ಹಿರಿತೆರೆ ಮತ್ತು ಕಿರುತೆರೆಯ ನಡುವೆ ಇರುವ ಕಾಂಪೌಂಡ್ ಒಡೆದು ನಾವೆಲ್ಲ ಒಂದೇ ಕುಟುಂಬದಂತೆ ಸಂಭ್ರಮಿಸೋಣ ಎಂದು ನಟರೆಲ್ಲ ಸೇರುವ ಕಾರ್ಯಕ್ರಮವೇ ಜೀ ಕುಟುಂಬ ಅವಾರ್ಡ್. ಈ ಕಾರ್ಯಕ್ರಮ ಕಿರುತೆರೆ ಮತ್ತು ಹಿರಿತೆರೆಯ ತಾರೆಗಳಿಂದ ರಂಗು ಪಡೆದುಕೊಂಡಿತ್ತು.
ಬೆಂಗಳೂರಿನ ಕೋರಮಂಗಲದ ಇನ್ ಡೋರ್ ಸ್ಟೇಡಿಯಂನಲ್ಲಿ ಜೀ ಕುಟುಂಬ ಅವಾರ್ಡ್ಸ್-2019 ಅದ್ಧೂರಿಯಾಗಿ ನೆರವೇರಿತು. ತಾರೆಗಳಿಂದ ಝಗಮಗಿಸಿದ ಜೀ ಕುಟುಂಬ ಪ್ರೇಕ್ಷಕರಿಗೆ ಜಬರ್ದಸ್ತ್ ಮನರಂಜನೆ ನೀಡಿತು.
ಪ್ರತಿವರ್ಷದಂತೆ ಈ ವರ್ಷವೂ ಅಮೋಘವಾಗಿ ಜೀ ಕುಟುಂಬ ಅವಾರ್ಡ್ ಕಾರ್ಯಕ್ರಮ ನೇರವೇರಿದೆ. ಸೀರಿಯಲ್ ಲೋಕದಲ್ಲಿ ಸೇವೆ ಸಲ್ಲಿಸುತ್ತಿರುವ ಪ್ರತಿಭಾವಂತರಿಗೆ ಪ್ರಶಸ್ತಿ ಕೊಟ್ಟು ಗೌರವಿಸಲಾಯಿತ್ತು. ಸಿರಿಯಲ್ ಲೋಕದ ತಾರೆಯರ ಜೊತೆಗೆ ಸ್ಯಾಂಡಲ್ವುಡ್ ಸ್ಟಾರ್ಸ್ ಕೂಡ ಕಾರ್ಯಕ್ರಮಕ್ಕೆ ಸಾಥ್ ನೀಡಿದ್ರು.
ರೋರಿಂಗ್ ಸ್ಟಾರ್ ಶ್ರೀಮುರಳಿ, ನವರಸ ನಾಯಕ ಜಗ್ಗೇಶ್, ಡಾಲಿ ಧನಂಜಯ್, ಅನಿರುದ್ಧ್ ವಿಷ್ಣುವರ್ಧನ್, ಹಿರಿಯ ನಟ ಶ್ರೀನಾಥ್, ಪದ್ಮಾವಾಸಂತಿ, ಬಿಗ್ಬಾಸ್ ಖ್ಯಾತಿಯ ಗಾಯಕಿ ಶೃತಿ, ಖ್ಯಾತ ಜೋತಿಷಿ ಆನಂದ್ ಗುರೂಜೀ, ಸಂಸದ ತೇಜಸ್ವಿ ಸೂರ್ಯ ಸೇರಿದಂತೆ ಅನೇಕ ಗಣ್ಯರು ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು.
ಈ ಕಾರ್ಯಕ್ರಮ ಇದೇ ವೀಕೆಂಡ್ಗೆ ಅಂದ್ರೆ ಮುಂಬರುವ 19-20ರ ಸಂಜೆ 7ಗಂಟೆಗೆ ಜೀ ಕನ್ನಡದಲ್ಲಿ ಪ್ರಸಾರವಾಗಲಿದೆ.
