ಸಿನಿಮಾ ಪ್ರಚಾರ ಹೀಗೂ ಮಾಡ್ತಾರಾ?: ನೋಡಿದ್ರೆ ಶಾಕ್​​ ಆಗ್ತೀರಾ!

ಡಿಫರೆಂಟ್ ಪಬ್ಲಿಸಿಟಿಗೆ ನ್ಯೂರಾನ್​​ ಚಿತ್ರ ತಂಡ ಕೈಹಾಕಿದೆ. ನ್ಯೂರಾನ್ ಟೈಟಲ್ ಡಿಸೈನ್ ಇರುವ ಉಡುಪು ತೊಟ್ಟು ನಗರದ ಪ್ರಮುಖ ರಸ್ತೆಗಳಲ್ಲಿ ವಾಕ್ ಮಾಡಿ ಜನರ ಗಮನ ಸೆಳೆದಿದೆ.

ಟೈಟಲ್ ಹಾಗೂ ಟ್ರೇಲರ್​​ನಿಂದಲೇ ಗಮನ ಸೆಳೆದಿರುವ ನ್ಯೂರಾನ್ ಚಿತ್ರ ಬಿಡುಗಡೆಗೆ ರೆಡಿಯಾಗಿದೆ. ಮನುಷ್ಯನ ಆಲೋಚನೆ ಮತ್ತು ಮೆದುಳಿಗೆ ಸಂಬಂಧಿಸಿದ ಸೈನ್ಸ್ ಕಥೆಯನ್ನು ಥ್ರಿಲ್ಲರ್ ಜಾನರ್​​ನಲ್ಲಿ ಜನರಿಗೆ ಹೇಳಲು ಹೊರಟಿರುವ ನಿರ್ದೇಶಕ ವಿಕಾಸ್ ಪುಷ್ಪಗಿರಿ, ರಿಲೀಸ್ ಟೈಮಲ್ಲೂ ತಮ್ಮ ಬ್ರೈನ್​ಗೆ ಕೆಲಸ ಕೊಟ್ಟು ವಿಭಿನ್ನವಾಗಿ ಚಿತ್ರದ ಪಬ್ಲಿಸಿಟಿ ಮಾಡುತ್ತಿದ್ದಾರೆ.

ಹೌದು, ಹೊಸಬರ ಚಿತ್ರಗಳಿಗೆ ಇಂತಹ ಕ್ರಿಯೇಟಿವ್​ ಐಡಿಯಾದಿಂದ ಸಿನಿಮಾ ಪ್ರಚಾರ ಮಾಡಬೇಕಾಗುತ್ತದೆ. ಜನರಿಗೆ ಚಿತ್ರವನ್ನು ತಲುಪಿಸುವ ಸಲುವಾಗಿ ಸಾಕಷ್ಟು ಡಿಫರೆಂಟ್ ಪಬ್ಲಿಸಿಟಿಗೆ ಕೈಹಾಕುವ ಚಿತ್ರತಂಡಗಳ ಮಧ್ಯೆ ನ್ಯೂರಾನ್ ಟೀಂ ಕೂಡಾ ಈ ಪ್ರಯತ್ನ ಮಾಡಿದೆ. ನ್ಯೂರಾನ್ ಟೈಟಲ್ ಡಿಸೈನ್ ಇರುವ ಉಡುಪು ತೊಟ್ಟು ನಗರದ ಪ್ರಮುಖ ರಸ್ತೆಗಳಲ್ಲಿ ವಾಕ್ ಮಾಡಿ ಜನರ ಗಮನ ಸೆಳೆದಿದೆ.

ಒಟ್ಟು 6 ಜನರಿಗೆ ನ್ಯೂರನ್ ಟೈಟಲ್ ಡಿಸೈನ್ ಕಾಸ್ಟ್ಯೂಮ್ ಹಾಕಿಸಿ ಮೆಜೆಸ್ಟಿಕ್, ಮಾಲ್​​ಗಳು, ರೈಲ್ವೆ ಸ್ಟೇಷನ್ ಹಾಗೂ ಮೆಟ್ರೋ ಸ್ಟೇಷನ್ ಸುತ್ತಮುತ್ತ ಪ್ರಮೋಷನ್ ಮಾಡುವ ಮೂಲಕ ನ್ಯೂರಾನ್ ಚಿತ್ರತಂಡ ಗಮನ ಸೆಳೆದಿದೆ. ಹೊಸ ನಿರ್ದೇಶಕ ವಿಕಾಸ್​​​​ ಪುಷ್ಪಗಿರಿ ನಿರ್ದೇಶನದ ಈ ಚಿತ್ರದಲ್ಲಿ ನವ ನಟ, ಯುವ ನಾಯಕನಾಗಿ ನಟಿಸಿದ್ದು, ಚಿತ್ರದಲ್ಲಿ ಮೂರು ನಾಯಕಿಯರಿದ್ದಾರೆ. ನೇಹಾ ಪಾಟೀಲ್, ವೈಷ್ಣವಿ ಮೆನನ್ ಹಾಗೂ ಶಿಲ್ಪ ಶೆಟ್ಟಿ ನಟಿಸಿದ್ದು, ನವಂಬರ್ 22ರಂದು ರಾಜ್ಯಾದ್ಯಂತ ನ್ಯೂರಾನ್ ಚಿತ್ರ ರಿಲೀಸ್ ಆಗ್ತಿದೆ.