ಷೇಕ್ಸ್​​​​ಪಿಯರ್​​​​​ ನಾಟಕ ಆಧರಿಸಿದ ಸಿನಿಮಾದಲ್ಲಿ ಸತೀಶ್​ ನೀನಾಸಂ

ಸತೀಶ್ ನೀನಾಸಂ ಬ್ಯಾಕ್ ಟು ಬ್ಯಾಕ್ ಕನ್ನಡ ಸಿನಿಮಾಗಳಲ್ಲಿ ಬ್ಯುಸಿ ಇದ್ದಾರೆ. ಈಗ ಅವರು ‘ಪಗೆವನುಕ್ಕು ಅರುಳ್ವಾಯ್’ ಎಂಬ ತಮಿಳು ​​​​​​ಚಿತ್ರದಲ್ಲಿ ನಟಿಸುವ ಮೂಲಕ ಕಾಲಿವುಡ್​​ ಚಿತ್ರರಂಗಕ್ಕೂ ಎಂಟ್ರಿ ನೀಡಿದ್ದಾರೆ. ಜನವರಿ 5 ರಿಂದ ಸತೀಶ್ ಅಭಿನಯದ ದೃಶ್ಯಗಳ ಚಿತ್ರೀಕರಣ ನಡೆಯಲಿದೆ.

ತಮಿಳು ಚಿತ್ರವೊಂದರಲ್ಲಿ ನಟಿಸುವುದಾಗಿ ಸತೀಶ್​ ನೀನಾಸಂ ಕಳೆದ ಮೂರು ವರ್ಷಗಳಿಂದ ಹೇಳುತ್ತಲೇ ಇದ್ದರು. ಈ ವಿಷಯವಾಗಿ 2-3 ಬಾರಿ ಅವರು ಚೆನ್ನೈಗೆ ಕೂಡಾ ಹೋಗಿ ಬಂದಿದ್ದರು. ಆದರೆ, ಅವರ ಅಭಿನಯದ ತಮಿಳು ಚಿತ್ರ ಮಾತ್ರ ಸೆಟ್ಟೇರಲೇ ಇಲ್ಲ. ಕನ್ನಡದಲ್ಲೇ ಸಾಕಷ್ಟು ಬ್ಯುಸಿ ಇರುವುದರಿಂದ ಇನ್ನು ಅವರು ತಮಿಳಿಗೆ ಹೋಗುವುದಿಲ್ಲ ಎಂದು ಎಲ್ಲರೂ ಅಂದುಕೊಳ್ಳುವಾಗಲೇ ಸತೀಶ್ ಈಗ ಕಾಲಿವುಡ್​​ಗೆ ಹೊರಡಲು ಸಿದ್ಧರಾಗಿದ್ದಾರೆ.

ಇದನ್ನೂ ಓದಿ: ಬಹಳ ದಿನಗಳ ನಂತರ ಮತ್ತೊಮ್ಮೆ ಕಿರುತೆರೆಗೆ ವಾಪಸಾದ ವಿಜಯ್ ಸೂರ್ಯ

ಸದ್ಯಕ್ಕೆ ಸತೀಶ್ ಕನ್ನಡದಲ್ಲಿ 'ಪೆಟ್ರೋಮ್ಯಾಕ್ಸ್​', 'ದಸರಾ' ಮತ್ತು 'ಮ್ಯಾಟ್ನಿ' ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಇದೀಗ ‘ಪಗೆವನುಕ್ಕು ಅರುಳ್ವಾಯ್’ ಎಂಬ ತಮಿಳು ಚಿತ್ರವನ್ನು ಒಪ್ಪಿಕೊಂಡಿದ್ದಾರೆ. ಈ ಚಿತ್ರವನ್ನು ಅನೀಸ್​ ಎಂಬುವವರು ನಿರ್ದೇಶಿಸುತ್ತಿದ್ದು ಈಗಾಗಲೇ ಚಿತ್ರೀಕರಣ ಕೂಡಾ ಆರಂಭವಾಗಿದೆ. ಜನವರಿ 5 ರಿಂದ ಸತೀಶ್​ ಅಭಿನಯದ ದೃಶ್ಯಗಳ ಚಿತ್ರೀಕರಣ ನಡೆಯಲಿದೆ. ಈ ಚಿತ್ರಕ್ಕೆ ಸತೀಶ್ ಒಬ್ಬರೇ ಹೀರೋ ಅಲ್ಲ. ‘ನಾಡೋಡಿಗಳ್’ ಸೇರಿದಂತೆ ಇತರ ಚಿತ್ರಗಳಲ್ಲಿ ನಟಿಸಿ ಜನಪ್ರಿಯತೆ ಪಡೆದಿರುವ ಶಶಿಕುಮಾರ್ ಕೂಡಾ ಈ ಚಿತ್ರದಲ್ಲಿ ನಾಯಕನಾಗಿ ನಟಿಸುತ್ತಿದ್ದಾರೆ. ವಿಲಿಯಂ ಷೇಕ್ಸ್​​​​​​ಪಿಯರ್​​​​​​​​​​​​​​​​ ಅವರ 'ಮ್ಯಾಕ್​​​​ಬೆತ್​​​​​​​​​​​​​​' ನಾಟಕವನ್ನು ಆಧರಿಸಿ ಈ ಚಿತ್ರದ ಕಥೆ ಮಾಡಲಾಗಿದ್ದು, ಚಿತ್ರದಲ್ಲಿ ಸತೀಶ್​ ಮತ್ತು ಶಶಿಕುಮಾರ್ ಇಬ್ಬರೂ ಕೈದಿಗಳಾಗಿ ನಟಿಸುತ್ತಿದ್ದಾರೆ. ತಮಿಳು ಚಿತ್ರದಲ್ಲಿ ಸತೀಶ್ ಅಭಿನಯ ಹೇಗಿರಲಿದೆ ಎಂಬ ಕುತೂಹಲ ಕನ್ನಡ ಸಿನಿಪ್ರಿಯರಿಗೆ ಇದೆ.