ನಾಳೆ ಸಾಹೋ ಎದುರು ಪುಣ್ಯಾತ್​ಗಿತ್ತಿರು ಸೆಣಸಾಟ

ಪ್ಯಾನ್ ಇಂಡಿಯಾ ಸಿನಿಮಾ ‘ಸಾಹೋ’ ಎದುರು ಕನ್ನಡ ಸಿನಿಮಾ ಪುಣ್ಯಾತ್​ಗಿತ್ತಿರು ನಾಳೆ ಬಿಡುಗಡೆ ಆಗುತ್ತಿದೆ.

ಪ್ರಭಾಸ್ ಹಾಗೂ ಶ್ರದ್ದಾ ಕಪೂರ್ ಅಭಿನಯದ 300 ಕೋಟಿ ವೆಚ್ಚದ ‘ಸಾಹೋ’ ಸಿನಿಮಾ ತೆಲುಗು, ತಮಿಳು, ಹಿಂದಿ ಹಾಗೂ ಮಲಯಾಳಂ ಭಾಷೆಗಳಲ್ಲಿ ಬಿಡುಗಡೆ ಆಗುತ್ತಿದೆ. ‘ಸಾಹೋ’ ಕರ್ನಾಟಕದಲ್ಲೂ ಸಹ ಸುಮಾರು 250 ಕ್ಕೂ ಹೆಚ್ಚು ಪರದೆಗಳಲ್ಲಿ ಅಬ್ಬರಿಸಲಿದೆ.

ಎರಡು ವರ್ಷಗಳ ಬಳಿಕ ತೆಲುಗು ಚಿತ್ರರಂಗದ ಜನಪ್ರಿಯ ನಾಯಕ ಪ್ರಭಾಸ್ ಅಭಿನಯದ ಸಿನಿಮಾ ಸಾಹೋ ಬಿಡುಗಡೆ ಆಗುತ್ತಿದೆ. ಈ ಚಿತ್ರವನ್ನು ಸುಜೀತ್ ರಚನೆ ಜೊತೆಗೆ ನಿರ್ದೇಶನ ಸಹ ಮಾಡಿದ್ದಾರೆ. ಈ ಚಿತ್ರದಲ್ಲಿ ಬಾಲಿವುಡ್​ನ ಹಲವು ಕಲಾವಿದರು ಪಾತ್ರವರ್ಗದಲ್ಲಿ ಇದ್ದಾರೆ. ಜೊತೆಗೆ ಕನ್ನಡದ ಹೆಮ್ಮೆಯ ಪ್ರಕಾಶ್ ಬೆಳವಾಡಿ ಸಹ ಅಭಿನಯಿಸಿದ್ದಾರೆ. ಪ್ಯಾನ್ ಇಂಡಿಯಾ ಸಿನಿಮಾ ‘ಸಾಹೋ’ ಎದುರು ‘ಪುಣ್ಯಾತ್​ಗಿತ್ತಿರು’ ಕೂಡ ನಾಳೆ ತೆರೆಗೆ ಅಪ್ಪಳಿಸಲಿದೆ.

ಸತ್ಯ ಮೂವಿ ಪ್ರೊಡಕ್ಷನ್ ಅಡಿಯಲ್ಲಿ ಸತ್ಯನಾರಾಯಣ ಮನ್ನೆ ಅವರ ನಿರ್ಮಾಣದ ‘ಪುಣ್ಯಾತ್​ಗಿತ್ತಿರು’ ಸಿನಿಮಾ ಶುಕ್ರವಾರ ತೆರೆಗೆ ಬರುತ್ತಿದೆ. ನಾಲ್ವರು ಅನಾಥ ಹೆಣ್ಣು ಮಕ್ಕಳು ಬೆಳೆದು ದೊಡ್ಡವರಾದ ಮೇಲೆ ಅನೇಕ ಘಟನೆಗಳನ್ನು ಎದುರಿಸುತ್ತಾ, ತಾವು ಎಷ್ಟು ಗಟ್ಟಿಗಿತ್ತಿರು ಅನ್ನೋದನ್ನು ಸಾಬೀತುಪಡಿಸುವ ಕಥಾ ಹಂದರವನ್ನು ಇದು ಹೊಂದಿದೆ.

ರಾಜ್.ಬಿ.ಎನ್ ನಿರ್ದೇಶನದ ಈ ಚಿತ್ರದಲ್ಲಿ ಪುಣ್ಯಾತ್​ಗಿತ್ತಿಯರಾಗಿ ಮಮತಾ ರಾವುತ್, ಐಶ್ವರ್ಯಾ, ದಿವ್ಯಶ್ರೀ, ಸಂಭ್ರಮ ಅವರು ಕಾಣಿಸಿಕೊಂಡಿದ್ದಾರೆ. ನಾಲ್ವರು ನಾಯಕಿಯರು ವಿಭಿನ್ನ ಪಾತ್ರಗಳಲ್ಲಿ ಮಿಂಚಲಿದ್ದಾರೆ.

ಶರತ್ ಕುಮಾರ್ ಜಿ ಛಾಯಾಗ್ರಹಣ, ರಾಮಾನುಜಮ್ ಸಂಗೀತ, ಶಿವಪ್ರಸಾದ್ ಯಾದವ್ ಸಂಕಲನ, ದಿನೇಶ್​ ಕುಮಾರ್ ಹಿನ್ನೆಲೆ ಸಂಗೀತ, ತ್ರಿಭುವನ್ ನೃತ್ಯ, ವಿನೋದ್ ಸಾಹಸ, ಡಾ.ವಿ ನಾಗೇಂದ್ರ ಪ್ರಸಾದ್, ರಾಜ್ ಬಿ ಎ, ಎನ್ ಸ್ವರಾಜ್, ಕೆ.ಶಿ ಮೋಹನ್ ಗೀತೆಗಳು, ಸಂದೀಪ್ ಕನಕಪುರ ಸಂಭಾಷಣೆ, ಜಾನ್ಸನ್ ಎಫೆಕ್ಟ್ಸ್ಅನ್ನು ಈ ಚಿತ್ರಕ್ಕೆ ಒದಗಿಸಿದ್ದಾರೆ.