ನಾವು ನಮ್ಮ ವನ್ಯಜೀವಿಗಳನ್ನು ಚೆನ್ನಾಗಿ ನೋಡಿ ಕೊಂಡಾಗ ಮಾತ್ರ ಮನುಷ್ಯರಾಗಿ ನಾವು ಭೂಮಿ ಮೇಲೆ ಬದುಕಲು ನಾವು ಅರ್ಹರು ಎಂದು ರೋರಿಂಗ್ ಸ್ಟಾರ್ ಶ್ರೀ ಮುರುಳಿ ಹೇಳಿದ್ದಾರೆ. ಇತ್ತೀಚೆಗಷ್ಟೆ ವನ್ಯಜೀವಿ ಸಂರಕ್ಷಣಾ ರಾಯಭಾರಿಯಾಗಿ ಆಯ್ಕೆಯಾಗಿರುವ ಶ್ರೀಮುರುಳಿ, ಭರಾಟೆ ಚಿತ್ರದ ಸಾಂಗ್ ರಿಲೀಸ್ ವೇಳೆ ಮಾತನಾಡಿ, ವನ್ಯಜೀವಿಗಳ ರಕ್ಷಿಸಿದಾಗ ಮಾತ್ರ ನಾವು ಬದುಕಲು ಅರ್ಹರು ಎಂದು ಹೇಳಿದರು.
ಅಭಿಮಾನಿಗಳಿಗೆ ಪರಸರ ಪಾಠ ಮಾಡಿದ ಶ್ರೀಮುರುಳಿ
ನಾವು ಮಾತ್ರ ಬದುಕಿದ್ರೆ ಸಾಲದು ನಮ್ಮ ಮುಂದಿನ ಪೀಳಿಗೆಗೂ ವನ್ಯಜೀವಿಗಳನ್ನು ನೋಡುವ ಅವಕಾಶ ಸಿಗಬೇಕು. ಎಲ್ಲಿ ಹುಲಿಗಳು ಹೆಚ್ಚಾಗಿ ಇರುತ್ತವೆಯೋ ಅಲ್ಲಿ ಕಾಡು ಸಮೃದ್ಧಿಯಾಗಿರುತ್ತದೆ. ಕಾಡು ಚೆನ್ನಾಗಿದ್ರೆ ವನ್ಯಜೀವಿಗಳು ಚೆನ್ನಾಗಿರುತ್ತವೆ. ನೀರು ಚೆನ್ನಾಗಿದ್ರೆ ಅಲ್ಲಿ ಎಲ್ಲಾವೂ ಸಮೃದ್ದಿಯಾಗಿರುತ್ತೆ ಎಂದು ಶ್ರೀ ಮುರುಳಿ ಹೇಳಿದರು.
