ತಾಪ್ಸಿ ಪನ್ನು ಹಾಗೂ ತಹಿರ್ ರಾಜ್ ಭಾಸಿನ್ ಅಭಿನಯದ 'ಲೂಪ್ ಲಪೇಟಾ' ಸಿನಿಮಾದ ಟ್ರೇಲರ್ ಗುರುವಾರ ಬಿಡುಗಡೆಯಾಗಿದ್ದು ಭಾರಿ ರೋಚಕವಾಗಿದೆ.
ತೆಲುಗು, ತಮಿಳು, ಹಿಂದಿ ಚಿತ್ರರಂಗದಲ್ಲಿ ಬ್ಯುಸಿ ಇರುವ ತಾಪ್ಸಿ ತಮ್ಮ ಚಿತ್ರಗಳ ಮೂಲಕ ಅಭಿಮಾನಿಗಳನ್ನು ರಂಜಿಸುತ್ತಲೇ ಬಂದಿದ್ದಾರೆ. 'ಲೂಪ್ ಲಪೇಟಾ' ಕೂಡಾ ಬಹುನಿರೀಕ್ಷಿತ ಚಿತ್ರವಾಗಿದ್ದು, ಈ ಸಿನಿಮಾ ಕೂಡಾ ಅಭಿಮಾನಿಗಳಿಗೆ ಇಷ್ಟವಾಗುವುದರಲ್ಲಿ ನೋ ಡೌಟ್.
ಕಾಮಿಡಿ - ಥ್ರಿಲ್ಲರ್ ಮೂವಿ 'ಲೂಪ್ ಲಪೇಟಾ' 1998ರಲ್ಲಿ ಬಿಡುಗಡೆಯಾದ 'ರನ್ ಲೋಲಾ ರನ್' ಜರ್ಮನ್ ಚಿತ್ರದ ರೀಮೇಕ್ ಆಗಿದ್ದು, ನೆಟ್‌ಫ್ಲಿಕ್ಸ್‌ನಲ್ಲಿ ಈ ಫಿಲ್ಮ್ ಬಿಡುಗಡೆಯಾಗಲಿದೆ. ಇದು ಪ್ರೇಮ ಕಥೆ ಒಳಗೊಂಡಿದ್ದು, ತನ್ನ ಗೆಳೆಯನನ್ನು ರಕ್ಷಿಸುವ ಕಾರ್ಯಾಚರಣೆಯಲ್ಲಿರುವ ಹುಡುಗಿಯೊಬ್ಬಳ ಕಥೆ ಹೇಳುತ್ತದೆ. ನಿನ್ನೆ ಸಿನಿಮಾದ ಟ್ರೇಲರ್ ಬಿಡುಗಡೆಯಾಗಿದ್ದು, ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.
ಭಾರತದ ನೇಟಿವಿಟಿಗೆ ತಕ್ಕಂತೆ 'ಲೂಪ್ ಲಪೇಟಾ' ಚಿತ್ರೀಕರಣ ಮಾಡಲಾಗಿದ್ದು, 'ಹಸೀನಾ ದಿಲ್ರುಬಾ', ' ರಶ್ಮಿ ರಾಕೆಟ್', 'ಪಿಂಕ್', 'ತಪ್ಪಡ್' ಸೇರಿದಂತೆ ಅನೇಕ ಹಿಟ್ ಸಿನಿಮಾಗಳಲ್ಲಿ ತಾಪ್ಸಿ ನಟಿಸಿ ಅಭಿಮಾನಿಗಳನ್ನು ರಂಜಿಸಿದ್ದಾರೆ.
