರೆ.
ಬ್ರಿಟ್ನಿ ಸ್ಪೀಯರ್ಸ್ ಹಾಗೂ ಜಸ್ಟಿನ್ ಮಧ್ಯದ 3 ವರ್ಷಗಳ ಪ್ರೀತಿಯ ಸಂಬಂಧ 2002 ರಲ್ಲಿ ಮುರಿದು ಬಿದ್ದಿತ್ತು. ತಮ್ಮ ಹಳೆಯ ಸಂಬಂಧದ ಬಗ್ಗೆಯೂ ಬ್ರಿಟ್ನಿ ಇಲ್ಲಿ ಹೇಳಿಕೊಂಡಿದ್ದಾರೆ.
"20 ವರ್ಷಗಳ ಹಿಂದೆ ನಮ್ಮ ಸಂಬಂಧ ಮುಗಿದು ಹೋಯಿತು. ಆದರೆ ಆತನೊಬ್ಬ ಜೀನಿಯಸ್, ಅದ್ಭುತ ಹಾಡು ಜೆಟಿ. ಓಹ್ ಯಾವುದು ಒಳ್ಳೆಯದು ಎಂಬುದು ನಿನಗೆ ತಿಳಿಯಬೇಕಿತ್ತು" ಎಂದು ಬ್ರಿಟ್ನಿ ಹೇಳಿದ್ದಾರೆ.
ಟಿಂಬರಲೇಕ್ 2012 ರಲ್ಲಿ ನಟಿ ಜೆಸ್ಸಿಕಾ ಬೀಯಲ್ ಅವರೊಂದಿಗೆ ಮದುವೆಯಾಗಿದ್ದು, 5 ವರ್ಷದ ಮಗನಿದ್ದಾನೆ. ಬ್ರಿಟ್ನಿ ಸ್ಪೀಯರ್ಸ್ಗೆ ಮಾಜಿ ಗಂಡನಿಂದ ಹುಟ್ಟಿದ ಇಬ್ಬರು ಗಂಡು ಮಕ್ಕಳಿದ್ದಾರೆ. ಸದ್ಯ ಬ್ರಿಟ್ನಿ ಸ್ಯಾಮ್ ಅಸ್ಘಾರಿಯೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನಲಾಗಿದೆ.
