ಗಾಳಿಪಟ...ಯೋಗರಾಜ್ ಭಟ್ ಡೈರೆಕ್ಷನ್ನಲ್ಲಿ 2008ರಲ್ಲಿ ತೆರೆಕಂಡಿದ್ದ ಸಕ್ಸಸ್ಫುಲ್ ಸಿನಿಮಾ. ಗಣೇಶ್, ದಿಗಂತ್, ರಾಜೇಶ್ ಕೃಷ್ಣನ್ ಕಾಂಬಿನೇಷನ್ನ ಈ ಸಿನಿಮಾ ಯೂತ್ ಐಕಾನ್ಗಳಿಗೆ ಲವ್ ಸ್ಟೋರಿಯ ಹೊಸ ಅಧ್ಯಾಯವನ್ನು ಸೃಷ್ಟಿಸಿತ್ತು. ಇದೀಗ ಭಟ್ರು ಹೊಸ ಟೀಮ್ ಜೊತೆಯಾಗಿ ಗಾಳಿಪಟ-2 ಸಿನಿಮಾ ಮಾಡೋಕೆ ಭರ್ಜರಿ ತಯಾರಿ ಮಾಡ್ತಿದ್ದಾರೆ.
ಸದ್ಯ ಚಿತ್ರಕ್ಕೆ ಹೊಸ ಸ್ಟಾರ್ಗಳಾಗಿ ಕಾಮಿಡಿ ಕಿಂಗ್ ಶರಣ್, ಕವಲುದಾರಿ ಖ್ಯಾತಿಯ ರಿಷಿ ಹಾಗೂ ಲೂಸಿಯಾ ಪವನ್ ಅವರನ್ನು ಸೇರಿಸಿಕೊಂಡು ಭಟ್ರು ಸಿನಿಮಾ ಮಾಡೋದಾಗಿ ಈ ಹಿಂದೆ ಅನೌಸ್ ಮಾಡಿದ್ರು. ಜೊತೆಗೆ ಶೂಟಿಂಗ್ ನಡೆಸಲು ಮಲೆನಾಡು ಭಾಗ ಸೇರಿದಂತೆ ವಿದೇಶದೆಲ್ಲೆಡೆ ಅದ್ಭುತ ಲೊಕೇಷನ್ ಹುಡುಕಾಟ ಕೂಡ ನಡೆಸಿದ್ರು.
ಆದ್ರೆ, ಗಾಳಿಪಟ-2 ಚಿತ್ರದಿಂದ ಶರಣ್ ಹಾಗೂ ರಿಷಿ ಕೈ ಬಿಟ್ಟು, ಮತ್ತೆ ಗೋಲ್ಡನ್ ಸ್ಟಾರ್ ಗಣೇಶ್ ಹಾಗೂ ದೂದ್ ಪೇಡಾ ದಿಗಂತ್ ಟೀಮ್ ಜೊತೆ ಸೇರ್ಪಡೆಯಾಗಿದ್ದಾರೆ ಎನ್ನಲಾಗಿದೆ. ಇನ್ನೊಂದು ಕಡೆ ಗಣೇಶ್ ಹಾಗೂ ದಿಗಂತ್ರನ್ನು ಸೇರಿಸಿಕೊಳ್ಳಬೇಕೆನ್ನುವ ಕೂಗು ಅಭಿಮಾನಿಗಳಲ್ಲಿ ಜಾಸ್ತಿಯಾಗಿತ್ತು. ಡೇಟ್ ಹೊಂದಾಣಿಕೆ ಹಾಗೂ ಸ್ಕ್ರೀಪ್ಟ್ನಲ್ಲಿ ಕೆಲ ಬದಲಾವಣೆ ಮಾಡಿದ ಕಾರಣ, ಶರಣ್ ಹಾಗೂ ರಿಷಿ ಬದಲಾಗಿ ಗಣೇಶ್ ಹಾಗೂ ದಿಗಂತ್ ಅವರನ್ನು ಕರೆತರೋಕೆ ಚಿತ್ರತಂಡ ಪ್ಲಾನ್ ಮಾಡಿದೆ ಅಂತಾ ಗಾಂಧಿನಗರದಲ್ಲಿ ತುಂಬಾ ಸದ್ದು ಮಾಡ್ತಿದೆ.
ಚಿತ್ರದಲ್ಲಿ ಸೋನಾಲ್ ಮಾಂತೇರಿಯಾ, ಶರ್ಮಿಳಾ ಮಾಂಡ್ರೆ, ಅಧಿತಿ ಪ್ರಭುದೇವ ಸೇರಿದಂತೆ ಬಹುತೇಕರು ನಟಿಸಿದ್ದಾರೆ. ಇದೀಗ ಭಟ್ರು ಟೀಮ್ಗೆ ಗಣಿ, ದಿಗಂತ್ ಮತ್ತೆ ಎಂಟ್ರಿ ಕೊಟ್ಟಿದ್ದು, ಇನ್ನು ಅಧಿಕೃತವಾಗಿ ನಿರ್ದೇಶಕ ಭಟ್ರು ಮಾಹಿತಿ ಹೇಳಬೇಕಿದೆ.
