ಉಗ್ರಂ ಹಾಗೂ ಕೆಜಿಎಫ್ ಸಿನಿಮಾ ಮೂಲಕ ಟ್ಯಾಲೆಂಟೆಡ್ ನಿರ್ದೇಶಕ ಅಂತಾ ಪ್ರೂವ್ ಆಗಿರುವ ಪ್ರಶಾಂತ್ ನೀಲ್ ಇದೀಗ 'ಸಲಾರ್' ಸಿನಿಮಾ ಮಾಡುತ್ತಿದ್ದು, ಸಿನಿ ರಂಗದಲ್ಲಿ ಸಂಚಲನ ಸೃಷ್ಟಿಸಿದೆ. ಇದು ಪ್ಯಾನ್ ಇಂಡಿಯಾ ಸಿನಿಮಾವಾಗಿದ್ದು, ಪ್ರಭಾಸ್ ಚಿತ್ರದಲ್ಲಿ ನಟಿಸುತ್ತಿದ್ದಾರೆ ಎಂಬುದು ಇದೀಗ ಸಖತ್ ಸುದ್ದಿಯಾಗಿದೆ. ಸಲಾರ್ ಚಿತ್ರದ ಟೈಟಲ್ ಮತ್ತು ಪ್ರಭಾಸ್ ಫಸ್ಟ್ ಲುಕ್ ರಿವೀಲ್ ಆಗಿದ್ದು, ಇದಕ್ಕೆ ಪುನೀತ್ ರಾಜ್ಕುಮಾರ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇಂದು ರಿಲೀಸ್ ಆಗಿರುವ ಪ್ರಭಾಸ್ ಅವರ ಲುಕ್ ಅನ್ನು ತಮ್ಮ ಫೇಸ್ಬುಕ್ ಖಾತೆಯಲ್ಲಿ ಶೇರ್ ಮಾಡಿರುವ ಪುನೀತ್ ರಾಜ್ಕುಮಾರ್, ನಮ್ಮ ಕನ್ನಡ ನಾಡಿಗೆ, ನಮ್ಮ ಮನೆಗೆ ಸುಸ್ವಾಗತ ಪ್ರಭಾಸ್ ಎಂದು ಬರೆದಿದ್ದಾರೆ. ಈ ಪೋಸ್ಟ್ಗೆ ಪ್ರತಿಕ್ರಿಯಸಿರುವ ಪ್ಯಾನ್ ಇಂಡಿಯಾ ನಟ ಪ್ರಭಾಸ್ ಧನ್ಯವಾಗಳು ಎಂದಿದ್ದಾರೆ.
ಇನ್ನು ಇಂದು ಲೋಕಾರ್ಪಣೆಯಾಗಿರುವ ಪ್ರಭಾಸ್ ಪೋಸ್ಟರ್ನಲ್ಲಿ 'ಅವನೊಬ್ಬ ಕ್ರೂರ' (the most violenmted man) ಎಂದು ಬರೆಯಲಾಗಿದೆ. ಪ್ರಭಾಸ್ ಈ ಲುಕ್ ಮತ್ತು ಪ್ರಶಾಂತ್ ನೀಲ್ ನಿರ್ದೇಶನಕ್ಕೆ ಭಾರತೀಯ ಚಿತ್ರರಂಗ ಹುಬ್ಬೇರಿಸಿದೆ.
ಯುವರತ್ನನಿಗೆ ಪ್ರಭಾಸ್ ವಿಶ್
ಇಂದು ಪುನೀತ್ ಅಭಿನಯದ ಯುವರತ್ನ ಚಿತ್ರದ ಪವರ್ ಆಫ್ ಯೂತ್ ಚಿತ್ರದ ಸಾಂಗ್ ರಿಲೀಸ್ ಆಗಿದ್ದು, ಇದಕ್ಕೆ ಪ್ರಭಾಸ್ ವಿಶ್ ಮಾಡಿದ್ದಾರೆ.
