'ಮಹಾನಟಿ' ಚಿತ್ರದ ನಂತರ ನಟಿ ಕೀರ್ತಿ ಸುರೇಶ್ ಬೇರೆ ಭಾಷೆಯ ಸಿನಿಮಾಗಳಲ್ಲಿ ಬ್ಯುಸಿ ಆದರು. ಅಜಯ್ ದೇವಗನ್ ಜೊತೆ 'ಮೈದಾನ್' ಸಿನಿಮಾದಲ್ಲಿ ನಟಿಸುವ ಮೂಲಕ ಬಾಲಿವುಡ್ಗೆ ಕೂಡಾ ಕಾಲಿರಿಸಿದರು. ಇದೀಗ ಅವರ ಮತ್ತೊಂದು ತೆಲುಗು ಸಿನಿಮಾ ರೆಡಿಯಾಗುತ್ತಿದೆ.
- " class="align-text-top noRightClick twitterSection" data="">
ಈಗಾಗಲೇ ಚಿತ್ರದ ಶೂಟಿಂಗ್ ಕೂಡಾ ಆರಂಭವಾಗಿದ್ದು ಕೀರ್ತಿ ಕೂಡಾ ಶೂಟಿಂಗ್ನಲ್ಲಿ ಭಾಗವಹಿಸುತ್ತಿದ್ದಾರೆ. ನಿನ್ನೆ ಕೀರ್ತಿ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಈ ಚಿತ್ರದ ಟೀಸರನ್ನು ಶೇರ್ ಮಾಡಿಕೊಂಡಿದ್ದಾರೆ. ನರೇಂದ್ರನಾಥ್ ಈ ಸಿನಿಮಾವನ್ನು ನಿರ್ದೇಶಿಸುತ್ತಿದ್ದು ಸಿನಿಮಾಗೆ 'ಮಿಸ್ ಇಂಡಿಯಾ' ಎಂದು ಹೆಸರಿಟ್ಟಿರುವುದಾಗಿ ತಿಳಿದುಬಂದಿದೆ. ಚಿತ್ರದಲ್ಲಿ ಕೀರ್ತಿ ಮಿಸ್ ಇಂಡಿಯಾ ಆಗಿ ನಟಿಸುತ್ತಿದ್ದಾರೆ ಎನ್ನಲಾಗುತ್ತಿದೆ. ಈಸ್ಟ್ ಕೋಸ್ಟ್ ಪ್ರೊಡಕ್ಷನ್ ಬ್ಯಾನರ್ ಅಡಿ ಮಹೇಶ್ ಎಸ್. ಕೊನೇರು ಈ ಸಿನಿಮಾವನ್ನು ನಿರ್ಮಿಸುತ್ತಿದ್ದಾರೆ. ನರೇಂದ್ರನಾಥ್ ಹಾಗೂ ತರುಣ್ ಚಿತ್ರಕಥೆ ಬರೆದಿದ್ದು ಚಿತ್ರದ ಹಾಡುಗಳಿಗೆ ತಮನ್. ಎಸ್ ಸಂಗೀತ ನೀಡುತ್ತಿದ್ದಾರೆ. ಜಗಪತಿಬಾಬು, ನವೀನ್ ಚಂದ್ರ, ರಾಜೇಂದ್ರ ಪ್ರಸಾದ್, ನರೇಶ್, ಭಾನುಶ್ರೀ ಮೆಹ್ರಾ, ಸುಮಂತ್ ಹಾಗೂ ಇನ್ನಿತರರು ಚಿತ್ರದ ತಾರಾಗಣದಲ್ಲಿದ್ದಾರೆ.
