ನಟಿ ರಶ್ಮಿ ಪ್ರಭಾಕರ್ ಕಿರುತೆರೆ ಪ್ರಿಯರಿಗೆ ಹೊಸಬರೇನಲ್ಲ. ಕನ್ನಡ ಕಿರುತೆರೆಯ ಜೊತೆಗೆ ತೆಲುಗು ಕಿರುತೆರೆಯಲ್ಲೂ ರಶ್ಮಿ ಸಕ್ರಿಯರಾಗಿದ್ದಾರೆ. ಇತ್ತೀಚೆಗಷ್ಟೇ ಹೈದರಾಬಾದ್ನಲ್ಲಿ ಶೂಟಿಂಗ್ ಮುಗಿಸಿ ಬಂದಿರುವ ಅವರು ಈಗ ಹೋಮ್ ಕ್ವಾರಂಟೈನ್ನಲ್ಲಿದ್ದಾರೆ.
ಸದ್ಯ ಐಸೊಲೇಷನ್ನಲ್ಲಿರುವ ರಶ್ಮಿ, ‘ನಾನು ಹೋಂ ಕ್ವಾರಂಟೈನ್ನಲ್ಲಿದ್ದೇನೆ. ಅದೇ ಕಾರಣದಿಂದ ಪೋಷಕರಿಂದ ದೂರ ಇದ್ದೇನೆ. ಈ ಸಮಯದಲ್ಲಿ ಪುಸ್ತಕಗಳನ್ನು ಓದಿದೆ ಹಾಗೂ ಜೊತೆಗೆ ಆನ್ಲೈನ್ ನೃತ್ಯ ತರಗತಿಗಳು ಹಾಗೂ ಸಂಗೀತ ತರಗತಿಗಳಲ್ಲಿ ಪಾಲ್ಗೊಂಡೆ ಎಂದಿದ್ದಾರೆ.
ನೃತ್ಯ ಕಲಾವಿದೆಯಾಗಿರುವ ರಶ್ಮಿಗೆ ಭರತನಾಟ್ಯ ಎಂದರೆ ವಿಶೇಷ ಪ್ರೀತಿ. ಕಳೆದೆರಡು ವರುಷಗಳಿಂದ ಭರತನಾಟ್ಯ ಕಲಿಯುತ್ತಿರುವೆ. ಆದರೆ ಈ ಕೊರೊನಾ ಸಂಕಷ್ಟದಿಂದಾಗಿ ನೇರವಾಗಿ ತರಗತಿ ಹೋಗಲಾಗಿಲ್ಲ. ಬದಲಿಗೆ ಆನ್ಲೈನ್ ತರಗತಿಗಳು ಇರುವುದರಿಂದ ಅದನ್ನು ಕೂಡಾ ಅಟೆಂಡ್ ಮಾಡುತ್ತಿದ್ದೇನೆ. ಇನ್ನು ಕಳೆದ ವರುಷ ಪರೀಕ್ಷೆ ಬರೆದಿದ್ದೆ. ಈ ವರುಷವೂ ಪರೀಕ್ಷೆ ಬರೆಯಬೇಕಿತ್ತು. ಆದರೆ ಕೊರೊನಾದಿಂದಾಗಿ ಅವೆಲ್ಲಾ ಮುಂದೂಡಲ್ಪಟ್ಟಿದೆ ಎಂದು ತಿಳಿಸಿದ್ದಾರೆ.
ಫಿಟ್ನೆಸ್ನತ್ತ ಗಮನ ಹರಿಸಿರುವ ರಶ್ಮಿ ಪ್ರಭಾಕರ್ ಇನ್ಸ್ಟಾಗ್ರಾಂನಲ್ಲಿ ಅಭಿಮಾನಿಗಳಿಗಾಗಿ ಫಿಟ್ನೆಸ್ ಗೋಲ್ಸ್ ಹಂಚಿಕೊಂಡಿದ್ದಾರೆ. ಮಾತ್ರವಲ್ಲ, ಫಿಟ್ನೆಸ್ ಚಾಲೆಂಜ್ನಲ್ಲಿ ಭಾಗವಹಿಸುವಂತೆ ಅಭಿಮಾನಿಗಳಿಗೆ ಹೇಳಿದ್ದಾರೆ.
