ಅವರನ್ನೆಲ್ಲ ಹೇಗೆ 'ಲೆಜೆಂಡ್' ಎನ್ನೋಣ... ಮೇರು ನಟರನ್ನು ಕುಟುಕಿ 'ಸ್ಮೀತಾ'ಗೆ ಶ್ರೀರೆಡ್ಡಿ ಸೆಲ್ಯೂಟ್

'ಸಿನಿಮಾ ರಾಜಕೀಯ ಮಧ್ಯದಲ್ಲಿ ನಾವು ಆಕೆಯನ್ನು ಕಳೆದುಕೊಂಡು ಬಿಟ್ವಿ. ಅವಳೇ ನಿಜವಾದ ಲೆಜೆಂಡ್​. ಸ್ಮಿತಾ ಮೇಡಂ ನಾವು ನಿಮ್ಮನ್ನು ಎಂದಿಗೂ ಮರೆಯೊಲ್ಲ' ಎಂದಿದ್ದಾರೆ ಟಾಲಿವುಡ್​ ನಟಿ ಶ್ರೀರೆಡ್ಡಿ.

ಟಾಲಿವುಡ್​ ನಟಿ ಶ್ರೀರೆಡ್ಡಿಯಿಂದ ಲೈಂಗಿಕ ದೌರ್ಜನ್ಯ ವಿರುದ್ಧದ ಹೋರಾಟ ಮುಂದುವರೆದಿದೆ. ಈಗಾಗಲೇ ಸಾಕಷ್ಟು ನಟರು, ನಿರ್ಮಾಪಕರು ಹಾಗೂ ನಿರ್ದೇಶಕರ ಬಣ್ಣ ಬಯಲು ಮಾಡಿರುವ ಈ ತಾರೆ, ಇದೀಗ ಲೆಜೆಂಡ್​ ನಟರ ವಿರುದ್ಧವೂ ಹರಿಹಾಯ್ದಿದ್ದಾರೆ.

ಇಂದು ಫೇಸ್​ಬುಕ್​ನಲ್ಲಿ ನಟಿ ಸಿಲ್ಕ್​ ಸ್ಮಿತಾ ಫೋಟೋ ಶೇರ್ ಮಾಡಿರುವ ಶ್ರೀರೆಡ್ಡಿ, 'ಲೆಜೆಂಡ್​ ನಟರು ಎನ್ನಿಸಿಕೊಂಡ ಕೆಲವರು ಈಕೆಯನ್ನು ದೈಹಿಕವಾಗಿ ಬಳಸಿಕೊಂಡಿದ್ದರು. ಅಂತಹ ಸೈಕೋಗಳನ್ನು ನಾವು ಹೇಗೆ ಮೇರು ನಟರು ಅಂತಾ ಕರೆಯಬೇಕೆಂದು ನೀವೇ ಹೇಳಿ' ಎಂದು ಪ್ರಶ್ನಿಸಿದ್ದಾರೆ. 'ಸಿನಿಮಾ ರಾಜಕೀಯ ಮಧ್ಯದಲ್ಲಿ ನಾವು ಆಕೆಯನ್ನು ಕಳೆದುಕೊಂಡು ಬಿಟ್ವಿ. ಅವಳೇ ನಿಜವಾದ ಲೆಜೆಂಡ್​. ಸ್ಮಿತಾ ಮೇಡಂ, ನಾವು ನಿಮ್ಮನ್ನು ಎಂದಿಗೂ ಮರೆಯೊಲ್ಲ' ಎಂದು ಬರೆದುಕೊಂಡಿದ್ದಾರೆ.

• " class="align-text-top noRightClick twitterSection" data="">

ಒಂದು ಕಾಲದಲ್ಲಿ ಹಾಟ್ ಫೆವರೆಟ್ ಆಗಿದ್ದ ಸಿಲ್ಕ್ ಸ್ಮೀತಾ ಜೀವನ ದುರಂತ ಅಂತ್ಯ ಕಂಡಿತು. ಬಾಲನಟಿಯಾಗಿ ಚಿತ್ರರಂಗಕ್ಕೆ ಎಂಟ್ರಿಕೊಟ್ಟಿದ್ದ ಈ ಸ್ಮೀತಾ, ಸರಿಸುಮಾರು 450 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದರು. 1996 ಸೆಪ್ಟೆಂಬರ್ 23 ರಂದು ಚೆನ್ನೈನ ಆಕೆ ತಂಗಿದ್ದ ಅಪಾರ್ಟ್​​ಮೆಂಟ್​ನಲ್ಲಿ ನಿಗೂಢವಾಗಿ ಸಾವನ್ನಪ್ಪಿದ್ರು. ​