ಅಭಿನಯ ಚಕ್ರವರ್ತಿ ಸುದೀಪ್ ಸ್ಯಾಂಡಲ್ವುಡ್ನ ಹೆಚ್ಚು ಸಂಭಾವನೆ ಪಡೆಯುವ ನಟ ಅನ್ನೋದು ಗೊತ್ತಿರುವ ವಿಚಾರ. ಒಂದು ಚಿತ್ರಕ್ಕೆ 7ರಿಂದ 8 ಕೋಟಿ ರೂ ಪಡೆಯುವ ಪೈಲ್ವಾನ್, ಬಿಗ್ಬಾಸ್ ರಿಯಾಲಿಟಿ ಶೋಗೆ ಎಷ್ಟು ಚಾರ್ಜ್ ಮಾಡ್ತಾ ಇದ್ದಾರೆ ಅನ್ನೋದ್ರ ಬಗ್ಗೆ ಜಾಣ್ಮೆಯ ಉತ್ತರ ಕೊಟ್ಟಿದ್ದಾರೆ.
ಬಿಗ್ಬಾಸ್ 5 ಸೀಸನ್ಗಳನ್ನು ಹೋಸ್ಟ್ ಮಾಡಲು 25 ಕೋಟಿ ರೂ ಸಂಭಾವನೆಗೆ ಸಹಿ ಮಾಡಿದ್ದಾರೆ ಎನ್ನಲಾಗಿತ್ತು. ಆದ್ರೆ ಸುದೀಪ್ ಅವರಿಗೆ ಸಂಭಾವನೆ ಬಗ್ಗೆ ಕೇಳಿದರೆ, ನನ್ನ ಸಂಭಾವನೆ ಗೊತ್ತಿರೋದು ನನ್ನ ಪತ್ನಿ ಪ್ರಿಯಾ ಸುದೀಪ್ಗೆ ಮಾತ್ರ ಎಂದರು. ಹಾಗೇ ಪ್ರತಿ ಸೀಸನ್ನಲ್ಲಿ ಸಂಭಾವನೆ ಹೆಚ್ಚಾಗುತ್ತೆ. ಅದು ಎಷ್ಟು ಅಂತಾ ನಿಮಗೆ ಬೇಡ. ಯಾಕಂದ್ರೆ ನನ್ನ ಸಂಭಾವನೆಯಲ್ಲಿ ನಿಮಗೆ ಏನೂ ಕೊಡೊಲ್ಲ ಅಲ್ವಾ ಅಂತಾ ಮಾಧ್ಯಮದವರಿಗೆ ಮರು ಪ್ರಶ್ನೆ ಹಾಕಿದ್ರು.
ಆದ್ರೆ ಸಿನಿಮಾಗಿಂತ ಹೆಚ್ಚು ಸಂಭಾವನೆ ಸಿಗ್ತಾ ಇರೋದು ಬಿಗ್ಬಾಸ್ ರಿಯಾಲಿಟಿ ಶೋನಿಂದ ಅನ್ನೋದು ಸುದೀಪ್ರ ಜಾಣ್ಮೆಯ ಉತ್ತರ. ಸುದೀಪ್ ಅದ್ಭುತವಾದ ಮ್ಯಾನರಿಸಂ, ನಿರೂಪಣೆ ಮೂಲಕ ಕೋಟ್ಯಂತರ ಅಭಿಮಾನಿಗಳಿಗೆ ತಲುಪಿದ್ದಾರೆ.
