ಪವರ್ಸ್ಟಾರ್ ಪುನೀತ್ ರಾಜ್ಕುಮಾರ್ ಮುಖ್ಯಭೂಮಿಕೆಯಲ್ಲಿ ಅಭಿನಯಿಸುತ್ತಿರುವ ಯುವರತ್ನ ಸಿನಿಮಾ ದಿನದಿಂದ ದಿನಕ್ಕೆ ಅಭಿಮಾನಿಗಳಿಗೆ ಕುತೂಹಲದ ಆಗರವಾಗುತ್ತಿದೆ. ಒಂದಿಲ್ಲೊಂದು ಕ್ಯೂರಿಯಾಸಿಟಿ ಮಾಹಿತಿ ಹೊರ ಬಿಡುತ್ತಿರುವ ಚಿತ್ರತಂಡ ಅಭಿಮಾನಿಗಳ ಕೌತುಕ ಹೆಚ್ಚಿಸುತ್ತಿದೆ.
ಯುವರತ್ನ ಸಿನಿಮಾದ ಪವರ್ ಆಫ್ ಯೂತ್ ಹಾಡನ್ನು ಇದೇ ಡಿಸೆಂಬರ್ 2ರಂದು ರಿಲೀಸ್ ಮಾಡುತ್ತೇವೆ ಎಂದು ಪುನೀತ್ ರಾಜ್ಕುಮಾರ್ ಮತ್ತು ನಿರ್ದೇಶಕ ಸಂತೋಷ್ ಆನಂದ್ ರಾಮ್ ತಿಳಿಸಿದ್ದರು. ಇದೀಗ ಈ ಹಾಡಿನ ಪ್ರೋಮೋ ಒಂದನ್ನು ಬಿಡುಗಡೆ ಮಾಡಿ ಪವರ್ ಆಫ್ ಯೂತ್ ಹಾಡಿನ ಬಗೆಗಿನ ಆಸಕ್ತಿ ಹೆಚ್ಚಿಸಿದ್ದಾರೆ.
ಇದೀಗ ಬಿಡುಗಡೆಯಾಗಿರುವ ಪ್ರೋಮೋದಲ್ಲಿ ಪುನೀತ್ ಗಿಟಾರ್ ಹಿಡಿದು ಸ್ಟೈಲಿಶ್ ಲುಕ್ನಲ್ಲಿ ಡ್ಯಾನ್ಸ್ ಮಾಡಿದ್ದಾರೆ. ಮತ್ತೊಂದು ವಿಶೇಷ ಏನಂದ್ರೆ ಈ ಪ್ರೋಮೋದಲ್ಲಿ ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಕೂಡ ಹೆಜ್ಜೆ ಹಾಕಿದ್ದಾರೆ. 'ಹೆಸರು ಮಾಡು ಹರಿರಾಗೋ ಹಾಗೆ.. ಉಸಿರು ಹೋದರು ಹೆಸರಿರೊ ಹಾಗೆ.. ಆ ಚರಿತ್ರಗೆ ನೀನೆ ಮುನ್ನುಡಿ' ಎಂಬ ಸಾಲುಗಳು ಹಾಡಿನ ಮೇಲೆ ಹುತೂಹಲ ಹೆಚ್ಚಿಸಿವೆ.
ಇನ್ನು, ಪವರ್ ಆಫ್ ಯೂತ್ ಹಾಡಿಗೆ ಸಂತೋಷ್ ಆನಂದ್ರಾಮ್ ಸಾಹಿತ್ಯ ಬರೆದಿದ್ದು, ತಮನ್ ಸಂಗೀತ ನೀಡಿದ್ದಾರೆ. ಯುವರತ್ನ ಚಿತ್ರಕ್ಕೆ ಕೆಜಿಎಫ್ ನಿರ್ಮಾಪಕ ವಿಜಯ್ ಕಿರಗಂದೂರು ಬಂಡವಾಳ ಹಾಕಿದ್ದಾರೆ.
- " class="align-text-top noRightClick twitterSection" data="">
