ಕುಟುಂಬದೊಂದಿಗೆ ಮಾಲ್ಡೀವ್ಸ್ ಟ್ರಿಪ್ ಎಂಜಾಯ್ ಮಾಡುತ್ತಿರುವ ಅನಿರುದ್ಧ್​​​​

ಶೂಟಿಂಗ್ ಬ್ಯುಸಿ ಶೆಡ್ಯೂಲ್ ನಡುವೆ ಬಿಡುವು ಪಡೆದುಕೊಂಡು ನಟ ಅನಿರುದ್ಧ್​ ತಮ್ಮ ಕುಟುಂಬದ ಸದಸ್ಯರೊಂದಿಗೆ ಮಾಲ್ಡೀವ್ಸ್ ತೆರಳಿದ್ದಾರೆ. ಕುಟುಂಬದೊಂದಿಗೆ ಒಟ್ಟಿಗೆ ಇರುವ ಫೋಟೋ ಹಾಗೂ ಸಮುದ್ರದ ತಟದಲ್ಲಿ ಎಂಜಾಯ್ ಮಾಡುತ್ತಿರುವ ವಿಡಿಯೋವೊಂದನ್ನು ಅನಿರುದ್ಧ್​ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.

ಇತ್ತೀಚಿನ ದಿನಗಳಲ್ಲಿ ಸೆಲಬ್ರಿಟಿಗಳು ಹೆಚ್ಚಾಗಿ ಮಾಲ್ಡೀವ್ಸ್​​​​ಗೆ ಟ್ರಿಪ್ ಹೋಗಿ ಬರುತ್ತಿದ್ದಾರೆ. ಕೊರೊನಾ ಲಾಕ್​ಡೌನ್ ನಂತರ ಪರಿಸ್ಥಿತಿ ಸ್ವಲ್ಪ ಸುಧಾರಿಸಿದ್ದು ಜನರು ಮುಂಜಾಗ್ರತಾ ಕ್ರಮ ಕೈಗೊಂಡು ಟ್ರಿಪ್ ಹೋಗಿ ಬರುತ್ತಿದ್ದಾರೆ. ಇದೀಗ ಸಿನಿಮಾ, ಕಿರುತೆರೆ ನಟ-ನಟಿಯರು ಕೂಡಾ ಹೆಚ್ಚಾಗಿ ಮಾಲ್ಡೀವ್ಸ್​​​ಗೆ ಹೋಗಿ ಬರುತ್ತಿದ್ದಾರೆ.

• " class="align-text-top noRightClick twitterSection" data="">

ಇದನ್ನೂ ಓದಿ: ತಮಿಳು ನಟಿ ಚಿತ್ರಾ ಭಾವಿ ಪತಿ ಹೇಮನಾಥ್ ಬಂಧಿಸಿದ ಪೊಲೀಸರು

'ಜೊತೆ ಜೊತೆಯಲಿ' ಖ್ಯಾತಿಯ ನಟ ಅನಿರುದ್ಧ್ ಕೂಡಾ ಮಾಲ್ಡೀವ್ಸ್​​​ಗೆ ತೆರಳಿದ್ದಾರೆ. ತಮ್ಮ ಬ್ಯುಸಿ ಶೆಡ್ಯೂಲ್​​​ ನಡುವೆಯೂ ಚಿತ್ರೀಕರಣದಿಂದ ಸಣ್ಣ ಬ್ರೇಕ್ ಪಡೆದಿರುವ ಅನಿರುದ್ಧ್ ತಮ್ಮ ಕುಟುಂಬಸಹಿತ ಮಾಲ್ಡೀವ್ಸ್ ಗೆ ತೆರಳಿದ್ದಾರೆ. ಸದ್ಯ ಅಲ್ಲಿ ಸಂತಸದಿಂದ ಸಮಯ ಕಳೆದಿದ್ದು ಆ ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಇನ್ನು ಅನಿರುದ್ಧ್ ಅವರೊಂದಿಗೆ ಭಾರತಿ ವಿಷ್ಣುವರ್ಧನ್, ಪತ್ನಿ ಕೀರ್ತಿ ವಿಷ್ಣುವರ್ಧನ್, ಮಕ್ಕಳಾದ ಶ್ಲೋಕ ಹಾಗೂ ಜ್ಯೇಷ್ಠ ವರ್ಧನ್ ಸೇರಿದಂತೆ ಇನ್ನೂ ಕೆಲ ಕುಟುಂಬ ಸದಸ್ಯರು ಮಾಲ್ಡೀವ್ಸ್​​​​​​ನ ಪ್ರವಾಸಕ್ಕೆ ತೆರಳಿದ್ದಾರೆ. ಇದಕ್ಕೂ ಮುನ್ನ ಅನಿರುದ್ಧ್​ ತಮ್ಮ ಕುಟುಂಬದೊಂದಿಗೆ ಕಾಫಿನಾಡು ಚಿಕ್ಕಮಗಳೂರಿಗೆ ಪ್ರವಾಸ ತೆರಳಿದ್ದರು. ಇದೀಗ ಮಾಲ್ಡೀವ್ಸ್ ತೆರಳಿದ್ದು ತಮ್ಮ ಕುಟುಂಬದೊಂದಿಗೆ ಎಂಜಾಯ್ ಮಾಡುತ್ತಿದ್ದಾರೆ.